Սերգեյ Մուրավյով-Ապոստոլ

Վիքիպեդիայից՝ ազատ հանրագիտարանից
Սերգեյ Մուրավյով-Ապոստոլ
Sergei Ivanovich Muraviev-Apostol.jpg
Ծնվել է հոկտեմբերի 9, 1796({{padleft:1796|4|0}}-{{padleft:10|2|0}}-{{padleft:9|2|0}})
Ծննդավայր Սանկտ Պետերբուրգ, Ռուսական կայսրություն
Մահացել է հուլիսի 25, 1826({{padleft:1826|4|0}}-{{padleft:7|2|0}}-{{padleft:25|2|0}}) (29 տարեկանում)
Մահվան վայր Սանկտ Պետերբուրգ, Ռուսական կայսրություն
Քաղաքացիություն Ռուսական կայսրություն
Մասնագիտություն զինծառայող
Ծնողներ հայր՝ Ivan Muravyov-Apostol, մայր՝ Q15074215?
Sergei Ivanovich Muraviev-Apostol Վիքիպահեստում

Սերգեյ Մուրավյով-Ապոստոլ (հոկտեմբերի 9, 1796({{padleft:1796|4|0}}-{{padleft:10|2|0}}-{{padleft:9|2|0}}), Սանկտ Պետերբուրգ, Ռուսական կայսրություն - հուլիսի 25, 1826({{padleft:1826|4|0}}-{{padleft:7|2|0}}-{{padleft:25|2|0}}), Սանկտ Պետերբուրգ, Ռուսական կայսրություն), դեկաբրիստ, փոխգնդապետ։

Գործունեություն[խմբագրել | խմբագրել կոդը]

Մասնակցել է 1812 թվականի Հայրենական պատերազմին և ռուս բանակի 1813-1814 թվականների արտասահմանյան արշավանքներին։ Դեկաբրիստների «Փրկության միության» հիմնադիրներից էր, «Բարօրության միության» հիմնական վարչության անդամ։ 1820 թվականին Սեմյոնովյան գնդում ապստամբությունից հետո, որտեղ Մուրավյով-Ապոստոլը վաշտի հրամանատար էր, տեղափոխվել է Չեռնիգովյան հետևակային գունդ։ 1822 թվականից դեկաբրիստների Հարավային ընկերության կազմում էր։ 1825 թվականին Մ․ Բեստուժև-Ռյումինի հետ միավորել է Հարավային և Միացյալ սլավոնների ընկերությունները։ Մուրավյով-Ապոստոլը հայացքներով հանրապետական էր և ճորտատիրության հակառակորդ։ 1823-1825 թվականների ընթացքում առաջադրել է բանակում զինված ապստամբության մի շարք ծրագրեր, հանգել է ցարին սպանելու անհրաժեշտության գաղափարին, հեղափոխական պրոպագանդա է ծավալել զինվորների շրջանում։ 1825 թվականի նոյեմբերին նշանակվել է Հարավային ընկերության 3-րդ տնօրեն, նախապատրաստել ապստամբություն Ռուսաստանի հարավի զորամասերում։ Տեղեկանալով 1825 թվականի դեկտեմբերի 14-ին Պետերբուրգի Սենատի հրապարակում ապստամբության անհաջողության մասին, դեկտեմբերի 29-ին կազմակերպել և գլխավորել է Չեռնիգովյան գնդի ելույթը։ Ծանր վիրավոր գերվել է։ Կախաղան է բարձրացվել ապստամբության ղեկավար դեկաբրիստների հետ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 96 CC-BY-SA-icon-80x15.png