Պետրոպավլովսկայա եկեղեցի (Կիսլովսկոե)

Վիքիպեդիայից՝ ազատ հանրագիտարանից
Jump to navigation Jump to search
Պետրոպավլովսկայա եկեղեցի
Հիմնական տվյալներ
Տեսակտեսարժանություն, Մշակութային ժառանգություն, եկեղեցի և ՌԴ մշակութային ժառանգության օբյեկտ
ԵրկիրՌուսաստան Ռուսաստան
ՏեղագրությունԿիսլովսկոե
ԹեմԿամենսկի թեմ
Ժառանգության կարգավիճակՌԴ մշակութային ժառանգության օբյեկտ
Կոորդինատներ: 56°31′28.200000100012″ հս․ լ. 61°33′28.400400100011″ ավ. ե. / 56.52450000002777841° հս․. լ. 61.55788900002777808° ավ. ե. / 56.52450000002777841; 61.55788900002777808

Սուրբ Ամենաբարձրյալ առաքյալներ Պողոսի և Պետրսի եկեղեցի (ռուս.՝ Церковь Святых Первоверховных Апостолов Петра и Павла), ռուս ուղղափառ եկեղեցու Կամենսկի թեմի վանք Սվերդլովսկի մարզի Կամենսկի քաղաքային օկրուգի Կիսլովսկոե գյուղում[1]:

Սվերդլովսկի մարզային կառավարության 2001 թվականի № 859-ПП որոշմամբ եկեղեցուն շնորհվել է տարածաշրջանային նշանակության հուշարձանի կարգավիճակ[2]:

Պատմություն[խմբագրել | խմբագրել կոդը]

Առաջին փայտե եկեղեցին Կիսլովսկում կառուցվել է 1746 թվականին, օծվել է Տոբոլսկի միտրոպոլիտ Անտոնիայի օրհնությամբ և կոչվել Սուրբ ամենաբարձրյալ առաքյալներ Պողոսի և Պետրոսի անվամբ: Վանքի հին փայտե շինությունը հատկացվել է Շադրինսկի շրջանի Ուլուգուշսկ գյուղին[3]:

1832 թվականին ծխականների հանգանակությամբ, տեղաբնակ շինարար Մովսես Տիխոնով Մելնիկովի ակտիվ մասնակցությամբ և սեփական միջոցների ներդրմամբ կառուցվեց քարե եռաբեմ եկեղեցի: Գլխավոր եկեղեցին օծվել է Պերմի եպիսկոպոս Արկադի սրբազանի օրհնությամբ 1846 թվականի հունիսի 29-ին[4]:

1879-1882 թվականներին եկեղեցին վերակառուցվեց, սկզբում ջեռուցվեց աջ կողմի մատուռը, որը օծվեց Եկատերինբուրգի եպիսկոպոս Մոդեստի օրհնությամբ 1879 թվականի նոյեմբերի 11-ին տեառնընդառաջի տոնի պատվին, այնուհետև ձախ մատուռը, որը դարձյալ օծվեց Եկատերինբուրգի եպիսկոպոս Մոդեստի օրհնությամբ 1882 թվականի հունիսի 29-ին, Սուրբ Ասվածածնի տոնի պատվին: 20-րդ դարի սկզբում գլխավոր տաճարում կային քառաշարք ոսկեզօծ փորագրությամբ սրբապատկերներ, տաճարի ներքին պատերը ներկված էին յուղաներկով, իսկ միջնամասում և զոհասեղանին գեղանկարչական պատկերներ էին արված:

Եկեղեցու կցաշենքում պատերը սվաղված և սպիտակեցված էին կրաքարով, իսկ զոհասեղանը ներկված էր սոսնձային ներկով: Դրսից ամբողջ եկեղեցին սվաղված և սպիտակեցված էր և երկաթով պատված: Գլխավոր տաճարում 1888 թվականին թագավորական դարպասները փոխարինվեցին նորերով, տեղական սրբապատկերները վերանկարվեցին, մյուսները նորացվեցին, ոսկեզօծված սրբապատկերները մաքրվեցին, իսկ եկեղեցին զարդարվեց որմնանկարային գեղանկարչությամբ: Եկեղեցում պահպանվել է 1788 թվականի գահական արծաթե խաչը: Բացի եկեղեցական կանոնադրությամբ սովորաբար իրականացվողներից ծխական համայնքում գոյություն ունի երկու խաչի թափոր, ամեն տարի օգոստոսի 6-ին կազմակերպվում է երթ դեպի նախկին փայտե եկեղեցուց ոչ հեռու գտնվող խաչը և Համբարձման օրը դեպիԿունգուրսկ գյուղի մոտ գտնվող խաչը[3][4]:

Տաճարը փակվել է 1937 թվականին, իսկ 1990 թվականին վերադարձվել է Ռուսական ուղղափառ եկեղեցուն[5][6]:

Ծանոթագրություններ[խմբագրել | խմբագրել կոդը]

  1. «Петро-Павловская церковь, 1832-1846 годы»։ semantic.uraic.ru (ռուսերեն)։ Электронная семантическая библиотека։ Վերցված է 2018-04-20 
  2. «Постановление Правительства Свердловской области № 859-ПП от 28 декабря 2001 года»։ docs.cntd.ru (ռուսերեն)։ Электронный фонд правовой и нормативно-технической документации։ Արխիվացված է օրիգինալից 2018-04-13-ին։ Վերցված է 2018-04-13 
  3. 3,0 3,1 Приходы и церкви Екатеринбургской епархии. — Екатеринбург: Братство Св. Праведного Симеона Верхотурского Чудотворца, 1902. — С. 647.
  4. 4,0 4,1 «Кисловский храм»։ k-ur.ru (ռուսերեն)։ Каменск-Уральский интернет портал։ Վերցված է 2018-04-20 
  5. «В Петропавловском храме села Кисловское восстанавливаются фрески, которым больше 200 лет.»։ orthodox-newspaper.ru (ռուսերեն)։ ПРАВОСЛАВНАЯ ГАЗЕТА։ Վերցված է 2018-04-20 
  6. Рундквист Н., Задорина О. Свердловская область. От А до Я: Иллюстрированная краеведческая энциклопедия. — Екатеринбург: Квист, 2009. — С. 456. — ISBN 978-5-85383-392-0