AIDA (մեթոդ)

AIDA (հայերեն՝ ԱԻԴԱ), «Attention/Intérêt/Désir/Action» («Ուշադրություն/Հետաքրքրություն/Ցանկություն/Գործողություն») բառերից հապավում, որը համարվում է մարքեթինգում օգտագործվող մոդելներից մեկը։

Ըստ այս մոդելի` հաճախորդի վերաբերմունքը ապրանքի կամ ծառայության նկատմամբ բխում է մի շարք բաղադրիչներից, որոնք կարող են հանգեցնել կամ գնման բարենպաստ նախատրամադրվածության, կամ փակուղային իրավիճակի, որը թույլ չի տալիս կատարել գնումը։

«Այս վերաբերմունքն այն է, ինչը թույլ է տալիս անհատին պարզեցնել բարդ միջավայրի տեսլականը և կազմել ինչ-որ իմաստով ընթերցանության ցանց։ Դրանք ձևավորվում և զարգանում են ըստ տվյալ գնորդին հատուկ փորձի և համատեքստի^[1]:»

Հաճախորդների վերաբերմունքի ներկա վիճակի ախտորոշում[խմբագրել | խմբագրել կոդը]

Հաճախորդի վերաբերմունքը 3 բաղադրիչներից բաղկացած արդյունք է, որը պետք է ճշգրիտ բնութագրվի, եթե մենք ուզում ենք հասկանալ և ազդել այն պարամետրերի վրա, որոնք պետք է պայմանավորեն գնման ակտը․

Բաղադրիչ	Մակարդակ	Սահմանում
Ուշադրություն կամ կոգնիտիվ բաղադրիչ	1	Ապրանքի վերաբերյալ գնորդի գիտելիքները կարող են լինել լավ կամ, ընդհակառակը, զրոյական, սխալ, թերի կամ ոչ ճշգրիտ (դա կախված է տվյալ ապրանքի մասին ճանաչելիությունից)
Հետաքրքրություն կամ հուզական բաղադրիչ	2	Գնորդը, ինչպես ցանկացած այլ անձ, ունի ապրանքի սուբյեկտիվ գնահատական՝ լինի դա լավ, թե վատ (դա հիմնականում կախված է գնորդի փորձից, և երկրորդ հերթին՝ ապրանքի կողմից փոխանցված ապրանքանիշի իմիջից)
Ցանկություն կամ կոնատիվ բաղադրիչ	3	Դա մասնակցի մոտ համապատասխանում է նախկին բարենպաստ նախատրամադրվածությունները կոնկրետացնելու ունակ գործելու միտումի առկայությանը։

Գնումը կանխող բաղադրիչների ապաարգելակում[խմբագրել | խմբագրել կոդը]

Նախկինում հաստատված ախտորոշման համաձայն՝ այժմ անհրաժեշտ է գործել կապի բոլոր հնարավոր ու հասանելի միջոցներով թերի համարվող մակարդակներում։ Եվ սա հիերարխիկ ձևով՝ սկզբում 1-ին մակարդակ, հետո՝ 2-րդ և վերջում՝ 3-րդ մակարդակ։

Վերաբերմունքի բաղադրիչներ	Փոփոխության դիմադրություն	Գործողություն	Արդյունք
Կոգնիտիվ բաղադրիչ	Դժվարություն՝ +	1 Գրավել գնորդի ուշադրությունը	Ուշադրությունը գրավել, անցնել պրոդուկտի ճանաչմանը
Հուզական բաղադրիչ	Դժվարություն՝ ++	2 Խթանել հետաքրքրությունը, առաջացնել ցանկություն գնորդի մոտ	Ստանալ գնահատական, անցնել նախապատվության
Կոնատիվ բաղադրիչ	Դժվարություն՝ +++	3 «Աշխատեցնել» ցանկությունը, այնուհետև գնման կատարում	Համոզվելուց հետո անցնել բուն գնմանը

Հաճախորդների հարաբերությունների շրջանակներում շատ խափանումներ կարելի է բացատրվել հետևյալով․

այն փաստով, որ արգելակումները չեն հայտնաբերվել,
այն փաստով, որ հաղորդակցման գործողությունները չեն քննարկվել այն մակարդակներում, որտեղ դա անհրաժեշտ էր։ Հետևաբար, կամ ավելորդ ծախսեր այն մակարդակներում, որոնք դրա կարիքը չունեին, կամ հաղորդակցության անբավարարություն/բացակայություն, որտեղ պակասն առավել ակնհայտ էր։