Վիշապանավակների տոն

Վիքիպեդիայից՝ ազատ հանրագիտարանից
Jump to navigation Jump to search
Վիշապանավակների տոն

Տեսակ փառատոն
Ենթադաս Double Fifth Festival
Ամսաթիվ 5th day of the 5th month in the Chinese lunar calendar
Տոնվում է Flag of the People's Republic of China.svg Չինաստանի Ժողովրդական Հանրապետություն
Dragon Boat Festival in Haiwei, Ronggui, 2011.jpg

Վիշապանավակների տոն (Duānwǔ jié (端午节), Չինաստանի ավանդական տոներից մեկը։ Այն կոչվում է նաև «Կրկնակի հնգյակ», քանզի, համաձայն լուսնային օրացույցի, տոնը նշվում է հինգերորդ ամսվա հինգերորդ օրը[1]: Այն լի է բազմաթիվ մրցութային ծրագրերով, որից ամենակարևորը վիշապանավակների թիավարության մրցույթն է։

Վիշապաձև նավակների տոնը նշվում է ի հիշատակ հայտնի լիրիկական պոետ Ցու Յուանի, ով իր ժողովրդի համար հետագայում դարձավ հայրենասիրության կերպար։ Օրվա ընթացքում հիմնականում ուշադրության կենտրոնում են երեխաները։ Նրանց համար ծնողները պատրաստում են ապարանջաններ և փոքրիկների ճակատին նկարում են «Արքա» իմաստ արտահայտող 王 (վան) հիերոգլիֆը։ «Ձախորդություններից խուսափելու» համար երեխաներին սովորեցնում են ինքնուրույն պատրաստել նետ ու աղեղ։ Տոնը նախանշում է ամառվա տապի սկիզբը և դրա հետ կապված հիվանդությունները: Ուստի, տոնի կարևոր ավանդույթներից մեկն է համարվում «Չարը վանող» օշինդրից հմայլների պատրաստումը:

VM 3852 Singapore - Qu Yuan in a dragon boat.jpg

Չինական նավավարության մրցույթն իր տարածումը գտավ Հոնկոնգից և Թայվանից մինչև Ամերիկա` դառնալով ամենատարածված սպորտաձևերից մեկը։ 2006 թ-ին տոնը ստացավ «Ազգային մշակութային ժառանգության» կոչում և 2007 թ-ին իր տեղը գտավ Չինաստանի պաշտոնական տոների ցանկում։ Մինչ այդ, Վիշապանավակների տոնի ժողովրդական ավանդույթները դիտվում էին որպես սնահավատություն[2]:

Ծանոթագրություններ[խմբագրել | խմբագրել կոդը]

  1. (www.gov.hk) GovHK։ «GovHK: General holidays for 2017»։ www.gov.hk։ Վերցված է 2016-12-04 
  2. «First day-off for China's Dragon Boat Festival helps revive tradition_English_Xinhua»։ news.xinhuanet.com։ Վերցված է 2016-12-04