Վոլժսկի ռազմական նավակազմի հերոսների հուշարձան (Նիժնի Նովգորոդ)

Վոլժսկի ռազմական նավակազմի հերոսների հուշարձան;
	Վոլժսկի ռազմական նավակազմի հերոսների հուշարձան
Տեսակ	հուշարձան
Ստեղծում	1967
Երկիր	Ռուսաստան
Բնակավայր	Նիժնի Նովգորոդ
Շինության ձև	Հուշարձան
Ներկա վիճակ	Կանգուն
	Monument to the heroes of the Volga military flotilla Վիքիպահեստում

Վոլժսկի ռազմական նավակազմի հերոսների հուշարձան (ռուս.՝ Монумент героям Волжской военной флотилии), հուշարձան Նիժնի Նովգորոդի Մարկինի հրապարակի պուրակում, որը նվիրված է Ռուսաստանի քաղաքացիական պատերազմի Վոլժսկի ռազմական նավակազմի նավաստիներին և գետային տրանսպորտի աշխատողներին։ Բացվել է 1977 թվականի հոկտեմբերի 5-ին։

Պատմություն

1918 թվականի ամռանն Արևելյան ճակատը մոտեցավ Նիժնի Նովգորոդի նահանգի սահմաններին։ 1918 թվականի հունիսին սպիտակ գվարդիականների դեմ պայքարելու համար Նիժնի Նովգորոդում կազմավորվում է Վոլժսկի ռազմական նավակազմ կազմակերպությունը։ Ուշ աշնանը, Վոլգայի և Կամայի վրա արյունալի մարտերից հետո, որոնցից մեկի ժամանակ 1918 թվականի հոկտեմբերի 1-ին զոհվում է նավակազմի կոմիսար Նիկոլայ Մարկինը, նավերը վերադառնում են Նիժնի Նովգորոդ։ Սաֆրոնովկայա հրապարակի Ռեչնոյ կայարանի դիմացի տարածքն անվանվում է Մարկինի հիշատակին։ 1976 թվականին Հոկտեմբերյան մեծ հեղափոխության 60-ամյակի կապակցությամբ որոշվում է Մարկինի հրապարակում տեղադրել Վոլժսկի ռազմական նավակազմի խիզախ նավաստիներին և գետային տրանսպորտի աշխատողներին նվիրված հուշարձան։ Մրցույթում հուշարձանի ստեղծման նախագիծը հաղթում է քանդակագործ Պավել Գուսևը։

Նախագծի հեղինակներ

Քանդակագործ՝ ՌԽՖՍՀ ժողովրդական նկարիչ, Նիժնի Նովգորոդի պատվավոր քաղաքացի Պավել Գուսև
Ճարտարապետ՝ ՌԽՖՍՀ վաստակավոր ճարտարապետ Բ. Ս. Նելյուբին և Վ. Յա. Կովալյով

Նկարագրություն

Հուշարձանը բաղկացած է երեք ֆիգուրներից, որոնց դինամիկան գալիս է նավաստիների ուս-ուսի լայն քայլվածքի ռիթմից, գլխարկի ծածանվող ժապավենի, ձեռքերի շարժման ռիթմից։ Փոքր-ինչ առաջ է կանգնած տարիքով ավագ նավաստին, հաջորդը գալիս է ծովայինը, գոտևորված գնդացրի գոտիներով, նրանից հետո՝ երիտասարդ նորակոչիկը։ Արձանախումբը տեղադրված է գրանիտով պատված ցածր պատվանդանի վրա։ Պատվանդանի վերին մասն արված է խոշոր գետաքարով։ Պուրակի ձախ և աջ կողմում, հուշարձանի հետևում տեղադրված են կարմիր գրանիտե հուշասալեր, որտեղ ոսկե տառերով փորագրված է՝

Հարգում ենք Հոկտեմբերյան հեղափոխության զինյալների հիշատակը և նրանց հուշարձանի մոտ երդվում ենք գնալ նրանց հետքերով՝ ընդօրինակելով նրանց անմահությունն ու հերոսությունը։

- Վ. Ի. Լենին

Պատկերասրահ

Գրականություն

Памятники истории и культуры Горьковской области. - Горький: Волго-Вятское кн.изд-во, 1987.