Tick-Tock (երգ, Մարիա Յարեմչուկ)

Tick-Tock
Եվրատեսիլ 2014-ի երգ
Երկիր	Ուկրաինա
Երգիչ(ներ)	Մարիա Յարեմչուկ
Լեզու	Անգլերեն
Երգահան(ներ)	Մարիա Յարեմչուկ
Բառերի հեղինակ(ներ)	Մարիա Յարեմչուկ, Սանդրա Բյուրման
Արդյունքներ
Կիսաեզրափակչի արդյունք	5-րդ
Կիսաեզրափակչի միավորներ	118
Եզրափակչի արդյունք	6-րդ
Եզրափակչի միավորներ	113
Ներկայանալու ժամանակագրություն
	◄ Gravity (2013)

«Tick-Tock» (հայերեն՝ Թիք-թաք), ուկրաինացի երգչուհի Մարիա Յարեմչուկի երգն է, որով ներկայացրել է Ուկրաինան Եվրատեսիլ 2014 երգի մրցույթին Կոպենհագենում, Դանիա^[1]^[2]^[3]։

Եվրատեսիլ երգի մրցույթ[խմբագրել | խմբագրել կոդը]

Երգը Եվրատեսիլ 2014-ում որպես Ուկրաինան ներկայացնող երգ է ընտրվել 2013 թվականի դեկտեմբերի 21-ին անցկացված ազգային ընտրությունում։ Երգը հեռուստադիտողի և ժյուրիի քվեարկության արդյունքում ստանալով ամենաբարձր՝ 12 միավորը, ընտրվում է Եվրատեսիլ 2014 թվականի Ուկրաինայի երգը։

Եվրատեսիլում Մարիան երգը կատարել է մայիսի 6-ին՝ առաջին կիսաեզրափակչի ժամանակ 9-րդ համարի ներքո։ Կիսաեզրափակչի քվեարկության արդյունքում նա հավաքում է 118 միավոր և եզրափակիչ է անցնում 5-րդ հորիզոնականով։ Մայիսի 10-ին՝ եզրափակիչ փուլում, երգը ներկայացվել է 1-ին համարի ներքո։ Եզրափակչի քվեարկության արդյունքում երգը 113 միավորով զբաղեցրել է 6-րդ հորիզոնականը։

Եվրատեսիլի բեմում Մարիային միացել են չորս բեք վոկալիստներ՝ Աննա Լինեան, Գրասիելա Չին Ա Լոին, Աննելի Մարիա Տորնկվիստը և Էլին Եվա Մարիա Սվենսոնը։ Երգը կատարման ժամանակ բեմում նաև եղել է պարող Իգոր Կուլեշինը, ով կատարել է ակրոբատիկ հնարքներ վազող անիվի մեջ։