Ջիվան Հաջո

Ջիվան Հաջո
Ծնվել է	օգոստոսի 17, 1957(1957-08-17) (65 տարեկան)
Ծննդավայր	Ալ-Կամիշլի, Սիրիա
Քաղաքացիություն	Սիրիա
Մասնագիտություն	հեղինակ-կատարող և ստուդիական երաժիշտ

Ջիվան Հաջոն (Ciwan Haco, օգոստոսի 17, 1957(1957-08-17), Ալ-Կամիշլի, Սիրիա), քուրդ արվեստագետ ու երաժիշտ է։

Կենսագրություն

Ծնվել է 1957 թվականին Սիրիայի Քամիշլի քաղաքի մոտ գտնվող Թիրբեսփի քաղաքում։ Առաջին ստեղծագործությունները թողարկել է 14 տարեկանում։ 17 տարեկանում տվել է առաջին համերգը մեծ բեմի վրա։

1979 թվականին մեկնելով Գերմանիա և 3 տարի Բոխումի Ռուր համալսարանում երաժշտագիտություն ուսումնասիրելով՝ Հաջոն սկսեց քրդական ազգային երաժշտությամբ մեծապես ազդված իր գործեր ներմուծել արևմտյան երաժշտության տարրեր։ Հետո Նորվեգիայում շարունակեց համագործակցել եվրոպացի արվեստագետների հետ (Պաոլո Վինաչա - հարվածայիններ, Շտայն Բուլլ-Հանսսեն – էլեկտրոգիթառ, Բյուգգե Վեսելթոֆթ - ստեղնաշարեր, Բենդիք Հոֆսեթ - սաքսոֆոն), որտեղ էլ 1991 թվականին ստորագրեց իր առաջին պաշտոնական ձայնագրային պայմանագիրը։

Հաջոն տարիների ընթացքում անդրադարձել է կյանքի զանազան կողմերի ու խնդիրների՝ սիրո թեմաներից (Can, Emina) մինչև քաղաքական հարցեր (Girtiyen Azadiye, Filistin, Peşmerge, Leşker)։ Գրել է երգեր նաև քուրդ բանաստեղծների ստեղծագործությունների հիման վրա (Hevala Evindar, հեղինակ՝ Ջիգերխուն, Gula Sor, հեղինակ՝ Կեդրի Ջան [1])։

1999 թվականին հանդիպել է ազգությամբ իսլանդուհի ապագա կնոջը, որի հետ ունեն երկու երեխա։ Այժմ ապրում է Շվեդիայում։

Ալբոմների ցանկ

• Emîna Emîna (1970)
• Pêşmerge (1979)
• Diyarbekîr (1981)
• Gûla Sor (1983)
• Leyla (1985)
• Girtîyên Azadîyê (1987)
• Çaw Bella (1989)
• Sî û Sê Gule (1991)
• Dûrî (1994)
• Bilûra Min (1997)
• Destana Egîdekî (1998)
• Derya (2003)
• Konsera Batmanê (2003)
• Na Na (2004)
• Off (2006)
• Veger (2012)

Ֆիլմեր

2007 թվականին նկարահանվել է քուրդ ռեժիսոր Հիներ Սալեեմի Դոլ (քրդերեն՝ Հովիտ) ֆիլմում [2]:
Ֆրանկոգերմանական Arte ալիքը Ջիվան Հաջոյի մասին նկարել է վավերագրական ֆիլմ [3]

Արտաքին հղումներ

• Հաջոյի պաշտոնական կայքը (չաշխատող հղում)
• ֆիլմը vimeo կայքում