Վիքիպեդիա:Խորհրդարան/կանոնակարգ/պահոց/Դեկտեմբեր 2016

Սա նախկին քննարկումների արխիվ է։ Խնդրում ենք չխմբագրել այն։ Եթե ցանկանում ենք նոր քննարկում բացել կամ վերանայել նախկին քննարկումը, խնդրում ենք անցնել ներկա քննարկման էջ։

Նոր կանոնակարգ՝ Արգելափակում

Ընդունված է ի կիրառություն:--Arsog1985 (քննարկում) 20:50, 4 Դեկտեմբերի 2016 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Հարգելի՛ վիքիհամայնք, ձեր քննարկմանն եմ ներկայացնում արգելափակման կանոնակարգի նոր նախագիծը, որն ամբողջությամբ թարգմանել եմ Ռուսերեն Վիքիպեդիայից: Նախագծին կարող եք ծանոթանալ այստեղ: Գուցե առաջին հայացքից մի քիչ խիստ թվա, սակայն կարծում եմ այս պարագայում խստությունն ի նպաստ Հայերեն Վիքիպեդիայի անվտանգությանն է և որակի բարձրացմանը: Շնորհակալ կլինենք լսել կարծիքներ: Քննարկումը կտևի մեկ ամիս, որից հետո, ըստ հասած համաձայնության, նախագիծը կամրագրվի որպես կանոնակարգ:--Arsog1985 (քննարկում) 11:30, 4 Նոյեմբերի 2016 (UTC)[reply]

Ողջունում եմ նման մտահղացումները, մեր Վիքին շատ ու շատ կարիք ունի կանոնակարգվելու, մեկ հատ հարց ունեմ.

Բացառապես արգելվում է ինքնապաարգելափակումը, բացի այն դեպքերի, երբ մասնակիցն ինքն է իրեն արգելափակել կամ արգելափակվել է այլ ադմինիստրատորի կոտրված մասնակցային հաշվից (ընդ որում, այս դեպքում ևս պետք է խնդրել այլ ադմինիստրատորների ապաարգելափակել): դուրս է գալիս ադմինը կարող է ինքնաարգելափակվել, սակայն ո՞ր դեպքերում նշված չէ:--Սամվել^{քննարկում} 13:08, 4 Նոյեմբերի 2016 (UTC)[reply]

Սամվել ջան, շնորհակալություն արձագանքի համար: Կետ էր բաց մնացել, ավելացրեցի: Ադմինների ինքնաարգելափակում և ինքնապաարգելափակում արգելվում է:--Arsog1985 (քննարկում) 13:32, 4 Նոյեմբերի 2016 (UTC)[reply]

Հրաշալի է: Խստությունը միշտ ողջունելի է` ցանկացած պարագայում, որովհետև մենք գործ ունենք հանրագիտարանի հետ: Առաջին կետն եմ դեռ կարդացել, խամաճիկի պահը չհասկացա, կպարզաբանե՞ս Արամ ջան: Ընդհանրապես դա ինչ է, երբ է օգտագործվում, երբ ոչ և այլն: Եթե էլի հարցեր լինեն` կգրեմ --Հայկ (արաբագետ) 21:15, 4 Նոյեմբերի 2016 (UTC)[reply]

Ընդ որում պետք չէ մեծացնել այն մասնակիցների արգելափակման ժամկետը, որոնք վերջին արգելափակումից հետո զգալի ժամանակահատվածում թույլ չեն տվել լուրջ խախտումներ (այլ կերպ, պետք չէ ի գիտություն ընդունել վաղ անցյալի արգելափակումները): Շատ կարևոր կետ է --Հայկ (արաբագետ) 21:21, 4 Նոյեմբերի 2016 (UTC)[reply]

Արտակարգ չհամարվող (սովորաբար փորձառու մասնակիցների երկարատև և անժամկետ արգելափակումը) վիճելի արգելափակումները պետք է նախապես քննարկվեն ԱՏ-ում, որպեսզի լրացուցիչ փաստարկումներ լինեն արգելափակելու կամ չարգելափակելու համար. փաստարկված դեմ կարծիքների դեպքում նման արգելափակում իրականացնելն անցանկալի է: Այս կետը լուրջ քննարկման կարիք ունի, քանի որ եղել են դեպքեր, երբ դիմել են ԱՏ, բայց անարդյունք` ադմինական լռություն է եղել: Դա ընդհանրապես ես համարում եմ անհարգալից, քանի որ մարդ դիմում է ներկայացնում, իսկ ադմինները, որոնցից առնվազն կեսն ակտիվ են և կարդում են դիմումը, չեն պատասխանում: Այլ կերպ ասած` դա արհամարհանք է: Եկեք քննարկենք այս արհամարհանքի հարցը, հետո անցնենք այս կետին --Հայկ (արաբագետ) 21:25, 4 Նոյեմբերի 2016 (UTC)[reply]

Միտք: կանոնակարգն արդեն կարգավորում է այդ հարաբերությունները, քանի որ գործողություններ կան, որոնք հավասարեցվում են ադմինական գործողություններին ու ադմինները պետք է անեն դա: Բացի այդ, գործի է դրվում ադմինական համագործակցությունը:--Arsog1985 (քննարկում) 21:50, 4 Նոյեմբերի 2016 (UTC)[reply]

Տոպիկ բանը արգելում է մասնակցին խմբագրել որոշակի հոդվածներ, ըստ թեմայի կամ այլ չափանիշներով խմբավորված հոդվածներ Արդյոք սա չի՞ հակասում վիքիազատությանը: Եթե ոչ, սա շատ կարևոր կանոն է, ու ես հաճույքով կողմ կլինեմ, որովհետև կան մարդիկ, ովքեր խմբագրում են կոնկրետ ոլորտում` ամբողջովին սխալներ անելով, ու ոչ մի կերպ ուղղելու ցանկություն չունեն --Հայկ (արաբագետ) 21:32, 4 Նոյեմբերի 2016 (UTC)[reply]

Միտք: Իհարկե, ոչ, որովհետև եթե մարդը խմբագրում է առանց որևէ կանոնակարգ խախտելու, ապա այդ պարագայում նրան ոչ ոք ոչինչ չի ասի, իսկ եթե նկատվում են կանոնակարգային խախտումներ և/կամ ապակառուցողական մոտեցում, այդ դեպքում միանշանակ պետք է հետևի կանխարգելող որևէ քայլ՝ արգելափակում կամ տոպիկ բան՝ ըստ քննարկումներում հասած համաձայնության:--Arsog1985 (քննարկում) 21:45, 4 Նոյեմբերի 2016 (UTC)[reply]

Arsog1985 ջան, նախ և առաջ շնորհակալ եմ կարևորագույն կանոնակարգը մշակելու համար։ ։) Իսկ հիմա դիտարկումներս․

Ընդ որում պետք չէ մեծացնել այն մասնակիցների արգելափակման ժամկետը, որոնք վերջին արգելափակումից հետո զգալի ժամանակահատվածում թույլ չեն տվել լուրջ խախտումներ (այլ կերպ, պետք չէ ի գիտություն ընդունել վաղ անցյալի արգելափակումները): ― Համաձայն չեմ այս նախադասության հետ։ Մասնակիցը պետք է հասկանա և իմանա, որ ցանկացած հերթական խախտում, նույնիսկ եթե այս խախտումների միջև կա երկար ժամանակահատված, հանգեցնելու է արգելափակման էլ ավելի խոշոր ժամկետի։ Ցայտուն օրինակը վերջերս անժամկետ արգելափակված մասնակիցն է։ Նրա՝ այստեղ լինելու ժամանակագրությունն ուսումնասիրելիս նկատելի է դառնում, որ խախտելուց հետո կրկին ակտիվ էր լինում մի քանի ամիս հետո։ Այդ դեպքում ինչպե՞ս պետք է վարվեինք։

Մեկնաբանություն՝ Ջեօ ջան, ներողություն եմ խնդրում ուշ պատասխանի համար: Եթե մասնակիցը ակտիվանում, խախտում է կատարում, արգելափակվում է, ապա համաձայն եմ, սակայն այստեղ խոսքը մասնակիցների մասին է, որոնք կառուցողական խմբագրումների արանքում գուցե թույլ տան վիքիէթիկետի խախտում, ուստի ավելի շատ ժամկետով արգելափակումը կխոչընդոտի մեր հանրագիտարանի զարգացմանը:--Arsog1985 (քննարկում) 21:25, 25 Նոյեմբերի 2016 (UTC)[reply]

Հաստատուն IP հասցեների նկատմամբ արգելափակումն ընդհանուր դեպքերում չպետք է գերազանցի մեկ ամիսը: Փոփոխական հասցեների արգելափակումը տեղին է մինչ այդ հասցեի փոփոխումը (սովորաբար՝ մեկ օր)։ ― Arsog1985 ջան, անկեղծ ասած չեմ պատկերացնում, թե ինչպես են սովորական ադմինները հասկանալու՝ X կամ Y IP-ն ստատի՞կ է, թե՞ փոփոխական։ Միգուցե համացանցում կա՞ այդ IP-ների ցանկը։

Մեկնաբանություն՝ սովորաբար դա ակնառու է, օրինակ՝ այս պարագայում հստակ է IP-ի ստատիկ լինելը:--Arsog1985 (քննարկում) 21:25, 25 Նոյեմբերի 2016 (UTC)[reply]

Տոպիկ բանը արգելում է մասնակցին խմբագրել որոշակի հոդվածներ, ըստ թեմայի կամ այլ չափանիշներով խմբավորված հոդվածներ։ ― Առաջարկում եմ «ըստ թեմայի» բառը հանել, քանզի տոպիկ բանը չպետք է արգելի ընդհանուր թեմա կամ ոլորտ խմբագրել։ Դա վիքի գաղափարախոսությանը դեմ է։ Տոպիկ բանը կարող է արգելել անվանատարածքներ և կոնկրետ հոդված(ներ) խմբագրել։

Մեկնաբանություն՝

Արված է: Շնորհակալություն:--Arsog1985 (քննարկում) 21:25, 25 Նոյեմբերի 2016 (UTC)[reply]

Դեռևս այսքանը, Arsog1985 ջան։ --Ջեօ 19:43, 8 Նոյեմբերի 2016 (UTC)[reply]

Հիշում եմ, որ ժամանակին նման հարցում ենք ունեցել, բավական երկար քննարկում եղավ նաև (Վիքիպեդիա:Հարցումներ/Վարվելակարգ)։ Մի փոքր հակասություն եմ նկատում։ Օրինակ՝ նոր կանոնակարգում ասվում է, որ պետք չէ մեծացնել այն մասնակիցների արգելափակման ժամկետը, որոնք վերջին արգելափակումից հետո զգալի ժամանակահատվածում թույլ չեն տվել լուրջ խախտումներ, իսկ այ հարցման մեջ մենք միշտ ամեն անգամ ավելի շատ էինք արգելափակում, ու կարծես թե վաղեմության մասին խոսք չկար։ Եթե այս կանոնակարգի չի փոխարինելու նախկինի, ուրեմն կարծում եմ, որ պետք է հարցման արդյունքները նույնպես գրեկ կանոնակարգի էջում։--ԱշոտՏՆՂ (քննարկում) 13:09, 9 Նոյեմբերի 2016 (UTC)[reply]

Արդյունք

Առանց փաստարկված դեմ ձայների՝ կանոնակարգը համարվում է ընդունված:--Arsog1985 (քննարկում) 20:50, 4 Դեկտեմբերի 2016 (UTC)[reply]

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։