Տոմաշ Հուբոչան

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Տոմաշ Հուբոչան
սլովակ.՝ Tomáš Hubočan
Tomash Gubochan.jpg
Անձնական տվյալներ
Քաղաքացիությունը Flag of Slovakia.svg Սլովակիա
Մականուն Տոմո, Գուբո[1]
Ծննդյան ամսաթիվ սեպտեմբերի 17, 1985(1985-09-17)[2] (34 տարեկան)
Ծննդավայր Ժիլինա, Սլովակիայի Սոցիալիստական Հանրապետություն, Չեխոսլովակիայի Սոցիալիստական Հանրապետություն
Հասակ 184
Քաշ 74
Դիրք Պաշտպան
Ակումբային տեղեկություններ
Ներկա ակումբ Ֆրանսիա Օլիմպիկ Մարսել
Համար 15
Պատանեկան կարիերա
2001-2004 Սլովակիա Ժիլինա

Մասնագիտական կարիերա*
Տարի Ակումբ Խաղ (Գոլ)
2004-2008 Սլովակիա Ժիլինա 38 (2)
2006  Սլովակիա Վիոն 36 (1)
2008-2014 Ռուսաստան Զենիթ 113 (1)
2014-2016 Ռուսաստան Դինամո (Մոսկվա) 40 (2)
2016-այժմ Ֆրանսիա Օլիմպիկ (Մարսել) 2 (0)
Ազգային հավաքական
2007-այժմ Սլովակիա Սլովակիա 46 (0)
* Մասնագիտական կարիերայում ընդգրկված են միայն առաջնության խաղերը և գոլերը:

Տոմաշ Հուբոչան (սլովակ.՝ Tomáš Hubočan, սեպտեմբերի 17, 1985(1985-09-17)[2], Ժիլինա, Սլովակիայի Սոցիալիստական Հանրապետություն, Չեխոսլովակիայի Սոցիալիստական Հանրապետություն), սլովակ ֆուտբոլիստ, «Մարսել» ֆուտբոլային ակումբի և Սլովակիայի հավաքականի պաշտպան:

Կենսագրություն[խմբագրել | խմբագրել կոդը]

Վաղ կարիերա[խմբագրել | խմբագրել կոդը]

Hubocan.jpg

Երիտասարդ տարիներից Տոմաշը հանդես է եկել սլովակյան «Ժիլինա» ակումբի կազմում: 2004-2005 թվականներին նա ընդգրկված էր հայտացուցակում, բայց դաշտ էր դուրս գալիս ոչ հաճախ: 2006 թվականի հունվարին նա վարձավճարով տեղափոխվել է Զլատե Մորացվեի «Վիոն» ակումբ: 2006 թվականի հունիսին Տոմաշը վերադարձել է «Ժիլինա», որտեղ անմիջապես դարձել է թիմի հիմնական խաղացող՝ հետագայում ճանաչվելով որպես Սլովակիայի առաջնության լավագույն պաշտպաններից մեկը: 2006/07 մրցաշրջանում հաղթել է Սլովակիայի առաջնությունում: Սլովակիայի հավաքականի կազմում նրա նորամուտը տեղի է ունեցել 2007 թվականի նոյեմբերի 21-ին՝ Սան-Մարինոյի հավաքականի դեմ խաղում:

«Զենիթ»[խմբագրել | խմբագրել կոդը]

2008 թվականի փետրվարի 11-ին եռամյա պայմանագիր է կնքել «Զենիթ» ֆուտբոլային ակումբի հետ, տրանսֆերի գումարը կազմել է 3,8 մլն եվրո: Բացի «Զենիթից» Տոմաշով հետաքրքրվում էին գերմանական «Բոխում» և «Նյուրնբերգ» ակումբները, սակայն պետերբուրգցիներն առաջարկել են ավելի շահավետ պայմաններ, ինչպես Հուբոչանին, այնպես էլ նրա նախկին ակումբին: 2008 թվականին «Զենիթի» կազմում Հուբոչանը դարձավ Ռուսաստանի Սուպերգավաթի և ՈՒԵՖԱ-ի Սուպերգավաթի խաղարկությունների հաղթող:

2008 թվականի սեպտեմբերի 30-ին գոլ է խփել սեփական դարպասին Չեմպիոնների լիգայի խմբային փուլի շրջանակներում անցկացվող «Զենիթ»-«Ռեալ Մադրիդ» խաղի 4-րդ րոպեին, և արդյունքում «Զենիթը» պարտվել է 1:2 հաշվով:

2008 թվականին Հուբոչանը «Զենիթի» երկրորդ կազմում անցկացրել է 4 խաղ, որոնցում դաշտ էդուրս եկել մեկնարկային կազմում և ոչ մի անգամ չի փոխարինվել: 2008 թվականի մրցաշրջանում ակումբի հիմնական կազմում անցկացրել է 14 խաղ, որոնցից 11-ը Ռուսաստանի առաջնությունում, սակայն գոլ չի խփել: Հուբոչանի՝ քիչ խաղերին մասնակցելը մեծ մասամբ պայմանավորված էր նրանով, որ «Զենիթի» մարզիչ Դիկ Ադվոկատը չէր ցանկանում փոխել թիմի կազմը: Հուբոչանին հոլանդացին դաշտ էր հանում միայն ծայրահեղ դեպքերում, չնայած իր խաղով սլովակ պաշտպանը մշտապես ապացուցել է, որ արժանի է շատ ավելիին:

2009 թվականին՝ այն բանից հետո, երբ բազմաթիվ վնասվածքներ ստացան նրա թիմակիցները, նա հնարավորություն ստացավ տեղ գրավել թիմի հիմնական կազմում, ինչը չէր հաջողվել ավելի վաղ, սակայն նա շարունակում է մնալ պահեստի խաղացող՝ մինչև օգոստոսի սկիզբը մասնակցելով յոթ պաշտոնական խաղի։ Երբ «Զենիթի» եզրային պաշտպանները որակազրկված էին, Տոմաշն անցկացրել է մի քանի խաղ պորտուգալական «Նասյոնալ» և Սամարայի «Կռիլյա Սովետով» ակումբների դեմ՝ խաղալով իր համար նոր դիրքերում: 2009 թվականի մրցաշրջանում Տոմաշը «Զենիթի» կազմում անցկացրել է 15 հանդիպում (Ռուսաստանի առաջնությունում՝ 11, երիտասարդական թիմերի առաջնությունում՝ 2, Ռուսաստանի գավաթի խաղարկությունում՝ 1, Եվրոպաի լիգայում՝ 1):

Ծանոթագրություններ[խմբագրել | խմբագրել կոդը]