Նոր աշխարհ (թերթ, Նյու Յորք)

Նոր աշխարհ;
Տեսակ	պարբերական
Լեզու	հայերեն
Հիմնադրվել է	1926

«Նոր աշխարհ», քաղաքական-հասարակական և գրական շաբաթաթերթ։ Ամերիկայի բանվորական (կոմունիստական) կուսակցության հայկական հատվածի (1926 թվականից), Ամերիկայի բանվորական (կոմունիստական) կուսակցության (1928 թվականից), ապա՝ Ամերիկայի կոմունիստական կուսակցության (1929 թվականից) պաշտոնաթերթ։

Պատմություն[խմբագրել | խմբագրել կոդը]

Լույս է տեսել 1926-1930 թվականներին Նյու Յորքում։ Խմբագիրներն են եղել Պատրիկ Սելյանը, Խաչիկ Քյոսեյանը, Մարտիկ Մարտենցը։

Պարբերականը դարձել է «Պրոլետար» շաբաթաթերթի շարունակությունը։ Հանդես է եկել միջազգային բանվոր-հեղափոխական շարժման օգտին, ամերիկահայ աշխատավորությանը համախմբել բանվորական կուսակցության շուրջ։ Հրապարակել է Կոմինտերնի կոչերը, Ա. Մյասնիկյանի հոդվածները, միջազգային բանվորական շարժման այլ գործիչների ելույթներ և ուղերձներ։ Սփյուռքահայությանը, ՀՕԿ-երին և հայրենակցական միություններին կոչ է արել սատարել հայրենիքի վերաշինությանը։ Գրական բաժնում տեղ են գտել սփյուռքահայ (մասնավորապես՝ ամերիկահայ), խորհրդահայ հեղինակների գեղարվեստական գործեր, հրապարակախոսական, բանասիրական նյութեր։

Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։