Ռոման Պողոսյան
- Վիքիպեդիայում կան հոդվածներ Պողոսյան ազգանունով այլ մարդկանց մասին։
| Ռոման Պողոսյան | |
|---|---|
| 1979-2016 | |
| Ծննդավայր | Հադրութի շրջանի Դուդուկչի գյուղ |
| Մահվան վայր | Ջրականի զորամաս |
| Քաղաքացիություն | հայ |
| Ծառայության տարիներ | 1998-2016 |
| Կոչում | փոխգնդապետ |
| Հրամանատարն էր | դասակի |
| Մարտեր/ պատերազմներ | Արցախա-ադրբեջանական ռազմական գործողություններ |
| Պարգևներ | «Մարտական խաչ» առաջին աստիճանի շքանշան |
Ռոման Պողոսյան, ապրիլյան քառօրյա պատերազմի հերոս, փոխգնդապետ։
Կենսագրություն[խմբագրել | խմբագրել կոդը]
Ռոման Պողոսյանը ծնվել է 1979 թվականի ապրիլի 12-ին, Արցախի Հադրութ շրջանի Դուդուկչի գյուղում։ Դպրոցը վերջացնելուց հետո, 1998 թվականին ծառայության մեջ առաջխաղացման կարգով ստացել է լեյտենանտ զինվորական կոչումը և նշանակվել է դասակի հրամանատար։ 1999 թվականին հետագա ծառայությունը շարունակելու նպատակով տեղափոխվել է ուրիշ զորամաս և նշանակվել է հրետանային դիվիզիոնում՝ որպես մարտկոցի ավագ սպա։ 2000 թվականին լավ ծառայության համար շնորհվել է ավագ լեյտենանտի զինվորական կոչում և նշանակվել որպես մարտկոցի հրամանատար։ Այնուհետև նշանակվել է հրետանու շտաբի պետ, միաժամանակ ստացել է մայոր զինվորական կոչում, ավելի ուշ՝ դիվիզիոն հրամանատար։ 2009 թվականին տեղափոխվել է այլ զորամաս՝ որպես հրետանային դիվիզիոն հրամանատար։ 2011 թվականին նշանակվել է հրետանու բաժանմունքի պետ։ 2013 թվականին սովորել է և գերազանց ավարտել ՌԴ Սանկտ Պետերբուրգի Միխայիլովի անվան ռազմական ակադեմիան ոսկե մեդալով։ 2015 թվականին ակադեմիան ավարտելուց հետո նշանակվել է ՊԲ զորամասերից մեկում՝ որպես հրետանու բաժանմունքի պետ[1]։
Մարտական գործողություններ[խմբագրել | խմբագրել կոդը]
Ապրիլի 2-ին Հադրութում ադրբեջանական կողմը լայնածավալ ռազմական գործողություններ է սկսում սահմանագծում։ Մինչև ապրիլի 10-ը Ռոման Պողոսյանը համարվել է անհետ կորած։ Ապրիլի 11-ին Կարմիր խաչի միջազգային կոմիտեի միջոցով զոհվածների մարմինների փոխանակում է կատարվել, և պարզվել է, որ Ռոման Պողոսյանը զոհվածների մեջ է եղել, նրա մարմինը 18 զոհվածների մարմինների հետ հանձնվել է հայկական կողմին[2]։
Մրցանակներ[խմբագրել | խմբագրել կոդը]
- «Մարտական խաչ» առաջին աստիճանի շքանշան
Հուղարկավորություն[խմբագրել | խմբագրել կոդը]
Հոգեհանգիստը տեղի է ունեցել 2016 թվականի ապրիլի 12-ին ժամը 18:00-ին, իսկ հուղարկավորությունը՝ 2016 թվականի ապրիլի 13-ին, ժամը 13:00-ին Հադրութի շրջանի՝ Դուդուկչի գյուղի եկեղեցում։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- Զոհված փոխգնդապետի ընտանիքը Արխիվացված 2017-03-20 Wayback Machine