Ռոքվելի մեթոդ

Ռոքվելի Մեթոդ, 20 դարի ամերիկացի մետալուրգ Ս․ Պ․ Ռոքվելի անունով] նյութերի կարծրությունը որոշելու եղանակ, կատարվում է փորձարկվող մակերևույթի վրա գագաթի 120° անկյուն ունեցող ալմաստե ինդենտորով կամ 1/16" կամ 1,588 մմ տրամագծով պողպատե մխված գնդիկով ներճնշելով։ Ըստ Ռոքվելի՝ կարծրությունը չափվում է պայմանական միավորներով։ Որպես կարծրության միավոր ընդունված է այն մեծությունը, որը համապատասխանում է ծայրապանակի 0,002 մմ-ով առանցքային տեղաշարժին։ Ըստ Ռոքվեի մեթոդի փորձարկումը կատարում են սեղանի վրա տեղադրված հատուկ սարքերով, որոնք ունեն փորձարկումից անմիջապես հետո կարծրության թիվը ցույց տվող ինդիկատոր։

Տես նաև

• Վիքերսի մեթոդ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 709)։