Փսիաթ

Փսիաթ (հուն․՝ հյուսվածք ), ի սկզբանե ճիլ խոտից, շամբուտի եղեգնից, արմավենու տերևներից հյուսված ծածկույթ, որը փռում էին սենյակի հատակին, թախտերի, նստարանների վրա՝ իբրև կապերտ։ Տարածված է եղել և այսօր էլ օգտագործվում է աշխարհի բազմաթիվ երկրներում։

Սպորտի մեջ այն մեր օրերում օգտագործվում է արդիականացված տարբերակով և իրենից ներկայացնում է փափուկ ծածկույթ, ֆիզիկական վարժություններ կատարելու ընթացքում վնասվածքներից խուսափելու նպատակով։ Սովորաբար արտադրվում է 4 - 71 սմ. հաստության քիմիական փրփուրից, որը ծածկվում է պլաստիկ, վինիլային կամ կաշվե պաստառով։ Փրփուրը տարբերվում է խտությամբ՝ համեմատաբար կոշտից մինչև շատ փափուկի։

• 
  Մարմնամարզական փսիաթ
• 
  Փափուկ հատակ
• 
  Քիչ թափանցվող փսիաթ
• 
  Ազատ վարժությունների փսիաթ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։