Ներարկիչ (պոմպ)

Ներարկիչ, շիթային պոմպ, նախատեսված է գազերը և շոգին սեղմելու, ինչպես նաև հեղուկը զանազան ապարատների և ռեզերվուարների մեջ մղելու համար։ Խմելու ջրի մատուցման ներարկիչի գործողությունը հիմնված է շոգու շիթի կինետիկ էներգիան ջրի ճնշման էներգիայի փոխակերպելու վրա։ Կիրառվում է փոքր ստացիոնար և փոխադրովի կաթսայակայանքներում։ Փոքր արտադրողականության և խմելու ջրի բարձր ջերմաստիճանի (40°C–ից ավելի) դեպքում օգտագործման անհնարինության պատճառով ներարկիչը չի կարող կիրառվել միջին հզորության կաթսաների սնման համար։ Գազերի, շոգու կամ հեղուկների արտածծման համար նախատեսված ներարկիչը անվանում են արտարկիչ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 242)։