Վրթանես Օծոփեցի

Վիքիպեդիայից՝ ազատ հանրագիտարանից
Jump to navigation Jump to search
Վրթանես Օծոփեցի
Ընդհանուր տեղեկություններ
Եկեղեցի Հայ Առաքելական եկեղեցի Հայ Առաքելական եկեղեցի
Տիտղոս Եպիսկոպոս
Կառավարման ավարտ 1493 թվական
Ծնվել է Անհայտ
Ծննդավայր Օծոփ, Նախիջևան
Մահացել է 1493 թվական
Մահվան վայր Օծոփ, Նախիջևան


Վրթանես Օծոփեցի (հայտնի է նաև Վրթանես եպիսկոպոս, 15-րդ դար, Օծոփ - 1493, Օծոփ), կրոնական գործիչ, Հայ առաքելական եկեղեցու եպիսկոպոս[1]։

Վրթանես Օծոփեցին Ամենայն հայոց կաթողիկոսներ Սարգիս Բ Աջատարի և Հովհաննես Է Աջակրի խորհրդով 1477 թվականին Աղթամարի վանքից գողանում է Գրիգոր Լուսավորչի Աջը և տանում Էջմիածին։ Այս գործողությունն իրականացնելու համար նա որպես լուսարար 7 տարի ծպտյալ կարգավիճակով ծառայության է անցած լինում Աղթամարի վանքում։ Լուսավորչի Աջը գողանալուց հետո ջուղայեցի վաճառականների հետ այն ուղարկում է Ջուղա, իսկ ինքը՝ փախչում։ Այնուհետև Ջուղայից Լուսավորչի Աջը տանում է Էջմիածին[1]։

Հայտնի է, որ Մայր Աթոռի միաբանությունը նրան կարգում է կաթողիկոսության մշտական աթոռակալ[1]։

Պատմիչ Առաքել Դավրիժեցին նշում է, որ արդեն բավականին տարեց հասակում Վրթանես եպիսկոպոսը Էջմիածնից մեկնում է Օծոփի վանք, որտեղ 1493 թվականին վախճանվոում է[1]։

Նրա աճյունը թաղված է եղել Օծոփի Սուրբ Աստվածածին վանքի գերեզմանատանը, որտեղ դեռևս խորհրդային տարիներին կանգուն էր նրա գերեզմանին կանգնեցված խաչքարը[1]։ Ներկայում ինչպես Սուրբ Աստվածածին վանքը, այնպես էլ գերեզմանոցը ավերված են[2]։

Գ․Հովսեփյանի վկայությամբ Վրթանես Օծոփեցին Պռոշյանների տոհմի երկրորդ ճյուղի շառավիղներից է եղել[1]։

Ընտանիք[խմբագրել | խմբագրել կոդը]

Հայտնի է, որ Վրթանես Օծոփեցին եղել է Ամբրասիոսի որդին, Ապուսահլի թոռը[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 1,6 Արգամ Այվազյան, «Նախիջևան։ Բնաշխարհիկ պատկերազարդ հանրագիտակ», Երևան, 1995 թվական, էջ 335։
  2. «Նախիջեւանում հայկական հուշարձանները վանդալիզմի են ենթարկվում» (արխիվացված