Յա. Պ. Բակլանովի հուշարձան

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Յակով Բակլանովի հուշարձան
Памятник Я П Бакланову.JPG
Յակով Բակլանովի հուշարձանը Նովոչերկասկում
Կոորդինատներ47°24′47″ հս․ լ. 40°6′39″ ավ. ե. / 47.41306° հս․. լ. 40.11083° ավ. ե. / 47.41306; 40.11083Կոորդինատներ: 47°24′47″ հս․ լ. 40°6′39″ ավ. ե. / 47.41306° հս․. լ. 40.11083° ավ. ե. / 47.41306; 40.11083
Գտնվում էՌուսաստան Նովոչերկասկ
Շինության ձևըԲրոնզե, գրանիտե հուշարձան
Ներկա վիճակըՄԺՕ № 6101098000

Յակով Բակլանովի հուշարձան (ռուս.՝ Памятник Я. П. Бакланову), հուշարձան Նովոչերկասկում: Տեղադրվել է գեներալ, Կովկասյան պատերազմի մասնակից Յակով Բակլանովի հիշատակին: Ճարտարապետ և քանդակագործ Ն. Վ. Նաբոկովի ստեղծած հուշարձանն ի սկզբանե տեղադրվել է Սանկտ Պետերբուրգում, Սմոլնի մենաստանի Վոսկրեսենսկոե գերեզմանատանը՝ Յակով Պետրովիչի գերեզմանին, կամավոր նվիրատվությունների շնորհիվ: Սակայն 1909 թվականին, երբ նշվում էր Յակով Պետրովիչի 100-ամյակը, որոշվեց նրա մասունքները վերաթաղել Դոնի մայրաքաղաքում: 1911 թվականին վերահուղարկավորման աճյունի հետ Նովոչերկասկի Երմակի հրապարակ տեղափոխեցին հուշարձանը: Այն գտնվում է Նովոչերկասկի Համբարձման տաճարի հարավային կողմում[1]: Հուշարձանի հանդիսավոր բացումը տեղի է ունեցել 1911 թվականի հոկտեմբերի 5-ին:

Պատմություն[խմբագրել | խմբագրել կոդը]

Բակլանովի հուշարձանը մինչհեղափոխական բացիկի վրա
Յակով Բակլանովի հուշարձան, 2013 թվական

1873 թվականին, Յակով Բակլանովի մահվանից հետո, ատաման Միխայիլ Չերտկովի խնդրագրով ստորագրահավաք է սկսվել՝ հուշարձանի համար միջոցներ հավաքելու համար: 1875 թվականի սկզբին ստորագրություններով հավաքվել էր 2314 ռուբլի 2 կոպեկ ընդհանուր գումար: Ռազմական ատաման Նիկոլայ Կրասնոկուտսկին նախագծի մշակման համար առանձնացրել է երկու սպաների: Ն. Նաբոկովի ստեղծած Բակլանովի հուշարձանի նախագիծը ցուցադրվել է Նովոչերկասկի Պալատական ժողովի դահլիճում հրապարակային դիտման համար:

Նկարագրություն[խմբագրել | խմբագրել կոդը]

Հուշարձանն իրենից ներկայացնում է գրանիտե ժայռ, որի վերևի հատվածում խոնարհված մարտական դրոշն է մակագրությամբ. «Чаю воскресения мёртвых и жизни будущего века. Аминь» և կազակական յափնջին, որի տակից երևում է գեներալի սուրը: Մոնումենտալ կառուցվածքը պսակում է բրոնզե փափախը, իսկ պատվանդանի կողմերում փորագրված են այն վայրերի անունները, որտեղ Բակլանովը փայլուն հաղթանակներ է տվել: Ճակատային կողմում փարգրված է բրոնզե մեդալիոն մակագրությամբ.«Դոնի զորքերի գեներալ-լեյտենանտ Յակով Պետրովիչ Բակլանով, ծնվել է 1809 թվականին, մահացել՝ 1873 թ.»:

Ծանոթագրություններ[խմբագրել | խմբագրել կոդը]

  1. «Памятник Якову Петровичу Бакланову» (ռուսերեն)։ Novocherkassk.net։ Վերցված է 2017-01-06