«Վերելք», քաղաքական-տեսական ամսագիր, ապա՝ երկշաբաթաթերթ։ Ֆրանսիայի կոմկուսի հայկական մասնաճյուղի օրգան։ Լույս է տեսել 1926-1927 թթ., Փարիզում։ Փաստացի խմբագիր՝ Ե․ Չուբար։ Զգալի աշխատանք է կատարել ֆրանսահայ և սփյուռքի այլ գաղթավայրերի բանվորական շրջաններում կոմունիստական գաղափարների տարածման, աշխատավորության համախմբման և հասարակական մտքի մարքսիստական ձևավորման ասպարեզներում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 400)։