Նադիր (աստղագիտություն)

Անվան այլ կիրառումների համար տե՛ս՝ Նադիր (այլ կիրառումներ)

Նադիրի, զենիթի և հորիզոնի տիպերի առնչությունները ցույց տվող սխեմա։

Նադիր (արաբ․՝ نظير‎‎ նազիր < նազարա – նայել), տվյալ վայրից անմիջականորեն ներքև ցույց տվող ուղղությունը, այսինքն՝ տվյալ կետում հորիզոնական հարթությանը օրթոգոնալ երկու ուղղահայաց ուղղություններից մեկը։ Քանի որ «ներքև» հասկացությունը հստակ չէ, նադիրը սահմանվում է ավելի խիստ տերմիններով։ Աստղագիտության մեջ, երկրաֆիզիկայում և առնչվող գիտություններում (օրինակ՝ օդերևութաբանության մեջ) նադիրը տվյալ կետում գրավիտացիայի ուժի ազդեցության ուղղությանը համընկնող ուղղությունն է։ Նադիրին հակադիր կետը կոչվում է զենիթ։ Զենիթը և նադիրը հորիզոնի երկու բևեռներն են։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 140)։