Մոնգանե Վալլի Սերոտե

Մոնգանե Վալլի Սերոտե կամ Մոնգանե Ուոլլի Սերոտե () հարավաֆրիկացի բանաստեղծ և արձակագիր, քաղաքական ակտիվիստ, խորհրդարանի անդամ։

Կենսագրություն

Մոնգանե Վալլի Սերոտեն ծնվել է Սոֆիյատուանեում, այժմյան Յոհաննեսբուրգ արվարձանում։ Հաճախել է Լեսոթոյի և Սուոեթոյի դպրոցներ։ Բարձր դասարաններում սկսել է մասնակցել Black Consciousness Movement-ին, անդամակցել է Աֆրիկյան ազգային կոնգրեսին։ Կապված է եղել Սոուետո պոետիկ խմբին, որը գրականության մեջ մարմնավորում էր Հարավային Աֆրիկայի սևամորթ բնակչության ձայնը։ 1969 թվականին նա ձերբակալվել է ահաբեկչության մասին օրենքով և ինը ամիս անցկացրել մենախցում։ Թողնելով դպրոցը աշխատել է որպես լրագրող։

1972 թվականին հրատարակել է «Yakhal’inkomo» («Տավարի մռնչյուն») բանաստեղծությունների իր առաջին ժողովածուն, որը 1973 թվականին ստացել է Ingrid Jonker մրցանակ, որպես անգլերենով լավագույն դեբյուտ։

Սերոտեն 1974 թվականին ստացել է Ֆուլբրայթի կրթաթոշակ, իսկ 1979 թվականին Կոլումբիայի համալսարանում ստացել է գեղեցիկ արվեստների մագիստրոսի աստիճան։ Այս շրջանի բանաստեղծություններում զգացվում է Հարլեմյան վերածննդի և «Նեգրիտյուդ» շարժման ազդեցությունը։

Ուսման ավարտից հետո կամավոր աքսորվել է Բոտսվանա , որտեղ մասնակցություն է ունեցել «Medu Art Ensemble»-ի ստեղծմանը։ 1986 թվականից աշխատել է Լոնդոնում՝ Աֆրիկյան ազգային կոնգրեսի արվեստի և մշակույթի բաժնում:

1990 թվականին վերադարձել է Հարավային Աֆրիկա։ Շարունակել է աշխատել Աֆրիկայի ազգային կոնգրեսում՝ արվեստի և մշակույթի բաժնում, 1994 թվականին եղել է խորհրդարանի արվեստի և մշակույթի հանձնաժողովի նախագահ։

Ստեղծագործություններ

Բանաստեղծություններ

• «Yakhal’inkomo» («Տավարի մռնչյուն», 1972)
• «Tsetlo» (1974)
• «No Baby Must Weep» («Երեխաները չպետք է լաց լինեն», 1975)Плач и песнь свободы
• «Behold Mama, Flowers» («Մայրիկ, նայիր, սրանք ծաղիկներ են», 1978)
• «The Night Keeps Winking» («Գիշերը շարունակում է աչքով անել», 1982)
• «A Tough Tale» («Ծանր պատմություն», 1987)
• «Third World Express» («Երրորդ աշխարհի ճեպընթացը», 1992)
• «Come and Hope With Me» («Արի ինձ հետ երազելու», 1994)
• «Freedom Lament and Song» («Ազատության ողբն ու երգը», 1997)
• «History is the Home Address» («Իմ հասցեն պատմությունն է», 2004)

Պատմվածքներ և վեպեր

• «To Every Birth Its Blood» («Բոլորը ծնվում են ցավի մեջ», 1981, рус. пер. 1987)
• «Gods of Our Time» («Մեր ժամանակի աստվածները», 1999)
• «Scatter the Ashes and Go» («Ցրիր մոխիրը և գնա», 2002)

Էսսեներ

• «On the Horizon» («Հորիզոնում», 1990)