Սիկատիվներ, լաքաներկային նյութերի՝ օլիֆի, յուղաներկի և ձիթալաքի չորացումն արագացնելու համար կիրառվող նյութեր։ Սիկատիվները լաքաներկային նյութերին են ավելացնում խիստ որոշակի քանակությամբ (ներկի կամ օլիֆի զանգվածի 2-3%-ից ոչ ավելի)։ Ձեթերի ու թթվածնի մասնակցությամբ ընթացող պոլիմերումն («չորացում») արագացնող կատալիզատորներ են, ըստ քիմիական կազմի կապարի, մանգանի, կոբալտի (երբեմն՝ ցիրկոնիումի և այլ մետաղների), ճարպաթթուների, բևեկնի, խեժաթթուների, նաֆթենաթթվի, էթիլհեքսանաթթվի աղեր են։ Հաճախ օգտագործվում են երկու և ավելի մետաղների կամ թթուների աղերի խառնուրդները։ Սիկատիվները լուծվում են ձեթերում և օրգանական լուծիչներում՝ տաքացնելիս։ Թողարկվում են փոշու, մածուկի կամ լուծույթի ձևով։
Այս հոդվածի կամ նրա բաժնի որոշակի հատվածի սկզբանական տարբերակը վերցված էՏնային տնտեսության հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 369)։
