Վեյսյառվ
 էստ․՝ Veisjärv, Veisejärv | ||
| Կոորդինատներ | ||
| Երկիր | Էստոնիա | |
| Վարչատարածքային բաժանում | Վիլյանդիմաա | |
| Հայելու բացարձակ բարձրությունը | 96 մ | |
| Երկարություն | 3,45 կմ | |
| Լայնություն | 1,76 կմ | |
| Ավազանի մակերեսը | 4,811 կմ² | |
| Ջրափնյա գծի երկարությունը | 9,048 կմ | |
| Ամենամեծ խորությունը | 4 մ | |
| Միջին խորությունը | 1,3 մ | |
| Ջրահավաքի մակերեսը | 26,1 կմ² | |
| Սկիզբ առնող գետերը | Իհնե | |
Վեյսյառվ (էստ․՝ Veisjärv, Veisejärv), լիճ Էստոնիայում։ Տեղակայված է Վիլյանդիմաա նահանգի Կառկսի և Տառվաստու շրջաններում։
Տեղադրություն[խմբագրել | խմբագրել կոդը]
Վեյսյառվը գտնվում է Արևելաէստոնական ջրահավաք շրջանում և պատկանում է Վիրտսյարվի ջրահավաք ավազանին։ Լիճը տեղակայված է Կառկսի-Նուիա քաղաքից 10 կմ դեպի արևելք՝ ծովի մակարդակից 96 մետր բարձրության վրա։ Լճի մոտ են տեղակայված Վեյսյառվե ու Մյաեկյուլա գյուղերը։
Լճի ջրատարածությունը ընդգրկված է Ռուբինա արգելոցի (Rubina looduskaitseala) տարածքի մեջ[1]։ Լճում ստեղծված են պայմաններ սովորական ծականաձկան պահպանության համար։
Նկարագրություն[խմբագրել | խմբագրել կոդը]
Վեյսյառվը չափավոր կոշտ ջրով լիճ է (տիպ 2՝ համաձայն ԵՄ Ջրի շրջանակային դիրեկտիվի)։ Ըստ Էստոնիայում ընդունված լճագիտական դասակարգման՝ Վեյսյառվ լիճը կոշտ ջրով միքսոտրոֆային լիճ է։ 1950-ական թվականներին անցկացված ուսումնասիրությունների համաձայն՝ լճի ջուրը հիդրոկորբոնատային տիպի է (Са խումբ)՝ որի հանքացման մակարդակը կազմում է 238,4-94,4 մգ/լ[2]։
Լճի ընդհանուր մակերեսը կազմում է 481,1 հա (այն ութերորդն է Էստոնիայի ամենամեծ լճերի շարքում[3])։ Ջրամբարի երկարությունը 3450 մ է, լայնությունը՝ 1760 մ։ Լճի ամենամեծ խորությունը կազմում է 4 մ, միջին խորությունը՝ 1,3 մ։ Ափի գծի երկարությունը 9048 մ է։ Լճի ջրահավաք ավազանի մակերեսը 26,1 կմ² է։ Լճի ջուրը փոխվում է տարին մեկ անգամ։
Վեյսյառվի արևելյան ափն ավելի բարձր է. այնտեղ տեղակայված են դաշտեր։ Արևմտյան ափը ճահճածածկ է[4]։ Հյուսիսից Վեյսյառվ լճի մեջ է թափվում Յիկսի ջրանցքը (Jõksi kraav)[5]: Լճի հարավային կողմից դուրս է հոսում Իհնե գետը (Õhne jõgi)[6], որը հետո թափվում է Վիրտսյարվ լիճ։
Լճում ապրող ձկնատեսակներից են մանրածածանը, գայլաձուկը, շիղաձուկը, կարմրալողաթևիկը, բրամը, պերկեսը և օձաձուկը[7]։ Հետազոտողները նշում են, որ Վեյսյառվ լճում նկատվում է բրամ ձկնատեսակի աճման բարձր տեմպ[8]։
Ծանոթագրություններ[խմբագրել | խմբագրել կոդը]
- ↑ Keskkonnaregistri avalik teenus. Rubina looduskaitseala. Keskkonnainfo. register.keskkonnainfo.ee.
- ↑ Реферативный журнал геофизика, Выпуски 5-8. 1957
- ↑ «Eeesti järvede nimestik. Looduslikud ja tehisjärved» (PDF). Արխիվացված է Eeesti järvede nimestik օրիգինալից 2016 թ․ մարտի 9-ին. Վերցված է 2016 թ․ ապրիլի 1-ին.
{{cite web}}: Check|url=value (օգնություն) - ↑ Tartu ülikooli juures oleva Loodusuurijate seltsi Aruanded. 1930
- ↑ Keskkonnaregistri avalik teenus. Jõksi kraav. Keskkonnainfo. register.keskkonnainfo.ee.
- ↑ Keskkonnaregistri avalik teenus. Õhne jõgi. Keskkonnainfo. register.keskkonnainfo.ee.
- ↑ «Veisjärv (Viljandimaa)» (էստոներեն). Lõuna-Eesti Kalastajate Klubi. Արխիվացված է օրիգինալից 2015 թ․ ապրիլի 17-ին. Վերցված է 2015 թ․ ապրիլի 11-ին.
- ↑ Основы биопродуктивности внутренних водоёмов Прибалтики. 1975
Արտաքին հղումներ[խմբագրել | խմբագրել կոդը]
- Keskkonnaregistri avalik teenus. Veisjärv. Keskkonnainfo. register.keskkonnainfo.ee.
- Eeesti järvede nimestik. Looduslikud ja tehisjärved Արխիվացված 2016-03-09 Wayback Machine. — Tallinn, 2006. ISBN 978-9985-881-40-8
|
