Անդրեյ Պրոկոպչուկ

Անդրեյ Պրոկոպչուկ
Ծնվել է	հուլիսի 4 (16), 1896
Ծննդավայր	Չեմերի, Սլոնիմ շրջան, Գրոդնոյի նահանգ, Վիլնայի գլխավոր նահանգապետարան, Ռուսական կայսրություն
Մահացել է	ապրիլի 13, 1970 (73 տարեկան)
Մահվան վայր	Մինսկ, Բելառուսական ԽՍՀ, ԽՍՀՄ
Քաղաքացիություն	Ռուսական կայսրություն և ԽՍՀՄ
Կրթություն	Ռուսաստանի ազգային հետազոտական բժշկական համալսարան (1923)
Մասնագիտություն	գիտնական, մաշկավեներաբան, բժիշկ, համալսարանի դասախոս, Բուժակ և ռազմական բժիշկ
Կոչում	academician of the National Academy of Sciences of Belarus? և պրոֆեսոր
Գիտական աստիճան	բժշկական գիտությունների դոկտոր (1936)
Աշակերտներ	Q108292663?
Աշխատավայր	Բելառուսի պետական համալսարանի բժշկական ֆակուլտետ, Մինսկի պետական բժշկական համալսարան, Կազանի պետական բժշկական համալսարան և Դուշանբեի բժշկական ինստիտուտ
Անդամակցություն	Բելառուսական պրոլետար ուսանողական կրթաթոշակ
Պարգևներ	; և

Անդրեյ Յակովլևիչ Պրոկոպչուկ (բելառուս․՝ Андрэй Якаўлевіч Пракапчук, հուլիսի 4 (16), 1896^[1], Չեմերի, Սլոնիմ շրջան, Գրոդնոյի նահանգ, Վիլնայի գլխավոր նահանգապետարան, Ռուսական կայսրություն - ապրիլի 13, 1970(1970-04-13), Մինսկ, Բելառուսական ԽՍՀ, ԽՍՀՄ), խորհրդային մաշկավեներոլոգ, Բելառուսի Գիտությունների ազգային ակադեմիայի ակադեմիկոս, բժշկական գիտությունների դոկտոր (1936), պրոֆեսոր (1931), ԽՍՀՄ գիտության վաստակավոր գործիչ^[3]։

Կենսագրությունման

Անդրեյ Պրոկոպչուկը ծնվել է 1896 թվականին, Գրոդնոյի մարզի Չեմրի գյուղում։ 1912 թվականին ավարտել է Սլոնիմ քաղաքի ուսումնարանը, 1913 թվականից զբաղվել է ուսուցչությամբ։ Առաջին համաշխարհային պատերազմի ժամանակ ծառայել է որպես շարքային, հետագայում՝ ֆելշերական դասընթացներն ավարտելուց հետո ծառայությունը շարունակել է հոսպիտալում։ 1917 թվականին վերադարձել է Բելառուս, աշխատել է որպես տարրական դպրոցի ուսուցիչ։

1923 թվականին ավարտել է Մոսկվայի պետական համալսարանի բժշկական ֆակուլտետը։ 1927 թվականից աշխատել է Բելառուսի պետական համալսարանի բժշկական ֆակուլտետին կից մաշկային և վեներական հիվանդությունների կլինիկայում։ 1931 թվականից եղել է Մինսկի բժշկական ինստիտուտի ամբիոնի վարիչ, միևնույն ժամանակ՝ (1932-1938 և 1945-1963 թթ.) Բելառուսական Խորհրդային Սոցիալիստական Հանրապետության առողջապահության նախարարության մաշկա-վեներական հետազոտական ինստիտուտի տնօրեն։ 1940-1946 թվականներին եղել է Բելառուսական Խորհրդային Սոցիալիստական Հանրապետության ԳԱ նախագահության անդամ։

Մասնակցել է Հայրենական մեծ պատերազմին, Արևմտյան ճակատում եղել է ռազմական բժիշկ, որից հետո ղեկավարել է Կազանի բժշկական ինստիտուտի մաշկային և վեներական հիվանդությունների (1941-1942), Դուշանբեի բժշկական ինստիտուտի (1942-1943), Բելառուսի (Մինսկի) բժշկական ինստիտուտի (1943-1970) բաժանմունքները։ Մինսկ տեղափոխվելուց հետո Պրոկոպչուկը նորից նշանակվել է Բելառուսի մաշկավեներաբանական գիտահետազոտական ինստիտուտի տնօրեն։

Մահացել է 1970 թվականի ապրիլի 13-ին, թաղված է Մինսկի Արևելյան գերեզմանատանը^[4]։

Գիտական գործունեություն

Համարվում է Բելառուսի մաշկավեներոլոգների դպրոցի հիմնադիրը․ ուսումնասիրել է տարբեր բորբոքումների, նյութափոխանակության, ֆերմենտային պրոցեսների միջոցով մաշկի բորբոքային պրոցեսների ձևաբանության խնդիրներ, հիմնավորել է մաշկի և վեներական հիվանդությունների ախտորոշման և բուժման նոր մեթոդներ, մաշկի հիվանդությունների բուժման ընթացքում օգտագործել է ռադիոակտիվ իզոտոպներ և ստերոիդ հորմոններ։

Մոտ 230 գիտական աշխատանքի և 5 մենագրության հեղինակ է։

Պարգևներ և շքանշաններ

Պարգևատրվել է Լենինի 2 շքանշանով (1942, 1961), Աշխատանքային կարմիր դրոշի շքանշաններով (1944), Բելառուսական Խորհրդային Սոցիալիստական Հանրապետության Գերագույն խորհրդի պատվոգրով, արժանացել է Բելառուսական Խորհրդային Սոցիալիստական Հանրապետության գիտության վաստակավոր գործիչ պատվավոր կոչմանը։

Ծանոթագրություններ

↑ ^1,0 ^1,1 ^1,2 ^1,3 https://www.bsmu.by/page/55/3205/
↑ ^2,0 ^2,1 ^2,2 http://unicat.nlb.by/opac/pls/dict.prn_ref?tu=r&tq=v0&name_view=va_aall&a001=BY-NLB-ar4337181&strq=l_siz=20
↑ «Прокопчук Андрей Яковлевич». www.bsmu.by. Արխիվացված է օրիգինալից 2021 թ․ մարտի 7-ին. Վերցված է 2021 թ․ մարտի 23-ին.
↑ «Андрей Яковлевич Прокопчук (1896—1970) — выдающийся врач, стоявший у истоков дерматовенерологии Беларуси | Журнал "Здравоохранение"». www.zdrav.by (ռուսերեն). Արխիվացված է օրիգինալից 2021-02-28-ին. Վերցված է 2021 թ․ մարտի 23-ին.

Գրականություն

Весцi АН БССР. Сер. біял. навук. 1976. № 3.
Андрей Яковлевич Прокопчук: (Дела и годы). М.: ИНФИТ, 2003.
Акадэмік АН БССР, доктар медыцынскіх навук, прафесар А. Я. Пракапчук: Біябібліяграфічны паказальнік. Мн.: БГМУ, 2004.

Արտաքին հղումներ

[_9d57cd7457dcf347-1] 1,0 ^1,1 ^1,2 ^1,3 https://www.bsmu.by/page/55/3205/

[_b95e3e62d55d2ca3-2] 2,0 ^2,1 ^2,2 http://unicat.nlb.by/opac/pls/dict.prn_ref?tu=r&tq=v0&name_view=va_aall&a001=BY-NLB-ar4337181&strq=l_siz=20

[3] «Прокопчук Андрей Яковлевич». www.bsmu.by. Արխիվացված է օրիգինալից 2021 թ․ մարտի 7-ին. Վերցված է 2021 թ․ մարտի 23-ին.

[4] «Андрей Яковлевич Прокопчук (1896—1970) — выдающийся врач, стоявший у истоков дерматовенерологии Беларуси | Журнал "Здравоохранение"». www.zdrav.by (ռուսերեն). Արխիվացված է օրիգինալից 2021-02-28-ին. Վերցված է 2021 թ․ մարտի 23-ին.

[1]

[2]

[3]

[4]