Ուիլյամ Կատոնիվերե
| Ուիլյամ Կատոնիվերե | |
| |
| Կուսակցություն՝ | Fiji First Party? |
|---|---|
| Մասնագիտություն՝ | քաղաքական գործիչ |
| Ծննդյան օր | ապրիլի 20, 1964 (60 տարեկան) |
| Ծննդավայր | Սուվա, Ֆիջի |
| Քաղաքացիություն |  Ֆիջի
|
Ռատու Ուիլյամ Մաիվալիլի Կատոնիվերե (անգլ.՝ Wiliame Katonivere, ապրիլի 20, 1964, Սուվա, Ֆիջի), քաղաքական գործիչ Ֆիջիից, 2021 թվականի նոյեմբերի 12-ից ի վեր հանդիսանում է Ֆիջիի նախագահը[1][2]։
Կենսագրություն[խմբագրել | խմբագրել կոդը]
Ուիլյամ Կատոնիվերեն ծնվել է 1964 թվականի ապրիլի 20-ին Սուվայի Կոլոնիալ Վար մեմորիալ հիվանդանոցում՝ Ռատու Սոսո Կատոնիվերեի և Սամանունու Բոտեյվիվի ընտանիքում։ Յոթ եղբայրներից ու քույրերից ամենակրտսերն էր։ Սովորել է Ֆիջիական Դրայբա դպրոցում, այնուհետև ընդունվել է Բուա քոլեջ և ավարտել 1981 թվականին[3]։
Կարիերա[խմբագրել | խմբագրել կոդը]
1984 թվականին Ուիլյամ Կատոնիվեեն միացավ Թագավորական Ֆիջիի զինված ուժերին, որտեղ, որպես UNIFIL-ի (ՄԱԿ-ի ժամանակավոր ուժերը Լիբանանում) մի մաս, մասնակցեl 1 երկու գործողության Մերձավոր Արևելքում[4][5]։ Նա նաև որպես հրամանատար ծառայել է Վանուա Լևուում[6]։ Ունի փոխգնդապետի կոչում։
2013 թվականից նա Մակուատա նահանգի ղեկավարն է՝ հաջորդելով իր ավագ եղբորը՝ Այսեա Կատոնիվերեին[7], և նախկինում մասնակցել է Մեծ ծովային առագաստի պահպանման նախաձեռնություններին[8]։
2020-2021 թվականներին եղել է «Pine» ընկերությունների նախագահը, որը ներառում է «Fiji Pine Limited»-ը, «Tropik Wood Industries Limited»-ը և «Tropik Wood Products Limited»-ը։ Ուիլյամ Կատոնիվերեն նաև «Fiji Airports»-ի, «Fiji Sugar Corporation»-ի և «Rewa Rice Ltd»-ի խորհրդի անդամ է[8][9]։
Ֆիջիի նախագահ[խմբագրել | խմբագրել կոդը]
Նախքան նախագահ դառնալը, Կատոնիվերեն հրաժարական տվեց տնօրենների խորհրդի բոլոր պաշտոններից, որոնք նախկինում զբաղեցնում էր[9][10]։ Ուիլյամ Կատոնիվերը Ֆիջիի առաջին կուսակցության կողմից առաջադրվել է Ֆիջիի նախագահի պաշտոնում վարչապետ Ֆրենկ Մբայնիմարամայի կողմից, մինչդեռ Թեյմումու Կեպային առաջադրվել է Սոցիալ-դեմոկրատական լիբերալ կուսակցության ընդդիմադիր խորհրդարանական կազմակերպիչ Լինդա Տաբույայի կողմից[11][12][13]։ Ուիլյամը կարողացավ ստանալ պատգամավորների մեծամասնության աջակցությունը՝ քվեարկության առաջին փուլում հավաքելով 28 ձայն և հաղթելով Թեյմումա Կեպային։ Սոցիալ-դեմոկրատական լիբերալ կուսակցության ընդդիմադիր պատգամավոր Մոզես Բուլիտավուն նույնպես քվեարկեց Կատոնիվերեի օգտին[14][15]։
2021 թվականի նոյեմբերի 12-ին կայացավ Ուիլյամ Կատոնիվերեի երդմնակալության արարողությունը և նա դարձավ Ֆիջիի վեցերորդ նախագահ՝ հաջորդելով Ջիոջի Կոնրոտեին[6][16]։ Նա այս պաշտոնը ստանձնած ամենաերիտասարդ մարդն է (57 տարեկան), ինչպես նաև Հյուսիսային շրջանի երկրորդ նախագահն է (Պենայա Նգանիլաուից հետո, որը ղեկավարել է երկիրը 1987-1993 թվականներին)։ Ուիլյամը պաշտոնական երդում տվեց Եպելի Նայլատիկաուի խոսնակի առաջ։
Անձնական կյանք[խմբագրել | խմբագրել կոդը]
Ծագումով Մակուատայի (Վանուա Լևու) Նադուրի գյուղից է[17]։ Ամուսնացած է Ֆիլոմենա Կատոնիվերեի հետ։ Զույգն ունի երկու երեխա և երեք թոռ[18]։
Ծանոթագրություններ[խմբագրել | խմբագրել կոդը]
- ↑ «Ratu Wiliame Katonivere set to be Fiji's next president». RNZ (անգլերեն). 2021 թ․ հոկտեմբերի 21. Արխիվացված օրիգինալից 2022 թ․ ապրիլի 5-ին. Վերցված է 2021 թ․ հոկտեմբերի 21-ին.
- ↑ «Ratu Wiliame Katonivere sworn-in as Fiji's new Head of State». FijiTimes (անգլերեն). Արխիվացված օրիգինալից 2021 թ․ նոյեմբերի 12-ին. Վերցված է 2021 թ․ նոյեմբերի 12-ին.
- ↑ «Choice a blessing from God». FijiTimes (անգլերեն). Արխիվացված օրիգինալից 2021 թ․ հոկտեմբերի 26-ին. Վերցված է 2021 թ․ հոկտեմբերի 25-ին.
- ↑ «From canecutter to Fiji's president». FijiTimes (անգլերեն). Արխիվացված օրիգինալից 2021 թ․ նոյեմբերի 14-ին. Վերցված է 2021 թ․ նոյեմբերի 14-ին.
- ↑ Fijivillage. «Ratu Wiliame sworn in as Fiji's new President». www.fijivillage.com (անգլերեն). Արխիվացված օրիգինալից 2021 թ․ նոյեմբերի 12-ին. Վերցված է 2021 թ․ նոյեմբերի 12-ին.
- ↑ 6,0 6,1 «New President sworn in». Fiji Broadcasting Corporation. Արխիվացված օրիգինալից 2021 թ․ նոյեմբերի 12-ին. Վերցված է 2021 թ․ նոյեմբերի 12-ին.
- ↑ Fijivillage. «Ratu Wiliame Katonivere is new Tui Macuata». www.fijivillage.com (անգլերեն). Արխիվացված օրիգինալից 2021 թ․ հոկտեմբերի 21-ին. Վերցված է 2021 թ․ հոկտեմբերի 21-ին.
- ↑ 8,0 8,1 «New President Naupoto Or Ratu Wiliame?» (ամերիկյան անգլերեն). Արխիվացված օրիգինալից 2021 թ․ նոյեմբերի 5-ին. Վերցված է 2021 թ․ հոկտեմբերի 21-ին.
- ↑ 9,0 9,1 «President Elect relinquishes posts». Fiji Broadcasting Corporation. Արխիվացված օրիգինալից 2021 թ․ նոյեմբերի 11-ին. Վերցված է 2021 թ․ նոյեմբերի 11-ին.
- ↑ «Rabuka lauds appointment of Fiji's new head of State». FijiTimes (անգլերեն). Արխիվացված օրիգինալից 2021 թ․ հոկտեմբերի 26-ին. Վերցված է 2021 թ․ հոկտեմբերի 23-ին.
- ↑ «Tui Macuata For President» (ամերիկյան անգլերեն). Արխիվացված օրիգինալից 2021 թ․ հոկտեմբերի 24-ին. Վերցված է 2021 թ․ հոկտեմբերի 22-ին.
- ↑ «Ratu Wiliame is Fiji's new Head of State». Fiji Broadcasting Corporation. Արխիվացված օրիգինալից 2021 թ․ հոկտեմբերի 25-ին. Վերցված է 2021 թ․ հոկտեմբերի 22-ին.
- ↑ Fijivillage. «Ratu Wiliame Katonivere is Fiji's next President». www.fijivillage.com (անգլերեն). Արխիվացված օրիգինալից 2021 թ․ նոյեմբերի 5-ին. Վերցված է 2021 թ․ հոկտեմբերի 23-ին.
- ↑ «Tui Macuata Is President Elect» (ամերիկյան անգլերեն). Արխիվացված օրիգինալից 2021 թ․ հոկտեմբերի 22-ին. Վերցված է 2021 թ․ հոկտեմբերի 23-ին.
- ↑ Fijivillage. «I voted for Ratu Wiliame Katonivere to be the next President to represent the wishes of those that had sent me to Parliament both in 2014 and 2018 - Bulitavu». www.fijivillage.com (անգլերեն). Արխիվացված օրիգինալից 2021 թ․ նոյեմբերի 5-ին. Վերցված է 2021 թ․ հոկտեմբերի 23-ին.
- ↑ «President's inauguration a joyous day for the people of Vanua Levu – Ratu Peni». FijiTimes (անգլերեն). Արխիվացված օրիգինալից 2021 թ․ նոյեմբերի 12-ին. Վերցված է 2021 թ․ նոյեմբերի 12-ին.
- ↑ «New President to be elected today». Fiji Broadcasting Corporation. Արխիվացված օրիգինալից 2021 թ․ նոյեմբերի 2-ին. Վերցված է 2021 թ․ հոկտեմբերի 22-ին.
- ↑ «Chief: Never Dreamt It» (ամերիկյան անգլերեն). Արխիվացված օրիգինալից 2021 թ․ հոկտեմբերի 26-ին. Վերցված է 2021 թ․ հոկտեմբերի 23-ին.