Մ. Ա. Բալակիրևի կիսանդրի (Նիժնի Նովգորոդ)
Մ. Ա. Բալակիրևի կիսանդրի | |
---|---|
Տեսակ | քանդակ |
Երկիր | Ռուսաստան |
Բնակավայր | Նիժնի Նովգորոդ |
Ներկա վիճակ | Կանգուն |
Մ. Ա. Բալակիրևի կիսանդրի (ռուս.՝ Бюст М. А. Балакирева), ռուս կոմպոզիտոր, դաշնակահար, դիրիժոր Միլի Բալակիրևին (1837-1910 թթ.) նվիրված կիսանդրի Նիժնի Նովգորոդում։ Գտնվում է Պրովիանտսկայա փողոցի թիվ 5 տան հարևանությամբ գտնվող հրապարակում։
Պատմություն
[խմբագրել | խմբագրել կոդը]1842-1848 թվականներին Պրովիանտսկայա փողոցի թիվ 5 տանն ապրել է Միլի Բալակիրևը, որտեղ էլ ստացել է դաշնամուրի առաջին դասերը։ 1973 թվականին շենքը վերականգնվել և հանձնվել է կոմպոզիտորների միության Նիժնի Նովգորոդի մասնաճյուղին։ 1979 թվականին որոշվել է տան դիմացի հրապարակում տեղադրել Բալակիրևի հուշարձանը[1]։
Հուշարձանի բացումը տեղի է ունեցել 1980 թվականի հոկտեմբերի 10-ին։ Հանդիսավոր բացմանը ներկա են գտնվել կոնսերվատորիայի ուսանողներ և դասախոսներ, տղաների երգչախումբը, ֆիլհարմոնիայի կազմը։
Նկարագրություն
[խմբագրել | խմբագրել կոդը]Կիսանդրին սև գրանիտից է, պատվանդանի վրա ոսկյա տառերով Բալակիրևի ստորագրությունն է, կողքին բրոնզե սալաքար, որի վրա փորագրված է. «Եթե Բալակիրևը չլիներ, ռուսական երաժշտության ճակատագիրը բոլորովին այլ կլիներ»։
Հեղինակներ
[խմբագրել | խմբագրել կոդը]- Քանդակագործ՝ Վ. Ի. Պուրիխով
- Ճարտարապետ՝ Գ. Պ. Մալիկով
Ծանոթագրություններ
[խմբագրել | խմբագրել կոդը]- ↑ «Памятники культуры». Արխիվացված է օրիգինալից 2017 թ․ հուլիսի 3-ին. Վերցված է 2018 թ․ մարտի 29-ին.
Աղբյուրներ
[խմբագրել | խմբագրել կոդը]- Нижний Новгород: 785 вопросов и ответов.-Н.Новгород: Кварц, 2007.
- Памятники истории и культуры Горьковской области.-Горький: Волго-Вятское кн.изд-во, 1987.