Քննարկում:Ռոբերտ Հակոբյան (քաղաքական գործիչ)

Հակոբյան Աշոտ Ռոբերտի

Ռոբերտ Աշոտի Հակոբյան (01. հուլիսի 1945թ.-31 հուլիսի 2019թ․) քաղաքական և հասարակական գործիչ, Գերագույն Խորհրդի պատգամավոր՝ 1990-1995թթ․, 66-րդ ընտրատարածք։ ՀՀՇ խմբակցության անդամ, անկուսակցական։ 2000-2019թթ. հանդիսացել է «Գերագույն խորհուրդ» պատգամավորական ակումբի վարչության անդամ:

Հակոբյան Ռոբերտ

Ծնվել է 01 հուլիս 1945թ․ Ծննդավայր ք․ Երևան Մահացել է 31 հուլիս 2019թ․ Մահվան վայր ք․ Երևան Քաղաքացիություն ԽՍՀՄ, Հայաստանի հանրապետություն Կենսագրություն

Ծնվել է Երևան քաղաքում 01. հուլիսի 1945թ., ուսուցչի ընտանիքում: Հայրը՝ Աշոտ Սարգսի Հակոբյան ծնվել է Էջմիածին քաղաքում, միջնակարգ դպրոցում դասավանդել է ֆիզիկա և աստղագիտություն առարկաները: Մայրը՝ Արուսյակ Հովսեփի Ասատրյան ծնվել է Նախիջևանի մարզի Օրդուբադ շրջանի Փառակա գյուղում, մասնագիտությամբ՝ դեղագետ: Ընտանիքում եղել են հինգ երեխա, չորս եղբայր և մի քույր: Ունի երեք որդի։

Կրթություն

1951-55թթ. Ռոբերտ Հակոբյանը սովորել է Կամոյի անվան միջն. դպրոցում։

1955-61թթ. սովորել է թիվ 83 միջն. դպրոցում։

1962-66թթ. ընդունվել և ավարտել է Էլեկնրոմեխանիկական տեխնիկումը, էլեկտրոմեքենաշինարար մասնագիտությամբ:

Աշխատանքային փորձ

1966-70թթ. «Ճշգրիտ սարքերի»՝ տեխնիկ։

1970-72թթ. Երևան քաղաքի ՆԳՎ-ն պահպանության բաժնի ազդանշանային համակարգերի գլխավոր ինժեներ-տեսուչ։

1972-91թթ. Երևանի մաթեմատիկական մեքենաների գիտահետազոտական ինստիտուտի փորձարարական գործարան՝ վարպետ, ավագ ինժեներ, բյուրոի պետ, բաժնի պետ։

1990-95թթ. Հայաստանի Հանրապետության Գերագույն Խորհրդի պատգամավոր։

1991թ. «Հայարդ շինանյութ» ԱՄ-ի կազմում ստեղծված «Հայաստանի պեռլիտ» արտադրական միավորման գլխավոր տնօրեն։ 1992թ. «Հայաստանի պեռլիտ» ԱՄ-ը վերափոխվում է «Հայաստանի պեռլիտ» կոնցեռնի և համաձայն ԱՄ-ի կոլեկտիվների խորհրդի որոշման ընտրվում է նախագահ և աշխատում մինչև 1994թ.։ Կառավարական հանձնաժողովի ստուգման արդյունքների համաձայն գործարանների արտադրանքի ծավալները պատերազմական տարիներին գերազանցում էին խորհրդային շրջանի ծավալները:

Նրա ջանքերով լիովին վերականգնվել է Գյումրու ապակու կոմբինատը, որը արտադրել է թերթավոր ապակի, զուգահեռ վերականգնել և գործարկել է Հոկտեմբերյանի ապակու կոմբինատի շշերի արտադրության վառարանները:

Էներգետիկ ճգնաժամի տարիներին Ռ. Հակոբյանն ապահովել է մանկապարտեզները, դպրոցները և զորամասերը ջերմոցային թերթավոր ապակիով միավորման հաշվին:

1995-97թթ. «Պատվիրատու» ձեռնարկության փոխտնօրեն։

1997-98թթ. «Սպիտակ արջ» ՍՊԸ-ի տնօրեն։

1998-99թթ. «Էլինետ» ՍՊԸ-ի թիվ 1 ԽԿ-ի պետ։

2001-2002թթ. «Հեռահաղորդակցության հանրապետական կենտրոն» ՓԲԸ-ի իրավաբանական վարչության լրատվության գծով գլխավոր մասնագետ։

2002-2006թթ. Աշխատել է ԱՄՆ-ում։

2006թ.-2007 անհատ ձեռնարկատեր։

2007-2009թթ.  «Ռոտար» ՍՊԸ-ի տնօրեն։

2008թ. Անցել է թոշակի։

Պարգևատրումներ

Աշխատանքի ընթացքում արժանացել է սոցիալիստական մրցույթների հաղթողի կոչման: Ստացել է պատվոգրեր և դրամական պարգևներ մի շարք նորարարությունների համար։ ԽՍՀՄ պաշտպանության նախարար Դ.Ֆ. Ուստինովի և Ռադիոարդյունաբերության նախարար Վ.Ս. Պլեշակովի կողմից արժանացել է հատուկ շնորհակալագրի խոշոր դրամապարգևով` համակարգում առաջին երաշխիքային բյուրոյի ստեղծման համար: Բյուրոն սպասարկել է Խորհրդային միության հակաօդային պաշտպանության համակարգերի ողջ հաշվիչ տեխնիկայի անխափան գործունեությունը:

Նախասիրություններ

1966թ. Երևան քաղաքի սեղանի թենիսի չեմպիոն ուսանողների շրջանում։

1966թ. Հայաստանի չեմպիոն երկտեղանոց կանոեյի մրցումներում։

Շուրջ 40 տարի զբաղվել է տիբեթյան բժշկությամբ։

Շախմատ, երաժշտություն՝ կիթառ, ունի հեղինակած երգեր:

Հասարակական գործունեություն

1988թ. ընտրվել է Հայաստանի Աշխատավորական Կոլեկտիվների Խորհուրդների Միության համանախագահ (ՀԱԿԽՄ.) և միաժամանակ հանդիսացել է մաթեմատիկական ինստիտուտի փորձարարական գործարանի աշխատավորական կոլեկտիվի խորհրդի նախագահ:

Հանդիսացել է ՀԱԿԽՄ-ն վերահսկողության և աջակցության ներքո Գյումրի քաղաքի իտալական թաղամասում ստեղծված հոգեբանական կենտրոնի համանախագահ։ Կենտրոնը երկրաշարժից տուժածներին ցուցաբերել է հոգեբանական օգնություն: Կենտրոնում ընդգրկվել են մասնագետներ արտասահմանից:

«Երկիր Նաիրի» բարեգործական կազմակերպության համահիմնադիր։ Կազմակերպությունը տարիներ շարունակ անվճար բուժօգնություն է ցուցաբերել ՀՀ շրջանների բնակիչներին` տարբեր պրոֆիլի բժիշկների պարբերաբար այցելությունների կազմակերպման միջոցով:

Արցախյան պատերազմի առաջին տարիներին ՀԱԿԽՄ- ի համանախագաների և վարչության որոշմամբ նրան հանձնարարվել է կազմակերպել զինատեսակների մշակումը և հետագա արտադրությունը: Այդ նպատակով մաթեմատիկական մեքենաների ինստիտուտի և փորձարարական գործարանի կոնստրուկտորներից և տեխնոլոգներից ստեղծել է խումբ: Գործի մեջ ընդգրկել է «Հրազդանմաշ», «Էլեկտրոն», «Ռելե», «Ժամացույցի» գործարանների և Ֆիզիկայի ինստիտուտի կոլեկտիվներին: Մերգելյանի գործարանի խումբը մշակել և արտադրել է տարբեր տեսակի ականներ, նռնականետեր, 16 և 24 փամփուշտանոց ատրճանակ, ավտոմատներ (ПП), (К6-92), (К6-М), (VI): Ատրճանակները փորձարկվում էին գործարանի նկուղային մասում (հաջող փորձարկումներից հետո արտադրվում են առաջին 600 ատրճանակները), իսկ մյուս արտադրանքը՝ ֆիզիկայի ինստիտուտի կողմից` Ազգալդյան Լեոնիդ:

1990թ. ՀԱԿԽՄ-ի կողմից առաջադրվել է Գերագույն խորհրդի պատգամավորի թեկնածու և ընտրվել է 66-րդ ընտրատարածքից: ԳԽ-ի պատգամավոր ընտրվելուց հետո արտադրության կազմակերպումը Ղարաբաղ կոմիտեի որոշմամբ, որի հետ սկսվել էր համագործակցություն զենքի արտադրության ոլորտում, հանձնվեց ԳԽ-ի պատգամավոր Սեմյոն Բաղդասարյանին:

Վազգեն Սարգսյանի, ավիացիայի նախագահ Ադբաշյանի և հայտնի հեղինակություն զեյթունցի Գրիշիկի հետ համատեղ զենք և զինամթերք է ներմուծվել Հայաստան Արցախյան պատերազմի տարիներին:

1991թ. Վարչապետին ուղղված հարցապնդմամբ հետամուտ է եղել Երևանի թվով քսան հիվանդանոցների վիրահատարաններում անգլիական արտադրության ավտոնոմ գեներատորների տեղադրմանը:

2000-2019թթ. հանդիսացել է «Գերագույն խորհուրդ» պատգամավորական ակումբի վարչության անդամ:

Ծանոթագրություն

Նկարները տրամադրվել են հարազատների կողմից՝ ընտանիքի անձնական արխիվից

«National Assembly of the Republic of Armenia | Official Web Site | parliament.am»։ www.parliament.am։ Վերցված է 2020-09-02

1 http://www.parliament.am/deputies.php?sel=details&ID=636&lang=arm

https://www.aniarc.am/2020/05/20/armenia-1990-1995-parliament-names-of-all-members/

Կատեգորիա:ՀՀ Գերագույն խորհրդի պատգամավորներ Կատեգորիա:Քաղաքական գործիչներ Կատեգորիա:Հուլիսի 1 ծնունդներ Կատեգորիա:Հուլիսի 31 մահեր