Samsung Galaxy Note 3

Վիքիպեդիայից՝ ազատ հանրագիտարանից
Jump to navigation Jump to search
Samsung Galaxy Note 3
ԱրտադրողSamsung Logo.svg
Samsung Electronics
Օպերատիվ
հիշողություն
3 ԳԲ
Չափս151,2 x 79,2 x 8,3 մմ
Քաշ168 գ
ՍերիաSamsung Galaxy Note
ՆախորդSamsung Galaxy Note II
ՀաջորդSamsung Galaxy Note 4

Samsung Galaxy Note 3, «Samsung Electronics» ընկերության սմարթֆոնը, որը վաճառքի է հանվել 2013 թվականի սեպտեմբերի 25-ին։ Էկրանի չափսերի (5.7 դյույմ կամ 140 մմ) շնորհիվ այն միջանկյալ տեղ է զբաղեցնում հաղորդչի և պլանշետային համակարգչի («ֆաբլետ») միջև: Աշխատում է Android օպերացիոն համակարգով: Բացի չափից, այն տարբերվում է այլ սմարթֆոններից S Pen ստիլուսի առկայությամբ: Այդ սարքավորումը Galaxy Note շարքից առաջին անգամ ներկայացվեց 2013 թվականի սեպտեմբերի 4-ին «Internationale Funkausstellung Berlin» կոնֆերանսում[1][2][3][4]։ Ի տարբերություն իր նախորդի՝ Galaxy Note 2-ի, Note 3-ի էկրանն ավելի մեծ է, սակայն սարքն ինքնին ավելի բարակ է և թեթև[5]։ Մարտկոցի հզորությունը ավելացել է մինչև 3200 մԱ/ժամ։ Մեծացել է նաև օպերատիվ հիշողությունը՝ դառնալով 3 ԳԲ (նախորդի 2 ԳԲ-ի համեմատ): Հեռախոսի հետևի հատվածը կարող է լինել սև, սպիտակ, վարդագույն կամ կարմիր[6][7]։

Ավանդաբար «Samsung»-ը հեռախոսն առաջարկում է սեփական ծրագրային ապահովմամբ, այդ թվում՝ նաև S Pen ստիլուսի համար։ Galaxy Note 3-ը մատակարարվում է նաև տեղադրված Samsung Knox համակարգով՝ ձեռնարկություններում սմարթֆոնն օգտագործելու համակարգային լուծմամբ[8]։

Տեխնիկական տվյալներ[խմբագրել | խմբագրել կոդը]

Samsung Galaxy Note 3 Neo

Սարքավորումային ապահովում[խմբագրել | խմբագրել կոդը]

GALAXY Note 3-ը թողարկվել է LTE և 3G տարբերակներով: 3G տարբերակով Exynos 5 Octa-ն է, որը պարունակում է չորս միջուկանի ARM Cortex-A15 և չորս միջուկանի ARM Cortex-A7, որոնք գործում են «big.LITTLE» սկզբունքով, ինչը թույլ է տալիս համակարգին անցում կատարել երկու միջուկների խմբերին՝ կախված պահանջվող արտադրողականությունից, ինչպես նաև ARM Mali-T628 MP6 գրաֆիկային։ Որոշ շուկաների համար թողարկվում է LTE տարբերակը` հիմնված չորս միջուկանի Qualcomm Snapdragon 800 պրոցեսորի վրա՝ 2.3 ԳՀց հաճախականությամբ և Adreno 330 գրաֆիկայով[9][10]։

Galaxy Note 3-ն արտադրվում է 16, 32 կամ 64 ԳԲ ներքին հիշողությամբ, որը կարող է ընդլայվել մինչև 128 ԳԲ microSD քարտով (աշխատում է fat32 և exFat տարբերակներով):

Էկրանը Super AMOLED է՝ 5.7 դյույմ չափով և 1080p թույլտվությամբ: Հիմնական տեսախցիկը (13 ՄՊ) կարող է նկարահանել ոչ միայն 1080p ձևաչափով (մինչև 60 կադր/վայրկյան), այլև 4K որակի տեսահոլովակ (մինչև 30 կադր/վայրկյան): Տեսախցիկն ունի BSI-սենսոր, պատկերի ինտելեկտուալ կայունացում, լուսադիոդային LED լուսարձակ[11]։ Բացի այդ, Galaxy Note 3-ը նաև աշխատում է USB 3.0-ով[12]։

Մոդելը ներառում է մի շարք նոր տվիչներ, ներառյալ` մթնոլորտային ճնշումը, ջերմաստիճանը և խոնավությունը չափելու համար: Տեղադրված է նաև գիրոսկոպ, էլեկտրոնային կողմնացույց, արագաչափ, մոտեցման և լուսավորության սենսոր, Հոլլի տվիչ[11]։ Կա նաև ինֆրակարմիր լուսադիոդ, որը թույլ է տալիս օգտագործել սմարթֆոնը որպես բազմակողմանի հեռակառավարման վահանակ:

Ծրագրային ապահովում[խմբագրել | խմբագրել կոդը]

Galaxy Note 3-ը աշխատում է Android 4.3 «Jelly Bean» տարբերակի հետ, իսկ որպես ինտերֆեյս՝ օգտագործում է ֆիրմային Samsung TouchWiz պատյանը։ 2014 թվականին ընկերությունը թարմացրեց ծրագրային ապահովումը մինչև Android 4.4.2 KitKat, իսկ 2015-ի սկզբին Samsung Galaxy S4-ի հետ միասին՝ մինչև Android 5.0 Lollipop: Սմարթֆոնում տեղադրված է նաև թարմացված ծրագրային ապահովում ստիլուս S-Pen-ի օգտագործման համար[13][14]:

«Air Command» - ստիլուսի ղեկավարում առանց էկրանին հպվելու և 5 արագ գործառույթով օժանդակ մենյու:

«Action Memo» - ձեռագիր նշումներ, որոնք այնուհետև ճանաչվում են հեռախոսով: Ապա դրանք հնարավոր է կապել տարբեր գործողությունների հետ, այդ թվում՝ համաժամանակացնել Evernote-ի հետ, տրվում է մեկ տարվա պրեմիում բաժանորդագրություն[15][16]։

«Screen Write» - թույլ է տալիս նկարել էկրանը և նշումներ անել դրա վրա։

«ScrapBook» - պահպանում է ստիլուսով ընդգծված պատկերները:

«S Finder» - որոնում հեռախոսի և հիշողության քարտի մեջ։

«Pen Window» - էկրանին քառակուսի նկարելով՝ օգտատերը կարող է տեսնել լրացուցիչ գործողություններ կատարելու համար նախատեսված լողացող պատուհան։ Այն հայտնվում է հիմնական պատուհանի վրա, և հնարավոր է փակել ցանկացած ժամանակ։

«Multi Window» գործառույթ - թույլ է տալիս միաժամանակ բացել երկու հավելված և պատուհանների միջև տեղեկատվություն փոխանակել։

«MultiVision» - մեկ նկարը փոխանցում է մի քանի սարքավորման, կարելի է ստեղծել մեկ մեծ էկրան:

Սմարթֆոնն ունի նաև «My Magazine» նորությունների ագրեգատոր և «S Note»-ի թարմացված տարբերակ:

Արտադրողականության կեղծման մեղադրանքներ[խմբագրել | խմբագրել կոդը]

«Ars Technica» լրատվամիջոցների մասնագետները հայտնաբերել են, որ Snapdragon 800-ի հիմքի վրա սմարթֆոնի արտադրողականությունը ստուգող մի շարք հավելվածների, այդ թվում՝ Geekbench-ի, Quadrant-ի, Antutu-ի, Linpack-ի և GFXBench-ի թողարկման դեպքում ակտիվանում է պրոցեսորն արագացնող հատուկ ռեժիմ։ Արդյունքում այդ հավելվածների միջոցով Galaxy Note 3-ի արտադրողականությունը չափելիս այն արհեստականորեն գերազանցում է սմարթֆոնի սովորական աշխատանքային ռեժիմին։ Ավելի վաղ նմանատիպ մեղադրանքներ հնչել են նաև Samsung-ի մեկ այլ ֆլագմենի՝ Samsung Galaxy S4-ի դեմ[17][18]։

Ծանոթագրություններ[խմբագրել | խմբագրել կոդը]

  1. «Galaxy Note 3 + Gear» (ռուսերեն)։ samsung.com։ Վերցված է 2013-09-06 
  2. «IFA 2013: Samsung представила планшетофон Galaxy Note 3» (ռուսերեն)։ ferra.ru։ 2013-09-04։ Վերցված է 2013-09-05 
  3. «IFA 2013: Samsung представила планшетофон Galaxy Note 3» (ռուսերեն)։ 3dnews.ru։ 2013-09-04։ Վերցված է 2013-09-05 
  4. «Samsung Galaxy Note 3 makes official debut with 5.7-inch 1080p screen and faux-leather back, available September 25th» (անգլերեն)։ engadget.com։ 2013-09-04։ Վերցված է 2013-09-05 
  5. «Сравнение Note 3 и Note 2» (ռուսերեն)։ samsunggalaxytabblog.ru 
  6. «Samsung Galaxy Note 3 представлен официально» (ռուսերեն)։ overclockers.ru։ 2013-09-05։ Վերցված է 2013-09-05 
  7. «Samsung's Galaxy Note 3 is bigger, faster, thinner, and lighter, but is it any better?» (անգլերեն)։ The Verge։ 2013-09-04։ Վերցված է 2013-09-05 
  8. «Samsung KNOX» (ռուսերեն)։ samsung.com։ Վերցված է 2013-09-05 
  9. «Samsung Galaxy Note 3» (անգլերեն)։ gsmarena.com։ Վերցված է 2013-09-05 
  10. «Samsung GALAXY Note 3 будет стоить в России 34 990 рублей» (ռուսերեն)։ hi-tech.mail.ru։ 2013-09-05։ Վերցված է 2013-09-06 
  11. 11,0 11,1 «Ещё больше. Ещё мощнее.» (ռուսերեն)։ androidjam.ru։ Արխիվացված օրիգինալից-ից 2013-09-10-ին։ Վերցված է 2013-09-06 
  12. «Samsung Galaxy Note 3 sports USB 3.0 connector for faster transfers and charging» (անգլերեն)։ sammobile.com։ 2013-09-05։ Վերցված է 2013-09-06 
  13. «Презентация Samsung Galaxy Note 3, Galaxy Note 10.1 2014 и часов Gear» (ռուսերեն)։ mobile-review.com։ 2013-09-05։ Վերցված է 2013-09-06 
  14. «Samsung Galaxy Note 3: 5.7-дюймовый FullHD-дисплей, 13-МП камера и 3 гигабайта ОЗУ» (ռուսերեն)։ gagadget.com։ 2013-09-04։ Վերցված է 2013-09-06 
  15. «Evernote теперь интегрирован в Samsung Galaxy Note 3» (ռուսերեն)։ evernote.com։ 2013-09-05։ Վերցված է 2013-09-06 
  16. «Первый взгляд на Samsung Galaxy Note 3» (ռուսերեն)։ itc.ua։ 2013-09-05։ Վերցված է 2013-09-05 
  17. Ron Amadeo (1.10.2013)։ «Note 3’s benchmarking “adjustments” inflate scores by up to 20%» (անգլերեն)։ Ars Technica։ Վերցված է 2013-10-27 
  18. «Samsung Again Caught Inflating Benchmarking Scores, Phil Schiller Calls 'Shenanigans'»։ MacRumors։ 1.10.2013։ Վերցված է 2013-10-27 

Տես նաև[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]