Տագանրոգի կենտրոնական լողափ

Վիքիպեդիայից՝ ազատ հանրագիտարանից
Տեսարժանություն
Տագանրոգի կենտրոնական լողափ
ռուս.՝ Центральный пляж Таганрога
Таганрог центральный пляж1.jpg
Տագանրոգի կենտրոնական լողափը
XX դարի առաջին կեսում
Երկիր Ռուսաստան
Քաղաք Տագանրոգ
Հիմնադրման թվական 1934, մայիսի 25
Շինարարության սկիզբ 1920-ական թվականներ
Շինարարության վերջ 1930-ական թվականներ
Վիճակ ունի հիմնանորոգման և բարեկարգման կարիք
Կոորդինատներ: 47°11′58″ հս․ լ. 38°55′30″ ավ. ե. / 47.19944° հս․. լ. 38.92500° ավ. ե. / 47.19944; 38.92500

Տագանրոգի կենտրոնական լողափ (ռուս.՝ Центральный пляж Таганрога), քաղաքի ամենահին լողափը, որի բացումը տեղի է ունեցել 1934 թվականին[1]։ Գտնվում է ՌԴ Ռոստովի մարզի Տագանրոգ քաղաքի կենտրոնական մասում, Տագանրոգի ծոցի ափին։

Պատմություն[խմբագրել | խմբագրել կոդը]

1920-ական թվակաների վերջից մինչև 1930-ական թվականների սկիզբը կառուցվել է քաղաքային կենտրոնական լողափը։ Նրա հանդիսավոր բացումը տեղի է ունեցել 1934 թվականի մայիսի 25-ին։ Լողափը գտնվել է Տագանրոգի բնակմիության տնօրինության տակ, մուտքը եղել է վճարովի[1]։

Պատերազմի ավարտից հետո` 1940-ականներին, ակտիվորեն ընթացել են քաղաքային լողափի բարեկարգման աշխատանքները[1]։

1962 թվականին կատարվեցին մի շարք գործողություններ։ Զառիթափի տակ կառուցվեց 360 մետր երկարությամբ և 2,5 մետր բարձրությամբ հիմնապատ։ Կառուցվեցին 10 մետր լայնությամբ պատշգամբներ` արևաբուժարան, բուժկետ, բուֆետ և պահասենյակներ տեղաբաշխելու համար։ Ավելացվեցին հովարները, նստարանները, սնկիկները։ Տնկվեցին ծառեր և թփեր[1]։

1980-ական թվականներին լողափի մուտքի առաջ կահավորվեց ավտոկայանատեղ։ Սկսեցին գործել առևտրի տաղավարը և գազավորված ջրի ավտոմատները։ Ծովափում գործակվեցին մանկական խաղահրապարակը, վարձույթի կետը և մարզահրապարակը[1]։

2014 թվականին լողափը զգալիորեն տուժեց փոթորկից։ 2015 թվականի հուլիսին Ռոստովի մարզի նահանգապետի պաշտոնակատար Վասիլի Գոլուբևը հրամայեց կարգի բերել այն[2]։ Կենտրոնական լողափը 2015 թվականին որոշվեց համարել վթարային վտանգավոր գոտի, ողջ տարածքում տեղադրել ցանկապատեր և համապատասխան տեղեկատվական ցուցանակներ[3]։

2016 թվականի դրությամբ Կենտրոնական լողափը գտնվում է «Բարեկարգում» քաղաքային բյուջետային կազմակերպության վարույթում, այդ ժամանակաշրջանում նրա բարեկարգման նպատակով բյուջետային միջոցներ նախատեսված չեն եղել[2]։

Ծանոթագրություններ[խմբագրել | խմբագրել կոդը]