Մխիթար (բանաստեղծ)

Մխիթար
Մասնագիտություն	բանաստեղծ

Մխիթար, 13-րդ դարի բանաստեղծ։

Կենսագրություն[խմբագրել | խմբագրել կոդը]

Ըստ մատենագրական որոշ տեղեկությունների՝ թերևս «Պղնձե քաղաքի պատմության» թարգմանիչ Առաքել աբեղա Անեցու կամ Շիրակվանեցու գործընկեր Մխիթար Չեչկանց Շիրակվանեցին է։ Անիին մերձակա Բագնայրի վանքի 1223 թվականի արձանագրություններից մեկում Մխիթարը հիշատակվում է իբրև որդի «Չեչկանց Աւետեացն» և հայր Վահրամի։ Նրա անունով ավանդված կաֆաները «Պղնձե քաղաքի պատմության» հայերեն թարգմանության հայտնի հեղինակ ունեցող կաֆաներից հնագույնն են. հանդիպում են Մատենադարանի՝ «Պղնձե քաղաքի պատմության» № 6185 ձեռագրում (17-րդ դար)։ Դրանք հինգն են և գրված են հայրենի չափով, 8-տող։ Իբրև իրական կյանքի պատկերներ՝ առանձնանում են բնագրի մյուս կաֆաներից և ընդհանրություններ ունեն Ալեքսանդրի պատմության համապատասխան դրվագների հետ։

Գրականություն[խմբագրել | խմբագրել կոդը]

Սիմոնյան Հ., Հայ միջնադարյան կաֆաներ, Ե., 1975, էջ 152–153։

Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։