Ֆոլիկ Հակոբյան

Վիքիպեդիայում կան հոդվածներ Հակոբյան ազգանունով այլ մարդկանց մասին։

Ֆոլիկ Հակոբյան
Ծնվել է	դեկտեմբերի 25, 1935(1935-12-25) (88 տարեկան)
Ծննդավայր	Քարագլուխ, Միկոյանի շրջան, Հայկական ԽՍՀ, ԱԽՖՍՀ, ԽՍՀՄ
Մասնագիտություն	արձակագիր և բանաստեղծ
Քաղաքացիություն	ԽՍՀՄ և  Հայաստան
Անդամակցություն	ՀԳՄ և Հայաստանի ժուռնալիստների միություն
Պարգևներ	Հայաստանի վաստակավոր մանկավարժ
Ֆոլիկ Հակոբյան Վիքիքաղվածքում

Ֆոլիկ Հակոբյան (դեկտեմբերի 25, 1935(1935-12-25), Քարագլուխ, Միկոյանի շրջան, Հայկական ԽՍՀ, ԱԽՖՍՀ, ԽՍՀՄ), հայ արձակագիր, բանաստեղծ։ Հայաստանի գրողների միության անդամ (2009)։ ՀՀ վաստակավոր մանկավարժ (2004)։

Կենսագրություն

Ֆոլիկ Հակոբյանը ծնվել է 1935 թվականի դեկտեմբերի 25-ին, Վայոց ձորի Քարագլուխ գյուղում։ Ստացել է բանասիրական բարձրագույն կրթություն։ Եղեգնաձորի շրջանի տարբեր դպրոցներում դասավանդել է հայոց լեզու և գրականություն։ 1973-1979 թվականներին եղել է «Վերելք» թերթի խմբագրի տեղակալը։ Մանկավարժական աշխատանքին զուգահեռ զբաղվել է նաև գրական-լրագրողական գործունեությամբ։ Տպագրվել է հայաստանյան գրական պարբերականներում և թերթերում։ 2007 թվականից Հայաստանի գրողների միության Վայոց ձորի մասնաճյուղի քարտուղարն է։

Անդամակցություն

• Հայաստանի գրողների միության անդամ
• Հայաստանի ժուռնալիստների միության անդամ

Երկեր

• Քարագլխի ղողանջներ (բանաստեղծությունների ժողովածու), Երևան, 1997։
• Լուսապսակ (ակնարկաշար), Երևան, 2007։
• «Գրական Վայոց ձոր», Երևան, 2011։
• «Ծննդավայր Քարագլուխ», Երևան, 2015։
• <Հուշապատում` ցպահանջ>, Երևան, 2023։

Պարգևներ

• «Գրական վաստակի համար» մեդալ, 2018
• Եղեգնաձորի պատվավոր քաղաքացի, 2005
• Հայաստանի Հանրապետության վաստակավոր մանկավարժ, 2004
• Խ. Աբովյանի անվան մեդալ, 1995

Արտաքին հղումներ

• Ֆոլիկ Հակոբյանի ստեղծագործություններից grakantert.am կայքում

Վիքիքաղվածքն ունի նյութեր, որոնք վերաբերում են «Ֆոլիկ Հակոբյան» հոդվածին։