Սեպագիր սալիկ՝ Ռուսայի՝ Ռուսա որդու նամակը
 | |
|---|---|
| Հայաստանի պատմության թանգարան | |
| նյութ | Կավ |
| ստեղծման վայր | Կարմիր բլուր |
Սեպագիր սալիկ՝ Ռուսայի՝ Ռուսա որդու նամակը, Հայաստանի պատմության թանգարանի ցուցանմուշներից, որը թվագրվում է մ․թ․ա․ 6-րդ դարի վերջին քառորդով։ Գտնվել է Կարմիր բլուրի պեղումներից։
Նկարագրություն[խմբագրել | խմբագրել կոդը]
Ուղղանկյունաձև թրծած կավե սալիկը 10 տող սեպագիր արձանագրությամբ նամակ է, որը հասցեագրված է ոմն պաշտոնյայի, որի տիտղոսն է «կնիքի պահապան»։ Այս պաշտոնյային հրամայվում է ավագ հովիվ Կուլուի միջոցով գտնել ստրուկ Թաթային, որը փախցրել է տիրուհու աղջկան և չի ցանկանում կամավոր վերադարձնել։ Հրամայվում է գտնել առևանգողին և աղջկան վերադարձնել տիրոջը։ Նամակը ավարտվում է ուրարտական գլանաձև կնիքի երկու դրոշմվածքներով։ Ժապավենաձև դրոշմվածքի վրա մեկ տող արձանագրություն է. «Ռուսայի՝ Ռուսայի որդու, թագուհու որդու կնիքը»։ Արձանագրության տակ պատկերված է կենաց ծառ, որի երկու կողմերում կանգնած են առյուծի մարմնով և թռչունի գլխով թևավոր առեղծվածային էակներ՝ ձեռքերում դույլիկներ բռնած։ Երկրորդը կնիքի շրջանաձև դրոշմվածքն է` թևավոր ձիու պատկերով։ Ընդ որում, ձին դրոշմված է գլխիվայր[1]։
Ծանոթագրություններ[խմբագրել | խմբագրել կոդը]
- ↑ Սեպագիր սալիկ՝ Ռուսայի՝ Ռուսա որդու նամակը. Երևան: Հայաստանի պատմության թանգարան. 2018. էջ 110.