Պավել Չեբանու

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Պավել Չեբանու
Քաղաքացիությունը Flag of the Soviet Union.svg ԽՍՀՄ
Ծննդյան ամսաթիվ մարտի 28, 1955(1955-03-28) (64 տարեկան)
Ծննդավայր Ռենի, Օդեսայի մարզ, Ուկրաինական ԽՍՀ, ԽՍՀՄ
Մասնագիտական կարիերա*
Տարի Ակումբ Խաղ (Գոլ)
1972-1986 Խորհրդային Սոցիալիստական Հանրապետությունների Միություն Նիստրու 341 (45)
Մարզչական կարիերա
1990-1991 Խորհրդային Սոցիալիստական Հանրապետությունների Միություն Նիստրու
Մոլդովա Սպերանցա (Նիսպորենի)
Մոլդովա Ամոկոմ
Ռումինիա Օլիմպիա (Սատու Մարե)
* Մասնագիտական կարիերայում ընդգրկված են միայն առաջնության խաղերը և գոլերը:

Պավել Չեբանու (ռում.՝ Pavel Cebanu, մարտի 28, 1955(1955-03-28), Ռենի, Օդեսայի մարզ, Ուկրաինական ԽՍՀ, ԽՍՀՄ), մոլդովացի նախկին ֆուտբոլիստ։ 1997 թվականի փետրվարի 1-ից Մոլդովայի ֆուտբոլի ֆեդերացիայի նախագահն է[1]։ 2003 թվականի նոյեմբերին, երբ նշվել է ՈՒԵՖԱ-ի հոբելյանը, Չեբանուն Մոլդովայի ֆուտբոլի ֆեդերացիայի կողմից ընտրվել է Մոլդովայի ոսկե խաղացող՝ որպես նախորդ 50 տարիների լավագույն ֆուտբոլիստ[2]։

Կարիերա[խմբագրել | խմբագրել կոդը]

Ակումբային[խմբագրել | խմբագրել կոդը]

Պավել Չեբանուն իր ամբողջ կարիերան անցկացրել է Քիշնևի «Նիստրու» ակումբում և երկար տարիներ եղել է թիմի ավագը։ Չեբանուի խաղի շնորհիվ Քիշնևի ակումբը երկար ժամանակ հաջողությամբ ելույթ է ունեցել ԽՍՀՄ Առաջին լիգայում։ Չեբանուն թիմի կազմում անցկացրել է ընդհանուր առմամբ 341 խաղ և խփել 45 գոլ[3]։ Երբեք չի ընդգրկվել ԽՍՀՄ հավաքականում։

Մարզչական[խմբագրել | խմբագրել կոդը]

1990 թվականին դարձել է իր նախկին ակումբի մարզիչ, սակայն երկար չի աշխատել և 1991 թվականին հեռացել է թիմից։ Երկար ժամանակ մարզել է Մոլդովայի ու Ռումինիայի փոքր ակումբներ՝ «Սպերանցա» (Նիսպորենի)[4], «Օլիմպիա» (Սատու Մարե), «Ամոկոմ» (Քիշնև)[5]։

Ֆունկցիոներ[խմբագրել | խմբագրել կոդը]

1997 թվականի փետրվարի 1-ին դարձել է Մոլդովայի ֆուտբոլի ֆեդերացիայի նախագահ։ 2013 թվականին վերընտրվել է նույն պաշտոնում[6]։ Զբաղեցնում է նաև ՈՒԵՖԱ ֆուտբոլի կոմիտեի փոխնախագահի պաշտոնը[7]։ 2015 թվականի ապրիլին արժանացել է Մոլդովայի Հանրապետության բարձրագույն պարգևին՝ Հանրապետության շքանշանի[8]։

Պարգևներ[խմբագրել | խմբագրել կոդը]

  • Մոլդովայի լավագույն ֆուտբոլիստ վերջին 50 տարում
  • ԽՍՀՄ սպորտի վարպետ – 1984
  • «Աշխատանքային փառքի» շքանշան[7]
  • Om Emerit («Ձեռքբերումների համար») պատվավոր կոչում[7]
  • Հանրապետության շքանշան (2015)[9]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]