Volterman (դրամապանակ)

Վիքիպեդիայից՝ ազատ հանրագիտարանից

Volterman, հայկական արտադրության բազմաֆունկցիոնալ դրամապանակ։ Դրամապանակն ունի GPS համակարգ և ներկառուցված տեսախցիկ։ Դրամապանակի օգնությամբ կարելի է գտնել կորած հեռախոսը, անլար կամ լարով լիցքավորել հեռախոսը, ինչպես նաև՝ Global WiFi hotspot-ի միջոցով ցանկացած վայրում կարելի է տարածել ինտերնետ առանց ռոումինգի։ Եթե դրամապանակի և նրան միացված հեռախոսի հեռավորությունը շատ է մեծանում, դրամապանակի և հեռախոսի վրա ակտիվանում է ահազանգ[1]։

Դրամապանակը ստեղծել է Ազատ Թովմասյանը։ 2017 թվականի հունիսին ներկայացվել է IndieGoGo հարթակում, որտեղ 1 օրում հավաքվել է 67,000 դոլար։ Ստարտափի համար հավաքվեց 1,137,115 դոլար՝ նախապես ամրագրված 40,000-ի փոխարեն[2]։

Հնարավորություններ[խմբագրել | խմբագրել կոդը]

Կորցնելու ահազանգ[խմբագրել | խմբագրել կոդը]

Volterman-ը Bluetooth-ի միջոցով կապված է տիրոջ հեռախոսի հետ։ Երբ հեռախոսը դրամապանակից հեռանում է 15-20 մետրով, դրամապանակի և հեռախոսի վրա ակտիվանում է ազդանշան։ Եթե նույնիսկ հեռախոսի ձայնը անջատված է, այն միանում է և ազդանշան տալիս[3]։

GPS մոդուլ[խմբագրել | խմբագրել կոդը]

Դրամապանակի վրա տեղադրված է GPS մոդուլ, որը ցույց է տալիս դրամապանակի տեղը։

Ներկառուցված տեսախցիկ[խմբագրել | խմբագրել կոդը]

Դրամապանակի ներսի մասում կա միկո տեսախցիկ, որը կոչվում է Thief Detection camera: Երբ տերը կորցնում է դրամապանակը, նրա վրա ակտիվանում է «lost mode»: Երբ ինչ-որ մեկը բացում է դրամապանակը «lost mode»-ի ժամանակ, տեսախցիկը լուսանկար է անում, և նկարը ուղարկում տիրոջ մեյլին։ Նկարը նաև տեղադրվում է volterman.com կայքում[3]։

Ներկառուցված լիցքավորման մարտկոց[խմբագրել | խմբագրել կոդը]

Volterman-ի մեջ կա ներկառուցված 2000-5000 միլիամպեր-ժամ ունակությամբ լիցքավորման մարտկոց, որի շնորհիվ լարով կամ առանց լար կարելի է լիցքավորել հեռախոսը։

Wi-Fi մոդուլ[խմբագրել | խմբագրել կոդը]

Դրամապանակի մեջ կա Wi-Fi մոդուլ, որի շնորհիվ դրամապանակը կարող է ինտերնետ տարածել աշխարհի ցանկացած վայրում՝ 3 անգամ ավելի էժան տվյալների ռոումինգով[4]։

Մոդելներ[խմբագրել | խմբագրել կոդը]

Volterman-ը առաջարկում է դրամապանակի 3 մոդել.

  • Cardholder - մարտկոց՝ 2,000 մԱ/ժ, չափ՝ 10x7 սմ, քաշ՝ 100 գրամ։
  • Bifold - մարտկոց՝ 2,600 մԱ/ժ, չափ՝ 12x9 սմ, քաշ՝ 120 գրամ։
  • Travel - մարտկոց՝ 5,000 մԱ/ժ, չափ՝ 19x9 սմ, քաշ՝ 150 գրամ[4]։

Առկա Խնդիրները[խմբագրել | խմբագրել կոդը]

  • Volterman-ի տեսախցիկով կատարված նկարները հիմնականում կանաչ գույնի է լինում։ Որի լուծումը դեռ առկա չէ
  • Դրամապանակում տեղադրված 64gb հիշողության քարտը իրականում 32gb է։ Հիշողության իրական ծավալը կեղծած է արտադրողի կողմից։
  • Դրամապանակը իրականում ջրադիմացկուն չէ։ Առկա չէ ոչ մի պաշտպանիչ միջոցներ։

Ծանոթագրություններ[խմբագրել | խմբագրել կոդը]

  1. "Volterman խելացի դրամապանակի զարգացման համար մեկ օրում $67.000 է հավաքագրվել". PanARMENIAN.Net. Retrieved 2017 թ․ հուլիսի 4.
  2. "Volterman - World's Most Powerful Smart Wallet". Indiegogo. Retrieved 2017 թ․ հուլիսի 4.
  3. 3,0 3,1 "Հայկական ստարտափ. աշխարհի ամենահզոր դրամապանակը՝ Volterman-ը - Հետք - Լուրեր, հոդվածներ, հետաքննություններ". Retrieved 2017 թ․ հուլիսի 4.
  4. 4,0 4,1 "Volterman սմարթ դրամապանակի հայկական նախագիծը Indiegogo հարթակում 181.5 հազար դոլար է հավաքագրել". բիզնես.հայ. Retrieved 2017 թ․ հուլիսի 4. {{cite news}}: Check |url= value (help)

Արտաքին հղումներ[խմբագրել | խմբագրել կոդը]