Գուգլի ծառայությունների ցանկ

Բացի որոնողական համակարգից, Google-ը ունի մի շարք այլ օգտակար ծառայություններ և գործիքներ: Դրանց մեծ մասը վեբ-հավելումներ են, որոնք օգտագործելու համար անհրաժեշտ է ունենալ միայն բրաուզեր և ինտերնետ մուտքի հնարավորություն: Սա հնարավորություն է տալիս տվյալներ փոխանակել աշխարհի ցանկացած կետից՝ անկախ համակարգչի առկայությունից: Որոշ ծառայություններից օգտվելու համար անհրաժեշտ է տեղադրել այլ՝ լրացուցիչ ծրագրեր (օրինակ, Flash Player-ը): Նաև ավելի հարմարավետ աշխատելու համար անհրաժեշտ է ունենալ արագ ինտերնետ կապ (Google Video ծառայության համար անհրաժեշտ է առնվազն 512 ԿԲ/վ արագությամբ ինտերնետ կապ, իսկ Google Earth-ի համար՝ 256 ԿԲ/վ):

Google-ի ծառայությունները

• Google Answers (http://answers.google.com) — մեզ հետաքրքրող հարցերին այլ օգտագործողների կողմից պատասխաններ ստանալու համար նախատեսված ծառայություն:
• Google AdSense (http://www.google.com/adsense) — կոնտեքստային գովազդի ծառայություն, որը թույլ է տալիս մեծաքանակ այցելուներ ունեցող կայքերի տերերին գումար վաստակել: Ծրագիրը ինքնուրույն որոշում է ինչ գովազդներ պետք է ցուցադրվի կայքում, որպեսզի այն համընկնի կայքի բովանդակության հետ:
• Google AdWords (http://www.google.com/adwords) — կոտեքստային գովազդի ծառայություն:
• Google Alerts (http://www.google.com/alerts) — նախապես որոշված հաճախականությամբ ուղարկում է էլ. փոտին որոնման արդյունքները:
• Google Analytics (http://google.com/analytics/) — անվճար ծառայություն, որը կայքատերերին վիճակագրական տեղեկություններ է տալիս կայքի մասին:
• Google ArtProject (http://www.googleartproject.com/) — աշխարհի հանրահայտ թանգարանների ինտերակտիվ ներկայացում:
• Google App Engine (http://code.google.com/appengine/) — Google ընկերության սերվերների վրա մասշտաբային վեբ-հավելումների ստեղծման և պահպանման համար նախատեսված հարթակ: