Միություն (հանդես)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Միություն (այլ կիրառումներ)

«Միություն», հասարակական, քաղաքական և ուսումնական կիսամյա հանդես։ Զմյուռնիայի Հաշտենից ընկերության հրատարակություն։ Լույս է տեսել 1860 թվականին, Զմյուռնիայում։ Խմբագիր՝ Ս․ Վանանդեցի։ Պաշտպանել է Ազգային սահմանադրությունը, ձգտել գաղթավայրի միաբանության։ Նպաստել է ազգային լուսավորությանն ու առաջադիմությանը, դրականորեն վերաբերվել Ա․ Ոսկանյանի «Արևմուտք» դիրքորոշմանը։ Լուսաբանել է Զմյուռնիայի վարժարանների, «Վասպուրական» թատրոնի գործունեությունը, ներկայացրել եվրոպական գրականությունը։ Աշխատակցել են Տ․ Սավանալյանը, Գ․ Կոստանդյանը, Հ․ Տետեյանը, Մ․ Մամուրյանը, Ա․ Պալապանյանը, Ղ․ Մամուրյանը, Ա․ Չելեքյանը, Ա․ Ղոնճայանը, Ս․ Փափազյանը և ուրիշներ։ 1861—1862 թվականներին հրատարակվել է «Միություն սահմանադրական» անունով։ Մ․ Հակոբյան «Միություն», Հայկական բարեգործական ընդհանուր միության պաշտոնաթերթ։ Լույս է տեսել 1912—1961 թվականներին (1912—1927 թվականներին՝ Կահիրեում, 1928—1940 թվականներին՝ Փարիզում, 1947—1961 թվականներին՝ Նյու Ցորքում)։ 1961 թվականին «Միություն»-ի և «Հուշարար»-ի միավորումով ստեղծվել է <Հուշարար-Միություն>-ը, որը պահպանել է «Միություն»-ի համարակալությունը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 623 CC-BY-SA-icon-80x15.png