Աբգար Նազարյան
- Վիքիպեդիայում կան հոդվածներ Նազարյան ազգանունով այլ մարդկանց մասին։
| Աբգար Նազարյան | |
|---|---|
 | |
| Ծնվել է | փետրվարի 4, 2002 |
| Ծննդավայր | Երևան, Հայաստան |
| Մահացել է | սեպտեմբերի 29, 2020 (18 տարեկան) |
| Մահվան վայր | Կարախանբեյլի, Հադրութի շրջան, Արցախ |
| Քաղաքացիություն |  Հայաստան |
| Մասնագիտություն | զինվոր |
| Պարգևներ և մրցանակներ |  |
Աբգար Գեղամի Նազարյան (փետրվարի 4, 2002, Երևան, Հայաստան - սեպտեմբերի 29, 2020, Կարախանբեյլի, Հադրութի շրջան, Արցախ), Հայաստանի զինված ուժերի զինծառայող, Արցախյան 44-օրյա պատերազմի մասնակից։ Հերոսաբար զոհվել է Կարախանբեյլի գյուղի առաջնային դիրքերից մեկում՝ ԱԹՍ-ի հարվածից։
Կենսագրություն
[խմբագրել | խմբագրել կոդը]Աբգար Նազարյանը ծնվել է Երևանում, 2002 թվականի փետրվարի 4-ին։ Սովորել է Երևանի Գրիգոր Զոհրապի անվան թիվ 43 դպրոցում, 2020 թվականին ավարտել է ժժԱվետիք Իսահակյանի անվան ավագ դպրոցը։ 2020 թվականին ընդունվել է Հայաստանի Ֆրանսիական համալսարանի իրավագիտության ֆակուլտետը, որից հետո զորակոչվել բանակ։
Ծառայությունն անցել է Հադրութում։ Ընդգրկվել է ուսումնական գումարտակի դիպուկահարների դասակում։
Պատերազմի առաջին ժամերից մասնակցել է մարտական գործողություններին՝ դիպուկահարի իր զենքով թշնամուն պատճառելով կենդանի ուժի զգալի կորուստներ։
Զոհվել է Կարախանբեյլի գյուղի մոտ՝ ԱԹՍ-ի հարվածից[1]։
Աբգար Նազարյանը 2021 թվականին հունվարի 8-ին հուղարկավորվել է Տավուշի մարզի Կիրանց գյուղում։
Հետմահու պարգևատրվել է մի շարք շքանշաններով, այդ թվում՝ «Մարտական ծառայության» մեդալով։
Աբգար Նազարյանի և ևս յոթ նահատակների հիշատակին խաչքար է տեղադրվել Երևանի Նոր Արեշ թաղամասի այն բակում, որտեղ ծնվել և մեծացել է։ Նրա պատկերով հուշատախտակ է տեղադրված Կիրանցի հերոսների հուշահամալիրում։
Աբգար Նազարյանը ընդգրկված է եղել «Կարմիր արծիվներ» ֆան ակումբում[2] և ակտիվորեն աջակցել է Հայաստանի ֆուտբոլի հավաքականին և ակումբային թիմերին Հայաստանում և արտերկրում։
Ծանոթագրություններ
[խմբագրել | խմբագրել կոդը]- ↑ https://iravaban.net/313438.html
- ↑ «Արխիվացված պատճենը». Արխիվացված է օրիգինալից 2021 թ․ սեպտեմբերի 28-ին. Վերցված է 2021 թ․ սեպտեմբերի 28-ին.