2С12

2С12
Տեսակ	զենքի մոդել
Ենթատեսակ	120 մմ ականանետ
Երկիր	ԽՍՀՄ
Ծառայության ընդունման տարի	1981
Պատերազմներ	Աֆղանական պատերազմ
Արտադրող	Ուրալտրանսմաշ և Մոտովիլիխայի գործարաններ
Արտադրված է	1500
Փամփուշտի տեսակ	Պայթուցիկ նյութեր

2С12 կամ Սանի, խորհրդային 120 մմ քարշակով ականանետային կոմպլեքս, որը տեղափոխվում է ինչպես մեքենայի վրա, այնպես էլ քարշակով։ Մինչև օրս գտնվում է ինչպես Ռուսաստանի, այնպես էլ ԱՊՀ երկրների և աշխարհի մի շարք այլ պետությունների զորքերի սպառազինության մեջ։ Մշակվել է 1979 թվականին Բուրեվեստնիկ կենտրոնական գիտահետազոտական ինստիտուտի կոնստրուկտորների կողմից։ 1981 թվականից ընդունվել է խորհրդային բանակի սպառազինության մեջ^[1]։

Նկարագրություն[խմբագրել | խմբագրել կոդը]

Իրենից ներկայացնում է փողից լիցքավորվող հարթափող կոշտ համակարգ։ Փողային մասում կրկնակի լիցքավորումից խուսափելու համար տեղադրված է ապահովիչ։

Համալիրի կազմի մեջ են մտնում^[1]։

120 մմ 2Б11 ականանետ
անվային ընթացք 2Л81
տեղափոխող մեքենա 2Ф510 կամ 2Ф510А
պահեստամասերի համալիր

Մարտավարա-տեխնիկական բնութագիր[խմբագրել | խմբագրել կոդը]

120 մմ 2С12 Սանի ականանետային համալիր[խմբագրել | խմբագրել կոդը]

2Б11 ականանետի քաշը 210 կգ է (մարտական վիճակ)
անվային ընթացքի քաշը 115 կգ
ականանետային համալիրի քաշը տեղափոխող 2Ф510А տրանսպորտի հետ միասին 11020 կգ
ականի սկզբնական մաքսիմում արագությունը 325 մ/վ
կրակի վարման նախնական արագությունը 10 կրակոց/րոպե
կրակի վարման առավելագույն հեռավորությունը 7100 մ
նվազագույնը՝ 480 մ
ականանետը երթային վիճակից մարտական կամ հակառակը բերելու ժամանակը 3 րոպեից ոչ ավել
տեղափոխվող մարտական ռազմապաշարը 56 կրակոց
անվային ընթացքով քարշակվող ականանետի շարժման արագությունը
- ոչ մեծ տարածություններ տեղափոխելուց (5-10 կմ) քարշակի արագություն դժվարանցանելի և հողային գրունտով ճանապարհների վրա չի գերազանցում 20կմ/ժ
- Բետոնային և ասֆալտ-բետոնային ոչ մեծ տարածությունների (30 կմ) չի գերազանցում 60 կմ/ժ

120 մմ 2Б11 կազմված է․

փող
ապահովիչ կրկնակի լիցքավորումից խուսափելու համար
երկանիվ սայլակ
հենասալիկ
նշոց МПМ-44М

Փողը նախատեսված է կրակոցի և ականին որոշակի ուղղությամբ սկզբնական արագություն հաղորդելու համար։

Տարբերակներ և մոդիֆիկացիաներ[խմբագրել | խմբագրել կոդը]

2С12 — 2Ф510 մեքենան ГАЗ-66-05 ավտոմեքենայի բազայի վրա կառուցված քարշակայնին տարբերակն է (անվային բանաձևը 4 × 4, հատուկ հարմարանքների կոմպլեկտ՝ էլեկտրոկարապիկ 2Ф32 և ականանետը մեքենայի վրա բարձման ուղիներ, ականանետը թափքում ամրացնելու տարրեր)^[1]
2С12А — մոդեռնիզացված քարշակավոր տարբերակ Урал-43206 (Урал-43206-0551-41 կամ Урал-43206-0651 բազայի վրա կառուցված տեղափոխող 2Ф510А մեքենայով, անվային բանաձևը 4 × 4, հատուկ հարմարանքների հավաքածու 2Ф32 էլեկտրական կարապիկ, ուղիներ և ամրացման տարրեր^[1]^[2]
2С12Б или «Дилемма-2С12» — ինքնագնաց տարբերակ МТ-ЛБ զրահատեխնիկայի բազայի վրա