Վիքիպեդիա:Խորհրդարան/կանոնակարգ/պահոց/Հունվար 2018
Սա նախկին քննարկումների արխիվ է։ Խնդրում ենք չխմբագրել այն։ Եթե ցանկանում ենք նոր քննարկում բացել կամ վերանայել նախկին քննարկումը, խնդրում ենք անցնել ներկա քննարկման էջ։ |
Կանոնակարգի մեջ պարզաբանում մտցնելու առաջարկ
- Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։
Առաջարկում եմ ճշտել Վիքիպեդիա:Նշանակալիություն (մարդիկ) կանոնակարգի «2.6 Քաղաքական գործիչներ» կետը, առաջին նախադասության մեջ «Քաղաքական գործիչներ և դատավորներ» բառակապակցությունը շարադրելով հետևյալ կերպով՝ «Քաղաքական գործիչներ, դատավորներ և դատախազներ», այսպիսով.
Քաղաքական գործիչներ, դատավորներ և դատախազներ, ովքեր զբաղեցնում են կամ զբաղեցրել են բարձր պաշտոններ միջազգային, ազգային, ամենաբարձր մակարդակի վարչատարածքային միավորումների կառավարման համակարգերում: Սա նաև վերաբերվում է այն անձանց, ովքեր ընտրվել են կամ նշանակվել են համապատասխան պաշտոնին, սակայն դեռ չեն ստանձնել պարտականությունները: Նշված անձինք նաև պետք է բավարարեն հիմնական պահանջին, այն է լուսաբանված լինեն երկրորդական վստահելի անկախ աղբյուրներով:
Քաղաքական գործիչներ, ովքեր լայնորեն լուսաբանվում են մամուլում:
Կանոնակարգի տրամաբանությունից ենթադրվում են նաև դատախազները, սակայն որոշ դեպքերում բառի բացակայությունը դժվարություն է առաջացնում՝ կանոնը ընկալելու համար: Այն մասնակիցներին, ովքեր կարծում են, որ նման ենթադրություն չի կարելի անել տվյալ կանոնից, ուղղակի առաջարկում եմ ընդունել փոփոխությունը և հարցը փակել:--Pandukht (քննարկում) 18:26, 10 Դեկտեմբերի 2017 (UTC)[reply]
Դեմ Դեռևս դեմ եմ կանոնադրության մեջ այս փոփոխության իրականացմանը, քանի դեռ չի բերվել ավելի լուրջ փաստարկ կամ հիմնավորում: Իրավաբան չեմ, բայց դատական համակարգի վերաբերյալ ունեմ հիմնավոր պատկերացումներ: Դատախազը և դատավորը միևնույն մակարդակի դերակատարներ կամ պաշտոնյաներ չեն: Դատավորն ունի ավելի բարձ դիրք: Այստեղ հստակ հիերարխիա չկա, սակայն ինձ համար անընդունելի է դատավորներին և դատախազներին միևնույն հարթակում դիտարկելը և կանոնադրության միևնույն դրույթի տակ ընդունելը: Բացի այդ, մարզային դատախազները այն անձինք չեն, ովքեր լայնորեն քննարկվում են մամուլում:--Armen (քննարկում) 20:19, 10 Դեկտեմբերի 2017 (UTC)[reply]
- Իհարկե դատախազը պատգամավորի նման հանրայնացված կերպար չէ (ինչպես և դատավորը), սակայն եթե գուգլենք քիչ առաջ նշանակված նույն Տավուշի մարզի դատախազին, ապա կգտնենք լրատվամիջոցների բավականին չափով հաղորդագրություններ: Եվ ընդհանրապես Հայաստանի պետական համակարգը հասարակության համար տեղեկատվության առումով բավականին փակ է, (ինչը ազդում է այդ համակարգի որակի վրա), իսկ Վիքիպեդիան այն հարթակն է, որը հաղթահարում է այդ պատնեշը: Բացի այդ, Հայաստանի դեպքում խոսքը գնում է միայն 10+1 հոդվածի մասին, այլ ոչ թե մի քանի տասնյակ: Այդ պաշտոնատերները հսկայական համակարգերի ղեկավարներ են, որոնց գործունեությունը անուղղակի և ուղղակի, երբեմն ակնհայտ, բայց ավելի հաճախ՝ ոչ այդքան ակնհայտ, որքան, օրինակ, դատավորների գործունեությունը (որոնք աշխատում են անմիջապես դատական նիստերի դահլիճում, որտեղ կարող են գալ լրագրողներ և հասարակության ներկայացուցիչներ, որոնք ռեզոնանսային դատավճիռներ են կայացնում, որոնց վրա սևեռվում է հասարակության ուշադրությունը), անդրադառնում է ողջ մարզի բնակչության վրա, իսկ միասին՝ ողջ երկրի: Կարծում եմ, պետք է ավելի լավ լուսաբանենք Հայաստանի պետական կառուցվածքը ի դեմս տարբեր մակարդակի կոմիտեների, վարչությունների և այլն, և այդ ամենը մարմնավորվող կոնկրետ անձանց: Դրանով բարձրացվում է հասարակության կողմից վերահսկողությունը: --Pandukht (քննարկում) 20:45, 10 Դեկտեմբերի 2017 (UTC)[reply]
- Չեմ կարծում, որ պետական համակարգի նկատմամբ վերահսկողություն իրականացնելու գիտակցման բարձրացումը Վիքիպեդիայի ուսերին է թողնված, և բնավ այստեղ խնդիրը 10±1 հոդվածը չէ, այլ նշանակալիությունը: Եթե Տավուշի մարզի դատախազն այս կամ այն կերպ հայտնվել է լրատվամիջոցների ուշադրության կենտրոնում, ապա չեմ կարծում, որ իներտիվ պիտի բոլոր դատախազներին նշանակալիություն տրվի ու գրվի այստեղ: Ժամանակին այս թեմայով բուռն քննարկումներ են եղել՝ ընդհուպ մինչև մարզպետի օգնականի կամ իրավաբանական ծառայության պետի աստիճան, սակայն հիմա քննարկումները վեր հանելը նպատակահարմար չեմ գտնում:--Սիգմա (քննարկում) 23:35, 10 Դեկտեմբերի 2017 (UTC)[reply]
- Համաձայն եմ Սիգմայի հետ։ Եթե տվյալ անձը լուսաբանվել է մամուլի կողմից, ապա իր մասին կարելի է հոդված գրել։ Իսկ մնացած դեպքերում կարելի է հոդվածներ գրել գլխավոր դատախազների մասին։--Լիլիթ (քննարկում) 04:16, 11 Դեկտեմբերի 2017 (UTC)[reply]
- Չեմ կարծում, որ պետական համակարգի նկատմամբ վերահսկողություն իրականացնելու գիտակցման բարձրացումը Վիքիպեդիայի ուսերին է թողնված, և բնավ այստեղ խնդիրը 10±1 հոդվածը չէ, այլ նշանակալիությունը: Եթե Տավուշի մարզի դատախազն այս կամ այն կերպ հայտնվել է լրատվամիջոցների ուշադրության կենտրոնում, ապա չեմ կարծում, որ իներտիվ պիտի բոլոր դատախազներին նշանակալիություն տրվի ու գրվի այստեղ: Ժամանակին այս թեմայով բուռն քննարկումներ են եղել՝ ընդհուպ մինչև մարզպետի օգնականի կամ իրավաբանական ծառայության պետի աստիճան, սակայն հիմա քննարկումները վեր հանելը նպատակահարմար չեմ գտնում:--Սիգմա (քննարկում) 23:35, 10 Դեկտեմբերի 2017 (UTC)[reply]
Դեմ, մանրամասն գրել եմ ինչու՝ այստեղ և այստեղ: Մամուլում արդեն լուսաբանված լինելու նախորդ մասնակիցների առաջարկին համաձայն եմ, բայց «դատախազներ» բառը չի տեղավորվում այս առաջարկի հետ --Հայկ (արաբագետ) 06:20, 12 Դեկտեմբերի 2017 (UTC)[reply]
Արդյունք
Կանոնակարգի առաջարկը մերժված է:--Սիգմա (քննարկում) 21:00, 10 Հունվարի 2018 (UTC)
- Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։
Նոր կանոնակարգ - Ոչ մի անձնական հետազոտություն
- Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։
Հարգելի վիքիհամայնք, քննարկման եմ ներկայացնում «Ոչ մի անձնական/սկզբնական հետազոտություն» կանոնակարգը, որը թարգմանել եմ Ռուսերեն Վիքիպեդիայից։ Փաստն այն է, որ վերջերս, բավականին օբյեկտիվ պատճառներով, Հայերեն Վիքիպեդիայում շատանում և թեժանում են անձնական հետազոտություններ հիշեցնող հոդվածների քննարկումները։ Եվ այդ հոդվածների առկայությունն ազդում է Հայերեն Վիքիպեդիայի հեղինակության վրա, բնականաբար բացասական առումով։ Ցավոք սրտի, կանոնակարգի բացակայությունը մեզ շատ է խանգարում, որպեսզի քննարկումը շատ շուտ չփակենք և չթողնենք, որպեսզի այն ավելի չխորանա։ Կարծում եմ՝ այս կանոնակարգը կօգնի խմբագիրներին, և ծանր քննարկումներին շատ նյարդեր չենք ծախսի։ Պատրաստ եմ լսել ցանկացած դիտողություն։ Շնորհակալություն։ --@ջեօ (քնն․) 10:52, 26 Դեկտեմբերի 2017 (UTC)[reply]
Հարգելի @ջեօ շնորհակալություն թարգմանելու համար: Խնդիրն, իրոք որ, օրակարգային է, մանավանդ, որ վերջին մեկ ամսում հայերեն վիքիպեդիայում ջնջման են ներկայացվել անձնական հետազոտություն հանդիսացող մի քանի հոդվածներ: Վիքիպեդիայում պետք է կարողանանք ապահովել հնարավորինս չեզոք և բազմակողմանի տեղեկատվություն: Անձնական հետազոտությունը խնդրի սուբյեկտիվ մոտեցում է: Հետևաբար, նման կանոնակարգի առկայությունը անհրաժեշտ է Վիքիպեդիայի համար:--Armen (քննարկում) 15:42, 2 Հունվարի 2018 (UTC)
P.S.Մոռացա խոսել կանոնակարգի բովանդակության մասին: Համաձայն եմ առանձնացված չափանիշների և բնորոշումների հետ: Ավելացնելու ոչինչ չունեմ: Հուսով եմ, որ Կանոնակարգը հնարավորություն կտա հայերեն վիքիպեդիայում խուսափելու անձնական հետազոտություններից:--Armen (քննարկում) 15:49, 2 Հունվարի 2018 (UTC)
- Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։