Պրեյսիշ Էյլաու դղյակ

Վիքիպեդիայից՝ ազատ հանրագիտարանից
Jump to navigation Jump to search
Coa Illustration Elements Building Castle.svg
Պրեյսիշ Էյլաու դղյակ
Замок Прейсищ-Эйлау (Багратионовск).jpg
Տեսակդղյակ և ՌԴ մշակութային ժառանգության օբյեկտ
Վարչական միավորBagrationovsk?
ԵրկիրFlag of Russia.svg Ռուսաստան
Կառուցված1325
Կոորդինատներ: 54°23′15.3384001″ հս․ լ. 20°37′17.047200099999″ ավ. ե. / 54.387594000028° հս․. լ. 20.62140200002777846° ավ. ե. / 54.387594000028; 20.62140200002777846
Preußisch Eylau Castle Վիքիպահեստում

Պրեյսիշ Էյլաու դղյակ (ռուս.՝ Замок Прейсиш-Эйлау), ժամանակակից Բագրատիոնովսկում գտնվող Տևտոնական միաբանության դղյակ: Կալինինգրադի մարզային կառավարության 2007 թվականի մարտի 23-ի որոշմամբ Պրեյսիշ Էյլաուն ստացավ տարածաշրջանային նշանակության մշակութային ժառանգության օբյեկտի կարգավիճակ:

Պատմություն[խմբագրել | խմբագրել կոդը]

1325 թվականին Տևտոնական միաբանության մեծ վարպետ Վերներ ֆոն Օրզելնի հրամանով վարպետ Առնոլդ ֆոն Էյլենշտայնը Իլում սկսեց դղյակի շինարարությունը, պրուսական Սուտվրիտ ամրոցի տեղում: Շինարարությանը պետք է հետևեր կոմտուրմ Բալգի Դիտրիխ ֆոն Ալտենբուրգը: Պատվարը և ջրաղացը կառուցելուց հետո ասպետները արհեստականոեն բարձրացրին ջրի մակարդակը՝ գետում ստեղծելով կղզի դղյակով: 1330 թվականին դղյակը կառուցվեց քառանկյան տեսքով՝ 41 մ х 43 մ չափերով, շրջապատված ջրով, բացվող կամրջով և ցանկապատով դարպասներով: Արևելյան կողմում կառուցվեց մեծ ֆորբուրգ: Նախապես դղյակը կոչվում էր «Իլե», հետո Իլադիա, բայց «Պրեյսիշ-Իլով» (Պրեյսիշ-էյլաու) անվանումը մնայուն էր: Մինչև 1347 թվականը դղյակը համարվում էր միաբանության նստավայրը, այնուհետև այնտեղ տեղակայվեց կամմերատի վարչակազմը: Երկրորդ համաշխարհային պատերազմի ժամանակ դղյակը լուրջ վնասներ չկրեց, և մինչև 1960-ական թվականների սկիզբը բնակելի տարածքները շահագործվում էին: 1961 թվականից դղյակը հատկացվեց շրջանային սպառողական կոպերացիային, որն էլ տարածքը օգտագործում էր որպես պահեստ: 1964 թվականին գիտական վերականգնողական արհեստանոցի աշխատակիցները հետազոտեցին դղյակի ողջ տարածքը: Դղյակը շատ վատ վիճակում էր, քանի որ պատերազմից հետո ոչ մի անգամ չէր վերանորոգվել: Արևմտյան կողաշենքում տեղակայվել էր հրաձգարան, որը 1990-ական թվականներին քանդվեց: Պահպանված ֆորբուրգում տանիքը սկսեց փտել, 1989 թվականին անցքեր առաջացան, 1990 թվականի օգոստոսին միջին հատվածում հրդեհ բռնկվեց: 1990-ական թվականների սկզբին որոշում ընդունվեց աննշան պեղումներ իրականացնել և ֆորբուրգը վերակառուցել որպես հյուրանոց իր բարով, սակայն վերջին փուլում այն մնաց բարձիթողի վիճակում:

2016 թվականի հունիսի 5-ին դղյակի տանիքում հրդեհ բռնկվեց, որի հետևանքով այրվեց 80 քառակուսի մետր տարածք:

Պատկերասրահ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]