Օնտակեի ժայթքում (2014)
Օնտակե հրաբխի ժայթքումը սկսվել է 2014 թվականի սեպտեմբերի 27-ին, տեղի ժամանակով ժամը 11։ 52-ին և թուլացող ինտենսիվությամբ շարունակվել է մի քանի օր։ Ժայթքումն անսպասելի էր երկրաշարժագետների, և առավել ևս զբոսաշրջիկների համար (դեպի Օնտակե վերելքը հայտնի տուրիստական երթուղի է[1]), այդպես է բացատրվում զոհերի այդպիսի քանակը։ Հոկտեմբերի 11-ի դրությամբ` հաստատվել էր 56 մահ[2], 70[3]-100 վիրավոր, 8 մարդ մինչ օրս համարվում են անհետ կորած[2]։ Բնական աղետի պատճառով զոհերի վերջնական թիվը հայտնի է դարձել ժայթքումից մեկ ամիս անց՝ 57 զոհ և 6 անհետ կորած[4]։
Այդ ժայթքումը 1991 թվականից ի վեր դարձել է մարդկային զոհերով Ճապոնիայում առաջինը, երբ Ունձեն հրաբխի լավային հոսքն իր հետ տարել էր 43 մարդու կյանք[5], և 1902 թվականից սկսած երկրի ամենամահաբեր ժայթքումը, երբ Տորիշիմա հրաբուխը ոչնչացրել էր Պանաֆիդինա կղզու մոտ 150 բնակիչների։
Սեպտեմբերի 10-ից լեռան մոտակայքում գրանցվել են ոչ մեծ երկրաշարժեր, որոնք հաճախ հանդիսանում են հրաբխի ժայթքման նախանշաններ, բայց այնուամենայնիվ երկրաշարժագետները պարզել են, որ մոտ ապագայում հրաբխի ժայթքման վտանգ չկա[6]։ Օնտակե լեռը սկսնակների համար ոչ դժվար լեռնագնացային ուղի է, սեպտեմբերի 27-ին արևային հանգիստ եղանակ էր, և այդ պատճառով ժամը 11:52-ին լեռան լանջերին էին գտնվում մոտ 200-250 մարդ[7]։
Առաջին որոնողա-փրկարարական աշխատանքները մեկնարկել են նույն օրը ժամը 17-ին։ Սեպտեմբերի 29-ի դրությամբ՝ հայտնաբերվել էր 36 մարմին, մահվան պատճառը շատերի մոտ եղել էր շնչահեղձությունը։ Խառնարանից մեծ քանակությամբ ծծմբաջրածին էր դուրս գալիս[7]։ Սեպտեմբերի 30-ին կրկին ժայթքելու վտանգի պատճառով որոնողական աշխատանքներ չեն անցկացվել, այդ ժամանակ փրկարարական աշխատանքներում արդեն ներգրավվել էին մոտ 850 մարդ և յոթ ուղղաթիռ[8]։ Հոկտեմբերի 1-ին հայտնաբերվել էր ևս 11 մարմին, այդ ժամանակ աշխատանքներին մասնակցել էին մոտ 1000 մարդ։ Հոկտեմբերի 3-ին հորդառատ անձրևների մեկնարկի պատճառով որոնումները դադարեցվել են, իսկ տարածաշրջանին սկսել է մոտենալ «Ֆանֆոն» հզոր թայֆունը[9]։
Մոխրի սյան բարձրությունը ժայթքման ժամանակ հասել է 10 կիլոմետրի[10], այն հայտնաբերվել է հրաբխից 80 կմ հեռավորության վրա[6]։
Ծանոթագրություններ
[խմբագրել | խմբագրել կոդը]- ↑ Информация о выживших на вершине японского вулкана Онтакэ не подтвердилась (ռուս.) на сайте itar-tass.com, 29 сентября 2014
- ↑ 2,0 2,1 (Update) Death Toll from Mount Ontake Eruption Rises to 56 (անգլ.) на сайте jen.jiji.com, 11 октября 2014
- ↑ Власти Японии прокомментировали возможность гибели россиян в извержении вулкана Онтакэ (ռուս.) на сайте sobesednik.ru, 2 октября 2014
- ↑ Ontake victims mourned a month after eruption as tourism industry scrambles to recover Արխիվացված 2017-02-14 Wayback Machine (անգլ.) на сайте japantimes.co.jp, 27 октября 2014
- ↑ Japan volcano: 31 hikers feared dead after sudden eruption of Mount Ontake (անգլ.) на сайте independent.co.uk, 28 сентября 2014
- ↑ 6,0 6,1 Japan volcanic eruption: Mt Ontake rescuers find more than 30 people in «cardiac arrest»< (անգլ.) на сайте abc.net.au, 29 сентября 2014
- ↑ 7,0 7,1 Five more bodies found on Japan's Mount Ontake after eruption (անգլ.) на сайте edition.cnn.com, 30 сентября 2014
- ↑ Fears of escalating volcanic activity on Mt. Ontake hinder rescue efforts Արխիվացված 2014-10-06 Wayback Machine (անգլ.) на сайте mainichi.jp, 30 сентября 2014
- ↑ На юг Японии надвигается мощный тайфун (ռուս.) на сайте otr-online.ru, 3 октября 2014
- ↑ 24 человека пропали без вести после извержения вулкана в Японии (ռուս.) на сайте izvestia.ru, 2 октября 2014
Արտաքին հղումներ
[խմբագրել | խմբագրել կոդը]- Media related to 2014 Mount Ontake eruption at Wikimedia Commons
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Օնտակեի ժայթքում (2014) կատեգորիայում։ |