Սուրբ Աստվածածնի ծննդյան եկեղեցի (Տացինսկայա)
Անվան այլ կիրառումների համար տե՛ս՝ Սուրբ Աստվածածնի ծննդյան եկեղեցի (այլ կիրառումներ)
| Սուրբ Աստվածածնի ծննդյան եկեղեցի ռուս.՝ Церковь Рождества Пресвятой Богородицы | |
|---|---|
 | |
| Հիմնական տվյալներ | |
| Տեսակ | տաճար |
| Երկիր |  Ռուսաստան |
| Տեղագրություն | Տացինսկայա |
| Դավանանք | ուղղափառություն |
| Հիմնական ամսաթվերը | 1993 |
| Հիմնադրված | 1993 |
 | |
 | |
| blag-ud.cerkov.ru | |
Սուրբ Աստվածածնի ծննդյան եկեղեցի (ռուս.՝ Церковь Рождества Пресвятой Богородицы), ուղղափառ տաճար Ռուսաստանի Դաշնության Ռոստովի մարզի Տացինսկայա ստանիցայում[1]։ Ենթարկվում է Ռուս Ուղղափառ եկեղեցու Վոլգոդոնսկի և Սալսկի թեմի Ուստ-Դոնեցկի գործակալությանը։
Հասցեն`Ռոստովի մարզ, Տացինսկի շրջան, Տացինսկայա ստանիցա, Կալինինի հրապարակ։
Պատմություն[խմբագրել | խմբագրել կոդը]
 Արտաքին պատկերներ
| |
|---|---|
|
Եկեղեցու լուսանկարը |
|
|
Ներքին տեսքը |
Մինչև 1917 թվականի Հոկտեմբերյան հեղափոխությունը գյուղում եղել է երկու տաճար։ Երկուսն էլ ավերվել են մինչև պատերազմը. 1930-ական թվականների սկիզբին քանդվել է Սուրբ Նիկողայոս եկեղեցին, իսկ 1937 թվականին քանդել են նաև երկրորդ տաճարը` տեղը դնելով փայտե ժամանակավոր եկեղեցի, որը շուտով վերածվեց հացահատկի պահեստի, իսկ հետո քանդվեց։ 1946 թվականին, օգտագործելով փայտե եկեղեցուց մնացած նյութերը, ստանիցայի բնակիչները կառուցեցին աղոթքի տուն, որտեղ և կատարում էին ժամերգությունները մինչև 1960-ական թվականները։ Խրուշչովյան ժամանակներում փակվեց, իսկ ծուխը հանվեց գրանցումից[2]։
Տացինսկայա ստանիցայի Սուրբ Աստվածածնի ծննդյան ծուխը կրկին գրանցվել է 1989 թվականի նոյեմբերի 9-ին և տեղավորվել է Պեսչանայա, 27 հասցեում գտնվող աղոթքի տանը։ Առաջին հովիվ է դարձել քահանա Վիկտոր Վորոնովը։ Հաջորդ հովվի` ավագ երեց Ալեքսանդր Մինինի օրոք որոշվել է տաճար կառուցել Կալինինի հրապարակում։ Հիմնաքարի օծումը տեղի է ունեցել 1993 թվականի սեպտեմբերի 12-ին։ 1994 թվականին ծխի հովիվ է նշանակվել ավագ երեց Վասիլի Մաշտանովը, որը ստեղծվող տաճարի համար ընտրել է ճարտարապետ Ի. Վ. Գանուսի նախագիծը[3]։
Կառուցված եկեղեցում առաջին ժամերգությունը տեղի է ունեցել 1999 թվականի սեպտեմբերի 21-ին։ 2003 թվականին տաճարում կատարվել են ներքին և արտաքին հարդարման աշխատանքներ, պատրաստվել է պատկերակալ[2]։ 2010 թվականի մայիսի 21-ից եկեղեցու հովիվ է քահանա, երեց Ռոստիսլավ Սագինաշվիլին[4]։
Եկեղեցին գտնվում է Կալինինի հրապարակ, 42 հասցեով[5]։
Մինչև այս տաճարի կառուցումը Տացինսկի շրջանում ավելի քան կես դար չի եղել ոչ մի գործող եկեղեցի, բացի նախապատերազմյան տարիներին քանդված Կարպովո-Օբրիվսկի գյուղի Աստվածածնի «Օդիգիտրիա» սրբապատկերի եկեղեցուց։