Տնային սնկեր

Վիքիպեդիայից՝ ազատ հանրագիտարանից
Jump to navigation Jump to search
Տնային սնկեր
Գիտական դասակարգում
Թագավորություն Սնկեր
Ենթաթագավորություն Բարձրակարգ սնկեր
Տիպ Բազիդիոմիցետներ
Ենթատիպ Ագարոմիցետներ
Դաս Սնկեր
Լատիներեն անվանում
Coniophoraceae
Ulbr. 1928
Տիպիկ ներկայացուցիչներ

Wikispecies-logo.svg
Դասակարգումը
Վիքիցեղերում

Commons-logo.svg
Պատկերներ
Վիքիպահեստում




Տնային սնկեր[1] (լատ.՝ Coniophoraceae) , բազիդիավոր աֆիլոֆորային սնկերի ընտանիք։ Հայտնի են 8 ցեղ և 50 տեսակ, Հայաստանի Հանրապետությունում՝ 2 ցեղ և 3 տեսակ՝ կոնիոֆորա սովորական (Coniop- hora puteana) և այլն։ Առավել տարածված է իսկական տնային սունկը կամ սերպուլա լացողը (Serpula lacrimans)։ Աճում է ամենուրեք (քայքայված բնափայտի, հատակի փտած տախտակների վրա, տարբեր շինություններում, նկուղներում, հանքերում)՝ տարվա բոլոր ամիսներին։ Պտղամարմինը միամյա է, հազվադեպ՝ բազմամյա (տրամագիծը՝ մի քանի սմ-ից մինչև 1 մ), դարչնագույն, ժանգագորշ, փռված, փառանման, կաշեկերպ, երբեմն՝ բավականին մսալի, թեթևակի ամրացած հիմնանյութին։ Սնկամարմինն ամուր է, բամբականման, սպիտակ, հաճախ՝ դեղնավուն կամ մոխրագույն։ Առկա են լավ զարգացած սպիտակ, դեղին, մոխրագույն կամ գորշավուն միցելիումային ձգաններ (ռիզոմորֆներ)։ Փտած բնափայտի վրա հանդիպում են բամբականման, սպիտակ կամ մոխրագույն, դեղնավուն խոշոր միցելիումի կուտակումները։ Վնասակար տեսակ է. առաջացնում է փտում, թաղանթանյութի ակտիվ քայքայում։ Բնափայտի լրիվ փտումը և քայքայումը տեղի է ունենում 0,5-1 տարվա ընթացքում։

Նկարագրություն[խմբագրել | խմբագրել կոդը]

  • Ունեն երկարած մարմին, հազվադեպ գլխարկավոր։ Հիմենոֆորմ փշոտ է կամ ցանցավոր։ Սնկերի մեծ մասի տակը սպիտակ գույն ունի։ Մարմինը հիալինային կամ դեղնավուն է, մսոտ կամ դոնդողանման։ Գեներատիվ հիֆերը ունի սեղմանկներ կամ առանց դրանց է։
  • Սպորները ձվաձև են կամ էլիպսաձև, հարթ դեղին, շականակագույն կամ դեղնականաչ գունավորմամբ։ Բազիձավոր չորս սպորանի սնկեր են։

Տաքսոնոմիա[խմբագրել | խմբագրել կոդը]

Հոմանիշներ[խմբագրել | խմբագրել կոդը]

Ընտանիք[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Kirk PM, Cannon PF, Minter DW, Stalpers JA. (2008)։ Dictionary of the Fungi. 10th ed։ Wallingford: CABI։ էջ 166։ ISBN 0-85199-826-7 

Գրականություն[խմբագրել | խմբագրել կոդը]

  • Bi Zhishu, Guoyang Zheng, Li Taihui The Macrofungus Flora of China's Guangdong Province. — 1993. — ISBN 962-201-556-5
Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png