Ջուղայի քաղաքային բաղնիք

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Ջուղայի քաղաքային բաղնիք
Գտնվում էՋուղա, Ջուղայի շրջան, Նախիջևան, Ադրբեջան
Կառուցվել է16-րդ դար
Շինության ձևըգմբեթավոր, կամարակապ
Կառուցել էԽոջա Խաչիկ
Ներկա վիճակըԱվերված

Ջուղայի քաղաքային բաղնիք, պատմամշակութային արժեք ներկայացրած քաղաքային բաղնիք ներկայիս Ադրբեջանի Հանրապետության կազմում գտնվող Նախիջևանի Ինքնավար Հանրապետության Ջուղայի շրջանի վարչական կենտրոն Ջուղա քաղաքում։ Ներկայում ավերված է[1]։

Տեղադրություն[խմբագրել | խմբագրել կոդը]

Քաղաքային բաղնիքը գտնվել է Ջուղայի աշխարհահռչակ քաղաքային գերեզմանատան և Արաքս գետի ափամերձ տարածքի շրջակայքում[1]։

Պատմություն[խմբագրել | խմբագրել կոդը]

Բաղնիքն ամենայն հավանականությամբ կառուցվել է 16-րդ դարում, քանի որ տարածված ավանդության համաձայն այն վերագրվում է Ջուղայի քաղաքապետ խոջա Խաչիկին[1]։

1875 թվականին կատարած իր ճանապարհորդության ժամանակ հուշարձանը նկարագրել է Քաջբերունին՝ պատկերելով նաև բաղնիքի հորինվածքը[1][2]։

Նկարագրություն[խմբագրել | խմբագրել կոդը]

Քաղաքային բաղնիքը ունեցել է բավականին հետաքրքիր հորինվածք։ Կառուցվել է կրաշաղախով։ Գմբեթավոր բաղնիքի նախասրահը երեք դռնով բացվել է դեպի Արաքս գետը։ Նախասրահը միակ կամարաձև դռնով միացված է եղել կամարակապ շեմին, որի ծայրում եղել են փոքր սենյակներ։ Դրանք հավանաբար ծառայել են հագուստը փոխելու համար։ Շեմից եղել է մուտք դեպի կամարակապ լողարանի մեծ սենյակ, որի գմբեթի վրա եղել են փոքրիկ պատուհաններ։ Լողարանի անկյուններում եղել են փոքրիկ կամարակապ սենյակներ։ Ետևի մասում՝ կամարակապ շինության մեջ, գտնվել է ջրի ամբարը, հնոցը և այլ անհրաժեշտ կառույցներ[1][2]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Արգամ Այվազյան, Ջուղա, «Սովետական գրող» հրատարակչություն, Երևան - 1984 թվական, էջ 29։
  2. 2,0 2,1 Քաջբերունի, Ճանապարհորդական նկատողությունք, «Փորձ», N 2, թԻՖԼԻՍ, 1877-1878 թվականներ, էջ 354։