Քրեական պատմություն (ֆիլմ)

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Քրեական պատմություն
重案組
Cung on zo poster.jpg
ԵրկիրՀոնկոնգ
Ժանրմարտաֆիլմ[1] և մարտարվեստական ֆիլմ
Թվական1993
Լեզուկանտոն
ՌեժիսորKirk Wong?[1] և Ջեքի Չան[1]
ՊրոդյուսերԼեիոնարդ Հո և Chua Lam?
ԴերակատարներՋեքի Չան, Kent Cheng?, Law Kar-ying?, Blackie Ko? և Քեն Լո
ՕպերատորԱրթուր Վոնգ
ԵրաժշտությունMark Lui?
Պատմվածքի վայրՀոնկոնգ
ԿինոընկերությունGolden Harvest
Տևողություն107 րոպե

Քրեական պատմություն (重案组, Chung on jou, անգլ.՝ Crime Story), քրեական մարտաֆիլմ Ջեքի Չանի մասնակցությամբ, հիմնված է իրական դեպքերի վրա, կապված 1991 թվականի Հոնգ Կոնգի բիզնեսմենի առևանգման հետ: Ի տարբերություն Ջեքի Չանի մասնակցությամբ նախորդ ֆիլմերի, այս ֆիլմն առաջին հերթին լուրջ դրամա է և չի պարունակում զավեշտալի դրվագներ:

Սյուժե[խմբագրել | խմբագրել կոդը]

Ոստիկան Էդդի Չանին (Ջեքի Չան) հանձնարարված է հսկել ազդեցիկ գործարար պարոն Վոնգին, ով դիմել է ոստիկանություն այն բանից հետո, երբ սկսել է կասկածել, որ իրեն պլանավորում են առևանգել: Շուտով առևանգումը տեղի է ունենում: Էդդի Չանը սկսում է հետաքննություն, դրանում նրան օգնում է կոլեգա հետախույզ Հունը: Ինչ - որ մի պահ Էդդին հասկանում է, որ Հունը առևանգման մասնակից է և հենց նա էր այդ հանցագործության ոգեշնչողը:

Դերերում[խմբագրել | խմբագրել կոդը]

Արտադրություն[խմբագրել | խմբագրել կոդը]

Էդդի Չանի դերը սկզբում պետք է կատարեր Ջեթ Լին: Բայց երբ սկսվել են ֆիլմի նախնական աշխատանքները, նրա գործակալ Ջիմ Չոյին գնդակահարել են տրիադայի մարդիկ, ուստի Ջեթ Լին հրաժարվել է խաղալ ֆիլմում կազմակերպված հանցավորությունում, քանի որ վախենում էր գրավել ավելորդ ուշադրություն և հեռանում է նկարահանվելու «Վարպետ Տահ Չի» ֆիլմում (1993):

Ֆիլմի ռեժիսոր Քրք Վոնը և Ջեքի Չանը չհարմարվեցին մինյանց նկարահանումների ժամանակ: Ջեքի Չանը կարծում էր, որ Վոնը գլխավոր հերոսի կերպարը պատկերացնում է շատ մռայլ և անսասան: Նա վախենում էր, որ նման վերաբերմունքը բացասաբար կազդի նրա անհոգ հերոսի իմիջի վրա: Ի վերջո, պրոդյուսերների աջակցությամբ Չանն իր վրա է վերցնում նկարահանումների մեծ մասը, իսկ Քրք Վոնը ազատվում է աշխատանքից:

Հնարքներից մեկի նկարահանման ժամանակ Ջեքի Չանը լուրջ վնասվածք է ստանում: Երկու մեքենաների միջև թռիչքի ժամանակ Չանը սեղմվում և կոտրում է երկու ոտքը:

Ըստ սցենարի, սկզբում Էդդի Չանը ապրում է լուրջ հոգեբանական խնդիրներ, որն ազդեցություն է ունենում այն բանի վրա, թե ինչպես է կատարում իր աշխատանքը: Բայց հերոսի ներքին հակասությունների դրվագները Ջեքի Չանի խնդրանքով մեղմացվեց: Հետագայում այս գաղափարը օգտագործվեց «Նոր ոստիկանական պատմություն» ֆիլմում: Նաև սցենարով Չանը պետք է հանդիպեր իր հոգեբանի հետ, բայց այդ մտքից էլ հրաժարվեցին:

Մրցանակներ և նոմինացիաներ[խմբագրել | խմբագրել կոդը]

Golden Horse Award (1994)

  • Լավագույն դերասան — Ջեքի Չան

H.K. Film Awards (1993)

  • Մարտերի լավագույն բեմադրություն — JC Stuntmen Group
  • Լավագույն մոնտաժ — Փիթեր Չյոն

Քննադատություն[խմբագրել | խմբագրել կոդը]

«Քրեական պատմությունը» ստացել է դրական արձագանքներ, ընդ որում հատուկ նշվում է Ջեքի Չանի ելույթը լուրջ դրամատիկ դերում: Այսպես, ֆիլմի վարկանիշը Rotten Tomatoes կայքում կազմել է 94 %[2]:

Տարբերակներ[խմբագրել | խմբագրել կոդը]

  • «Դիսնեյի» ֆիլմի հիմնական փոփոխություններ են` անվանումը մնացել է նույնը, թեմայի հիմնական երաժշտությունը մնացել է նույնը, Ջեքի Չանի անունը (օրգինալ ֆիլմում Էդդի Չան) փոխվել է և դարձել Ջեքի Չան։
  • Քանի որ ֆիլմը հիմնված է իրական դեպքերի վրա, ֆիլմի օրիգինալ տարբերակում էկրանին հայտնվում է հավելյալ ինֆորմացիա։ Օրինակ Վոնգ Իատ Ֆեյի առևանգման ժամանակ էկրանին հայտնվում է տեքստ, որտեղ խոսվում է այն մասին, թե ինչ է եղել դրանից հետո իրական կյանքում (օրինակ ոստիկանի մասին տեղեկություն, ով լուրջ վնասվածքներ էր ստացել)։ Բացի այդ օրիգինալ տարբերակում վերջին տեսարանի սթոփ – կադրում հայտնվում է տեքստ, որտեղ բացատրվում է, թե ինչ է տեղի ունեցել այն մարդկանց հետ, ովքեր ներգրավված են եղել այդ գործում, ինչպես նաև ֆիլմի պրոդյուսերները ներողություն են խնդրում, որովհետև ստիպված էին «հեշտացնել» պատմությունը, նաև էկրաններին է հայտնվում առևանգումից տուժածների վիճակագրությունը, ինչին և նվիրված էր ֆիլմը։ «Dimension» - ի տարբերակում այս ամենը կտրված է։
  • Հատուկ նշենք, որ շատ աղբյուրներում հայտնում են այն մասին, որ Dimensioni – ի «Քրեական պատմություն» ֆիլմում չկա ավելի երկար տեսարան, ինչպես նաև չկա հավելյալ նկարված հատված։ Փաստորեն այս տարբերակն ավելի կարճ է, քան օրիգինալը։ Բացի այդ տեղեկացվում է, որ Dumension – ի ֆիլմում գլխավոր հերոսին կրկնօրինակել է Ջեքի Չանը, ինչը նույնպես ճիշտ չէ։ Ջեքի Չանը չի կրկնօրինակել իր կերպարը այդ տարբերակում։ Դրանով զբաղվել է մի դերասան, նմանակելով նրա ձայնը, ով կրկնօրինակել է Ջեքի Չանին ամերիկական «Նախագիծ Ա» ֆիլմում և մի քանի հատված «Պատահական լրտես» ֆիլմում։
  • Հետաքրքիր է նշել նաև, որ ֆիլմի հիմնական երաժշտական թեման մնացել է անփոփոխ, չնայած, որ այն եղել է «Դիսնեյ» ընկերության առաջին հոնկոնգական ֆիլմերից մեկը։ Այդպիսի փորձի ընկերությունը դիմել է «Սուսերամարտիկ 2» ֆիլմի թողարկումից շատ տարիներ անց։

Կտրված հատվածներ[խմբագրել | խմբագրել կոդը]

  • Կտրված է առևանգիչների խոսակցությունը, որը տեղի է ունենում տիտրերից հետո և առաջին տեսարանից առաջ:
  • Վերջին տեսարաններից մեկում Վոնդ Իատ Ֆեյի կինը խնդրում է վարորդին կանգնեցնել մեքենան, իջնում է մեքենայից, որպեսզի անձամբ շնարհակալություն հայտնի Չանին: Անմիջապես այն բանից հետո, երբ կինը վերադառնում է մեքենա, Չանը վերցնում է Վոնգի դրամապանակը, որտեղ նրա անձը հաստատող փաստաթուղթն էր, այրում է այն և գցում գետը:
  • Լայնաֆորմատ տարբերակում կտրված է այն հատվածը, երբ Վոնգը իր կնոջ հետ նստած է մեքենայի մեջ և պատրաստվում է լքել Հոնկոնգը, մինչև այն հատվածը, երբ Չանը (արդեն այրել է դրամապանակը) վերցնում է ծրարը և հեռանում:
  • Սինգապուրում արձակվել է ֆիլմի «փոխարինող» տարբերակը, որի համար նկարահանվել է ևս երեք տեսարան Ջեքի Չանի և սինգապուրցի դերասանուհի Փա Լինգ Լինգի (Pan Ling Ling) մասնակցությամբ:
  • Ֆիլմի առավել ամբողջական տարբերակը կարելի է տեսնել «Mega Star» ընկերության թողարկած DVD սկավառակի վրա: Ի տարբերություն չինական և Dumension - ի տարբերակների, այդ սկավառակի վրա կարելի է լսել սաունդթրեքի կանտական լեզվով:
  • «Miramax/Disney» ընկերությունը ձեռք է բերել և ԱՄՆ - ում թողարկել է տեսասկավառակը տանը դիտելու համար: Իր հին սովորության համաձայն ընկերությունը կտրել է մի քանի տեսարան, սակայն չի փոխել գլխավոր երաժշտական թեման:

Փաստեր[խմբագրել | խմբագրել կոդը]

  • Իրական կյանքում առևանգված գործարարը չի գտնվել, ֆիլմում որոշվել է երջանիկ ավարտ ստեղծել:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]