Նավաստու կնոջ հուշարձան

Նավաստու կնոջ հուշարձան;
	Նավաստու կնոջ հուշարձանը
Տեսակ	հուշարձան
Ստեղծում	2010
Երկիր	Ռուսաստան
Բնակավայր	Նովոռոսիյսկ
Շինության ձև	Քանդակ
Ներկա վիճակ	Կանգուն

Նավաստու կնոջ հուշարձան (ռուս.՝ Памятник жене моряка), քանդակ-հուշարձան Ռուսաստանի Կրասնոդարի երկրամասի Նովոռոսիյսկ քաղաքում։ Տեղադրվել է 2010 թվականին Առափնյա փողոցի կենտրոնում` «Միխայիլ Կուտուզով» հածանավի և Ծովային կայարանի մոտակայքում^[1]^[2]։

Հեղինակներ[խմբագրել | խմբագրել կոդը]

Քանդակագործ` Ալեքսանդր Սուվորով
Ճարտարապետ` Ալեքսանդր Իզմոդենով^[1]^[2]

Նկարագրություն[խմբագրել | խմբագրել կոդը]

Հուշարձանն ունի մի քանի ոչ պաշտոնական անվանում` «Կինը և երեխան սպասում են նավաստուն», «Մայրը և երեխան», «Ծովայինի կինը»^[1]^[2]։

Քանդակը պատկերում է կնոջ (հավանաբար` մորը), որը կրծքին է սեղմում երեխային (հավանաբար` որդուն)։ Երկուսի ձեռքերն էլ պարզած են, հայացքներն ուղղված են ծովախորշի կողմը։ Տպավորություն է, ասես նրանք ճանապարհում են հայրիկին։ Քանդակագործ Ալեքսանդր Սուվորովը նրանց դեմքերին հաղորդել է թախծոտ տրամադրություն, և նրանք շատ տխուր են, որ երկար ժամանակ չեն տեսնելու ընտանիքի հորը։ Քանդակը ստեղծվել է մոտ մեկ տարում^[1]^[2]։

Քանդակը պատրաստված է բրոնզագույն ներկված երկաթից։ Բարձրությունը 2 մետր 30 սանտիմետր է^[1]^[2]։

Բացումը տեղի է ունեցել 2010 թվականի օգոստոսի 24-ին^[1]^[2]։

Քննադատություն[խմբագրել | խմբագրել կոդը]

Որոշ քննադատներ կարծիք են հայտնել, որ քանդակի տեղադրման վայրը սխալ է ընտրված. հերոսները նայում են ոչ թե դեպի բաց ծովը, այլ դեպի Նովոռոսիյսկի նավանգիստը։ Բայց մեծամասնությունը դա համարում է մանրուք, և կարևորն այն է, որ քաղաքում վերջապես հայտնվել է նավաստու կնոջը նվիրված հուշարձան^[1]։