Տատամի
Տատամի (ճապ.՝ 畳, բառացիորեն՝ «ծալում, այն, ինչ ծալվում է»), փսիաթ, որով Ճապոնիայում ծածկում են ավանդական տիպի տների հատակները[1]։ Հյուսվում են իգուս եղեգից և լցոնվում բրնձի ծղոտով[1], թեպետ վերջերս լցոնման համար օգտագործվում է նաև սինթետիկ բամբակ[2]։ Տատամիի երկար եզրերին կարվում է գործվածք։
Ավանդական դասավորություն[խմբագրել | խմբագրել կոդը]
Կան կանոններ, որոնք կարգավորում են հատակին տատամիների քանակը և գտնվելու դիրքը։ Սովորաբար տատամիները դասավորվում են այնպես, որ չորս անկյունները մի կետում չմիանան[3]։ Այդպիսի դասավորությունը կոչվում է բարենպաստ։ Հուղարկավորության կամ սուգի ժամանակ տատամիները դասավորում են հակառակ ձևով՝ սովորական ցանցաձև դասավորությամբ, որպեսզի անկյունները միանան[3]։ Սխալ դասավորությունը, ինչպես համոզված են ճապոնացիները, տանը դժբախտություն է բերում[4]։
Չափսեր[խմբագրել | խմբագրել կոդը]
Տատամիներն ունեն խստորեն սահմանված մակերես և ձև։ Ճապոնիայում սենյակների մակերեսը ավանդաբար չափվում է տատամիներով (ճապ.՝ -畳 -jo:), ինչը հաշվի է առնվում տուն կառուցելիս։ Տատամիի մակերեսը Արևմտյան Ճապոնիայում (Կանսայ) 95,5 × 191 սմ է (6 սյակու 3 սուն × 3 սյակու 1 սուն 5 բու)[1]։ Տատամիի բարձրությունը 5 սմ է։ Երբեմն հանդիպում են ավանդական մակերեսի կես չափով՝ 90 × 90 սմ տատամիներ (ռյուկյուդատամի)։ Տոկիոյում և Արևելյան Ճապոնիայում պատրաստված տատամին սովորականից փոքր-ինչ նեղ է՝ 88 × 176 սմ[1]։
Կիրառում[խմբագրել | խմբագրել կոդը]
Ժամանակակից ճապոնական տների մեծ մասում, նույնիսկ եվրոպական ոճի տներում, առկա է տատամիներով առնվազն մեկ սենյակ (վաշիցու)։
Արևմուտքում տատամին օգտագործվում է մարտարվեստի դպրոցներում՝ որպես մարզական փսիաթ[5]։ Սովորական փսիաթների համեմատ՝ տատամին ավելի կոշտ է։
Պատկերասրահ[խմբագրել | խմբագրել կոդը]
-
Տատամիի խանութ Ճապոնիայում -
Տատամիներով սենյակ -
Մարզական տատամիներով դահլիճ
.jpg)
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 An Illustrated guide to Japanese Traditional Architecture and Everyday Things / Yamamoto S.. — 京都: 淡交社, 2018. — С. 30,82. — ISBN 978-4-473-04237-8
- ↑ «Understanding Tatami». kyo-tatami.com (անգլերեն). Motoyama Tatami shop. Արխիվացված օրիգինալից 2016 թ․ հոկտեմբերի 31-ին. Վերցված է 2016 թ․ հոկտեմբերի 31-ին.
- ↑ 3,0 3,1 «Всё о татами — традиционных соломенных японских матах-циновках». konnichiwa.ru (ռուսերեն). 03/05/2018. Արխիվացված օրիգինալից 2020 թ․ հունիսի 21-ին. Վերցված է 2020 թ․ հունիսի 19-ին.
- ↑ Франсеск Миральес, Эктор Гарсия Итиго Итиэ: Японское искусство быть счастливым здесь и сейчас. — Litres, 2019. — С. 206.
- ↑ «The Quest for the Perfect Judo Floor». JudoInfo.com (անգլերեն). Judo Info. Արխիվացված օրիգինալից 2020 թ․ հունիսի 22-ին. Վերցված է 2020 թ․ մայիսի 5-ին.
 | Վիքիպահեստն ունի նյութեր, որոնք վերաբերում են «Տատամի» հոդվածին։ |
| ||||||
