Սուրբ Գրիգորի լեռնաշղթա, գտնվում է Հայկական լեռնաշխարհում, Հյուսիսային Հայկական Տավրոս լեռնային համակարգի հյուսիսարևմտյան մասում, Չիմեն լեռնաշղթայի հարավարևելյան ճյուղն է։ Երկարությունը մոտ 60 կմ է։ Բարձրությունը՝ 3537 մ (Ս. Գրիգոր լեռ)։ Զանգվածաբեկորային լեռնաշղթա է, կազմված գլխավորապես սերպենտինային և գաբրո-դիաբազային ինտրուցիաներից և վերնետվածքային խախտման գծերով ենթարկվել է ակտիվ բեկորազատման։ Արևելքում լեռնաշղթան կտրվում է Եփրատի խորը կիրճով։ Տարածված են ալպյան և ենթալպյան մարգագետինները, բարձրլեռնային գոտում՝ ձնամերձ պրոցեսները և սառնամանիքային հողմահարությունը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 202)։
Թուրքիա[1]
