Նուրփաշա Կուլաև

Վիքիպեդիայից՝ ազատ հանրագիտարանից
Jump to navigation Jump to search
Նուրփաշա Կուլաև
Ծնվել էհոկտեմբերի 28, 1980(1980-10-28) (39 տարեկան)
ԾննդավայրԷնգենոյ, Նոժայ-Յուրտովսկի շրջան, Ռուսաստան
ՔաղաքացիությունFlag of Russia.svg Ռուսաստան
Մասնագիտությունահաբեկչություն

Նուրփաշա[մ 1] Աբուրկաշևիչ[1] Կուլաև (հոկտեմբերի 28, 1980(1980-10-28), Էնգենոյ, Նոժայ-Յուրտովսկի շրջան, Ռուսաստան), չեչեն ահաբեկիչ։ Կուլաևը միակ ահաբեկիչն է, որը ողջ է մնացել և ձերբակալվել Բեսլանի ահաբեկչական հարձակման ժամանակ։ Դատապարտվել է ցմահ ազատազրկման։

Նուրփաշա Կուլաևի գործը[խմբագրել | խմբագրել կոդը]

Կուլաևը 2004 թվականի սեպտեմբերի 1-ին եղել է Բեսլանի թիվ 1 դպրոցը գրաված ահաբեկչական խմբի կազմում։ Սեպտեմբերի 3-ին դպրոցում տեղի են ունեցել պայթյուններ, որի արդյունքում փրկված պատանդները սկսել են այս ու այն կողմ վազել, իսկ դաշնային ուժերը սկսել են գրոհը։ Կուլաևը փորձել է խառնվել պատանդներին՝ ճաշարանի մուտքի մոտ, որտեղ պատուհանից հանված են եղել ճաղերը, սակայն ձերբակալվել է։

Ակտիվորեն համագործակցել է հետաքննչական մարմինների հետ՝ ահաբեկչության իրական պատճառների բացահայտման գործում։ Կուլաևի գործը առանձին է քննվել, իսկ 2005 թվականի մայիսի 17-ին կանգնել է դատարանի առաջ։ 2006 թվականի մայիսի 26-ին Հյուսիսային Օսեթիայի բարձրագույն դատարանը Կուլաևին մեղավոր է ճանաչել մի քանի հոդվածներով, ներառյալ ահաբեկչություն, գերիների պատանդառություն, երկու և ավելի մարդկանց սպանություն, զենքի անօրինական պատրաստում և իրավապահ մարմինների աշխատակիցների կյանքի նկատմամբ ոտնձգություն[2]։ Կուլաևը դատապարտվեց մահապատժի, բայց քանի որ Ռուսաստանում արգելվել էր մահապատժի կիրառումը, Կուլաևը դատապարտվեց ցմահ ազատազրկման[2]։ Կուլաևը բացակայել է ՌԴ Գերագույն դատարանի կողմից՝ իր դատավճռի վերաբերյալ բողոքների լսումներին, ինչը որոշ մարդկանց մոտ կարծիք է ստեղծել, որ Կուլաևը ողջ չէ, սակայն Դատավճիռների իրագործման դաշնային ծառայությունը հերքեց այս հիպոթեզը[3]։

Կուլաևը իր պատիժը սկսել է կրել Վոլոգդայի մարզի Օգնիննի կղզու բանտում[4], այնուհետ տեղափոխվել է դեպի Բևեռային բու բանտ, որը նախատեսված է ցմահ ազատազրկման դատապարտված հանցագործների համար։ Բանտը գտնվում է Յամալ-Նենեցյան ինքնավար օկրուգի Պրիուրալսկի շրջանի Խարպ գյուղում[5]։ Այստեղ Կուլաևը միևնույն խցում նստել է սերիական մարդասպան Ալեքսանդր Պիչուշկինի հետ։ Տեղափոխվել է ուրիշ խուց, երբ Պիչուշկինը սպառնացել է, որ կսպանի նրան։

Մեկնաբանություն[խմբագրել | խմբագրել կոդը]

  1. Հաճախ կիրառվում են նաև անվան «Նուրփաշի» և «Նուր-փաշի» տարբերակները։ Ինքը Կուլաևը RT հեռուստաընկերության պատրաստած «Նամակներ ահաբեկչին» վավերագրական ֆիլմում ներկայանում է որպես «Նուրփաշի»։

Ծանոթագրություններ[խմբագրել | խմբագրել կոդը]

  1. «Наши дети тоже пострадали»։ Коммерсантъ-Власть։ 12 сентября 2005։ Արխիվացված է օրիգինալից 2017-03-04-ին։ Վերցված է 4 марта 2017 
  2. 2,0 2,1 «69-е заседание по делу Кулаева»։ 26 мая 2006։ Արխիվացված է օրիգինալից 2017-03-07-ին։ Վերցված է 2011-08-08 
  3. «ФСИН опровергла слухи о смерти Кулаева.»։ 2007-01-05։ Արխիվացված է օրիգինալից 2017-03-07-ին։ Վերցված է 2011-03-04 
  4. «Бесланский террорист попал в «Мёртвую зону»»։ 7 августа 2006։ Արխիվացված է օրիգինալից 2017-03-07-ին։ Վերցված է 2015-04-16 
  5. «Специальный корреспондент - Возмездие»։ Իրադարձությունը կատարվել է 01:37։ Վերցված է 23 января 2011 

Արտաքին հղումներ[խմբագրել | խմբագրել կոդը]