Շտրեյկբրեխերներ

Վիքիպեդիայից՝ ազատ հանրագիտարանից
Jump to navigation Jump to search

Շտրեյկբրեխերներ (գերմ.՝ Streikbrecher, Streik — գործադուլ և brechen — կոտրել, խափանել), գործադուլաբեկ, կապիտալիստական երկրներում այն անձինք, որոնց ձեռնարկատերերն օգտագործում են գործադուլները խափանելու, աշխատավորների արհմիութենական կազմակերպությունները քայքայելու նպատակով։ Հավաքագրվում են ապադասակարգայնացված ու անգիտակից տարրերից, խիստ կարիքավոր գործազուրկներից։ Շտրեյկբրեխերականության տնտեսական հիմքը գործազրկությունն է։ Կապիտալիստական շատ երկրներում, հատկապես ԱՄՆ-ում, գործում են լեգալ կազմակերպություններ, որոնք շտրեյկբրեխերներ են ուղարկում գործադուլավոր ձեռնարկություններին։ Բուրժուական պրոպագանդան շտրեյկբրեխերականությունն արդարացնում է իբր գոյություն ունեցող աշխատանքի ազատությամբ։ Բուրժուական աշխատանքային իրավունքը նախատեսում է շտրեյկբրեխերներին խրախուսելու ակտիվ ձևեր։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 581 CC-BY-SA-icon-80x15.png