Ռադիոկենսաբանություն

Վիքիպեդիայից՝ ազատ հանրագիտարանից

Ռադիոկենսաբանություն, գիտությունը ուսումնասիրում է բոլոր տեսակի իոնացնող ճառագայթների ազդեցությունը կենդանի օրգանիզմների, նրանց համակեցությունների և ամբողջությամբ կենսոլորտի վրա։ Ռադիոկենսաբանությունը սահմանակցվում է էլեկտրամագնիսական ալիքների կենսաբանական ազդեցություններն ուսումնասիրող գիտությունների հետ, սակայն նրանցից տարբերվում է իր առանձնահատկություններով, որոնք պայմանավորված են իոնացնող ճառագայթների՝ մասնիկներ, էլեկտրոններ, պոզիտրոններ, ավելի մեծ էներգիայով, ճառագայթահարվող օբյեկտի խորքը մասնիկների թափանցելու և նրա բոլոր կառուցվածքների վրա ազդելու կարողությամբ։ Իոնացնող ճառագայթների կենսաբանական ազդեցության ուսումնասիրություններն սկսվել են ռենտգենյան Ճառագայթների (1895), ռադիոակտիվության (1896) ռադիումի (1898) հայտնագործումներից անմիջապես հետո։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png