Առյուծի արձանիկ (մ․թ․ա․ 14-13-րդ դարեր, Դվին)
 | |
|---|---|
| նյութ | բրոնզ |
| բարձրություն | 27 |
| լայնություն | 12,5 |
| խորություն | 6,5 |
| ստեղծվել է | մ. թ. ա. 14-13-րդ դարեր |
| կայք | |
Առյուծի արձանիկ, մ․թ․ա․ 14-13-րդ դարերում Դվինում հայտնաբերված արձանիկ, որը ներառված է Հայաստանի պատմության թանգարանի հավաքածուում 2982-1 համարի ներքո։
Նկարագրություն[խմբագրել | խմբագրել կոդը]
Հարթակի վրա կանգնած մ․թ․ա․ 14-13-րդ դարերում գտնված առյուծի սնամեջ քանդակ է։ Վերջինիս գլուխը խոշոր է՝ պսակված թավ բաշով, ականջները փոքր են, ցցված։ Աչքերը խոշոր, դուրս պրծած, կենտրոնում՝ խորը փոսորակով նշված են ակնախոռոչները։ Քթանցնքներն ունեն կլոր անցքերի ձև։ Երախը՝ ատամնաշարով, բաց է։ Վերին ծնոտին թույլ ռելիեֆով ընդգծված է մորթին։ Իրանը կլոր է, սնամեջ՝ զարդարված երկշար եռանկյունի ծակոտիներով, ոտքերը մեկնած են առաջ։ Պոչը երկար է՝ ծայրում գալաված։ Կենդանու ֆիգուրան դրված է խարսաձև հիմքով պատվանդանի վրա[1][2]։
Ծանոթագրություններ[խմբագրել | խմբագրել կոդը]
- ↑ Հայացք բրոնզե դարից, Ալբոմ-կատալոգ, Հայաստանի պատմության թանգարան, 2016, 160 էջ։ A Glance from the Bronze Age. Yerevan, History Museum of Armenia, 2016, 160 pages.
- ↑ «Առյուծի արձանիկ - Հայկական գանձարան». Հայկական գանձարան. Վերցված է 2017 թ․ փետրվարի 2-ին.(չաշխատող հղում)
Աղբյուրներ[խմբագրել | խմբագրել կոդը]
- Հայացք բրոնզե դարից, Ալբոմ-կատալոգ, Հայաստանի պատմության թանգարան, 2010։
- Հասմիկ Իսրայելյան - Պաշտամունքն ու հավատալիքները ուշ բրոնզեդարյան Հայաստանում, Երևան, 1973։
Այս հոդվածի կամ նրա բաժնի որոշակի հատվածի սկզբնական տարբերակի նյութը տրամադրված է Հայաստանի պատմության թանգարանի կողմից ԳԼԱՄ ծրագրի շրջանակներում։  |